ИБАЛЫ ҰЛ, ИНАБАТТЫ ҚЫЗ- ӨМІР КӨРКІ

Сабақтың мақсаты:
1.Оқушыларды адамдық асыл қасиеттерді қастерлеп,өмір заңдылықтарын білуге үйрету.
2.Адамгершілік қасиеттерге бағыттай отырып, оқушының рухани білімін байыту, логикалық ойын дамыту, ойын еркін, дәлелді түрде жеткізе білуге жетелеу.
3.Адамгершілік қасиеттерді сезіне білуге және үлгі ете білуге тәрбиелеу,имандылыққа, инабаттылыққа баулу
Көрнекілігі : интерактивті тақта, нақыл сөздер, техникалық құралдар
Түрі: өнеге сағаты
Әдісі: сұрақ – жауап,топтастыру, тренинг, жағдаяттық сұрақтар
Сабақтың барысы:
І Ұйымдастыру кезеңі
ІІ Тренинг( топтастыру стратегиясы )
ІІІ Жаңа ақпарат
ІҮ Ойланайық, пікірлесейік
Ү Ситуация – жағдаяттар
ҮІ «Жалғастыр» ойыны
ҮІІ Қорытынды (жүректен жүрекке)
І Ұйымдастыру кезеңі
-Елбасы биылғы жолдауында ХХІ ғасырдағы жахандық дағдарыстың өзінде еліміздің еңсесі түспей, экономикасы ілгерлеумен сипатталатын мемлекеттер қатарында екендігін атап өтті. «Қазақстан - 2050» тарихи құжатта жастарға көп міндет артылған.
- «Еліміздің болашағы зор деп білем,
Сол үшін қайрат етер ерлер кілең.
2050- менің болашағым,
Жалындап жаңа өмір , саған кірем»- де¬гендей, бұл стратегия сіздерге арналған.Оны жүзеге асыратын да, жемісін көретін де сіздер.
Қазақта «Қыз ақылды ескермес, ана үлгісін көрмесе,
Ұл жарқылдап ас бермес, әке үлгісін көрмесе»- деген ұлағатты сөз бар.Ендеше, ба¬лалар бүгінгі тәрбие сағатымызды бастайық. Барлығыңыз ортаға шығып, шеңбер құрып тұруларыңызды сұраймын.
ІІ Шаттық шеңбері : Музыка ойнап тұрады
Қайырлы күн, балалар!
Шеңбер болып тұрайық жылы жүзбен,
Бізге келсін қуаныш нұр іздеген.
Шуақ толған жанымыз, жүрегіміз,
Үлгі алсын көрген жан мына бізден
Ұл мен қызды дәріптеу мақсатында өлең шумақтары оқылады
Мұғалім: Білектей арқасында өрген бұрым,
Шолпысы сылдыр қағып жүрсе ақырын.
Кәмшәт бөрік, қара қасты,
Сұлу қыздың көріп пе ең мұндай түрін?- деген Абай атамыздың өлең жолдарын қыздарымызға,
Атадан жақсы ұл туса,
Елінің туы болады.
Атадан жаман ұл туса,
Елінің соры болады-деген Қазыбек бидің нақыл сөздерін ұл балаларға арнай отырып, бүгінгі «Ибалы ұл, инабатты қыз- өмір көркі » атты тәрбиелік шарамызды бастаймыз. Енді жұмысымызды әрі қарай жалғастыру үшін екі топқа бөлініп отырамыз. І топ «Инабатты қыз» тобы
ІІ топ «Ибалы ұл» тобы
Қыздар тобы қызыл түсті жүрекше, ұлдар тобы жасыл түсті жүрекшені алып , орыдарыңызға отыруларыңызды сұраймын.
ІІІ Тренинг
.-Алдарыңыздағы параққа адам бойындағы жаман қасиеттерді жазыңыздар.Жазған қағазды алдарыңызға бүктеп қойыңыздар. Енді жақсы қасиеттерді жазыңыздар.Жақсы қасиеттерді топтастырып айтайық.
Мұғалім: Балалар,қазақта мынадай мақал бар екен. Қыздарға ибалы, инабатты болсын, ұлың иманды, жүректі болсын! Адам бойын¬да жақсылық пен жамандық, имандылық пен имансыздық қатар жүреді.Енді осы жаман қасиеттерден мүлде аулақ болу үшін манағы жаман қасиеттерді жазған парақты жыртып тастайық.Бүгінгі тәрбие сағатымызда тек жақсы қасиеттерді сөз етіп, ұл мен қыздың тәрбиесіндегі адамгершілік, имандылық қағидаларына тоқталамыз. Өз пікірлерімізді ортаға салайық. «Иман », «Инабаттылық» дегенді қалай түсінесіңдер?
Ү Ойланайық, пікірлесейік
Ұлдарға сұрақ: 1.Қыздың көркі деп нені түсінесің?
2.Қыздарды неге өмірдің гүлі дейді?
3.Қызға қандай қылық жараспайды?
4.Қыздарға арнап мақал айт.
5.Өзіңе қыздардың қандай мінезі ұнайды?
Қыздарға сұрақ:1.Ұлдарға қандай қылық жараспайды?
2.Ұлдарға арнап мақал айт.
3.Саған ұлдардың қандай мінезі ұнайды?
4. «Атадан жақсы ұл туса, елінің туы бола¬ды» дегенді қалай түсінесің?
5.Ұл бала үшін қасиетті борыш деп нені ай¬тар едің?
ҮІ Ситуациялық жағдаяттар сұрақтары:
І топқа:- 1.Сіз автобуста отырсыз.Келесі аялдамадан қарт адам кірді. Бос орын жоқ.Не істер едің?
2.Көшеде қарт әже құлап қалды.Сен не істер едің?
3.Сіз мектепте біреудің сөмкесін тауып алдың. Қандай әрекет жасар едің?
ІІ топқа:-1.Сыныптас екі құрбың теат¬рда отырып, қатты күліп,дөрекі сөйлеп, басқалардың көңілін өздеріне аударып отыр. Құрбыларыңа не айтар едің?
2.Сіз дүкенде кезекте тұрсыз.Сізден кейін қарт адам келіп тұрды.
Қайтер едіңіз?
3.Көшеде, мектепте,үйде таныс адамдар¬мен кездескенде не істеу
керек?
ҮІІ. «Жалғастыр» ойыны
ҮІІІ. Қорытынды.
Мұғалім: Сонымен балалар, бүгінгі тәрбие шарамыздан түйдік?
Бүгі н біз адамгершілік, имандылық туралы мағлұмат алдық. Сіздр қай жрде болсаңдар да әдепті, тәртіпті ,ақылды болып, жамандықты жақсылыққа баурап жүрулеріңіз керек. Өмір сіздерден осыны талап етеді. Сонымен, иман¬ды ұл мен инабатты қыздың бойында қандай қасиеттер болуы керек?
Топтастыру
Иманды ұл
Инабатты қыз
Тәртіпті ибалы
Қайырымды сыпайы
Әдепті биязы
Адамгершілігі мол кішіпейіл
ІХ. Жүректен жүрекке.
- Балалар, енді бір- біріңе тілек жазып, қалаған адамдарыңа ұсына қойыңыздар.
Аң жортар аяғымен, жер еркесі,
Құс ұшар қанатымен көк еркесі.
Халқыңа қалаулы ұл, қыз боламын десең,
Адам бол! Болма адамның көлеңкесі – деп Абай атамыз айтқандай, сіздрге адмгершілігі мол, еліміздің иманды да, инабатты ұл қызы болып өсіңіздер деп тілек айтамын. Бүгінгі сабаққа белсене қатысқадарыңыз үшін көп рахмет, сау болыңыздар.

