«Ханталапай» интеллектуалды ойыны

Жүргізуші: Жақсы болу өзіңнен,

Жаман болу өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

«мен қандаймын?» деп ойла.

Жамандық көрсең біреуден,

«мен қандаймын?» деп ойла, - дей отырып, бүгінгі «Ханталапай» интеллектуалдық ойын сайысына хош келдіңіздер! Бүгінгі ойынымыз өте ерекше, өйткені біз топпен жұмыс істейміз.

Балалар жарты шеңберге малдас құрып жайғасады.

Жүргізуші: Балаларды 2 топқа бөліп ойын шартымен таныстырады.

Ойын шарты: Жүргізуші қоржындағы асықтарды балалардың алдына шашады.Балалар асықтарды таласып бөліп алады. Әр бала алған асықтарын тігіп, оларды атуға дайындалады. Хан асығы қолына түскен бала ойынды бастап, асықтарды атады. Тигізген асықтарын ұтып алады.Тигізе алмай қалған жағдайда, жүргізушінің тапсырмасына жауап береді.Тапсырмаға дұрыс жауап берсе, келесі асықты атады. Екінші рет тигізе алмаған жағдайда өз кезегін келесі балаға береді.Егер бала тап-сырмаға жауап бере алмаса, басқа балалардың жауап беруіне болады. Бұл

жағдайда асықты ату кезегі дұрыс жауап берген балаға беріледі.

Осылайша ойын жалғаса береді. Ойын соңында әр бала ұтқан асықтарын санайды. Қай топтың асығы көп болса, сол топ жеңіске жетеді.

Жүргізуші: Талапай, талапай, табылды ойын алақай!

Ойын тапсырмалары:

Тақтада неше алма тұр?

Мынау қандай геометриялық пішін?

1-ден 10-ға дейін тура және кері сана

Машинаның неше дөңгелегі бар?

Бағдаршамның неше көзі бар?

Бір жылда неше мезгіл бар?

Сендердің жастарың нешеде?

Адамда қанша көз бар?

Аспанда неше күн бар?

Қоянда неше құлақ бар?