6-сынып

Сабақтың тақырыбы: Өз ауылымның табиғаты. 
Білімділік: оқушыларды өз ауылымызбен таныстыру; оқушының дүниетанымын кеңейту, ауызша ойлау мен сөйлесу қабілетін дамыту; Туған жерді Отанды қасиеттеу,туған елдің мәдениетін салт-дәстүрін тілін құрметтеуге тәрбиелеу туған жерін, елін сүюге тәрбиелеу 
Сабақ көрнекілігі: тірек-сызбалар,плакаттар,суреттер,үлестірмелі кәртішкелер 
1 Ұйымдастыру бөлімі: 1. Оқушылардың сабаққа дайындығын тексеру. 2. Амандасу. 
Ауылға байланыстырып келген әңгімелерін оқып талдау жасау 
2 Кезекті сұрақтар мен ауызша жұмыс өткізу. 
1Қазір жылдың қай мезгілі? 
2 Көктем айларын ата. 
3 Бір аптада неше күн бар? 
4 Біз қай Мемлекетте тұрамыз? 
5 Қазақстан туралы не білеміз? 
6 Біздің Қордай Қазақстанның қай жерінде орналасқан? 
7 Қордайдың табиғаты туралы не білеміз? 
8 Табиғаттың экологиясына қандай көмек жасайсыңдар? 
Оқушылардың зейінін сабаққа аудару. 
3 Психологиялық дайындық: 
4 . Ой қозғау. Схема құрастыру. Лексикалық тақырып 
- Балалар, айтыңдаршы «қала», «ауыл» деген сөздерді естігенде нені көз алдарыңа елестетесіңдер? 
5 . Дәптермен жұмыс. 
Қаңтардың он тоғызы. 
Сынып жұмысы. 
Өз ауылымның табиғаты 
Балалар, мына ұсынылған сөздермен сөйлем кұрастырып көрейік 
Ауылда, көшелер,мектептер,аурухана,,шіркеу,стадион,пошта,дәріхана,кітапхана. 
6 Тапсырма ұсыну Сұрақтарға толық жауап айтып өту. 
1 Қордай ауылы қай жерде орналасқан?. 
2 Біздің Қордай ауылында жазғы уақытта қалай демалады? 
3 Жазғы уақытта адамдар не істейді? 
4 Ауыл жанында қандай қызығатын көріністер бар? 
5 Ауылдың ішінде нелер бар? 
6 Ауылдың ортасында не бар? 
8 Мектептің қасында не бар? 
9 Енді қазір үш топқа бөлініп әр топ өз тапсырмаларын орындайды. 
І-топ тапсырмасы. 
Корнеевка ауылының табиғаты туралы суреттеу. 
ІІ- топ тапсырмасы. 
Корнеевка ауылының мақтан ететін жерлері туралы әңгімелеу. 
ІІІ- топ тапсырмасы. 
Корнеевка аулындағы жеке шаруашылықтар туралы әңгімелеу. 
10 . Тірек сызбаны құрастыру. 
-Біз қай ауылда тұрамыз? 
-Корнеевка ауылында нелер бар? 

Корнеевка суретінің көрінісі. 

11. Грамматикалық тақырып. 
1. Берілген сөйлемдерді орыс тіліне аударыңдар. 
Біз ауылдың сыртына шығамыз. 
Мектептің алдында жануарлардың мүсіні бар. 
Сен мені үйдің жанында күтесің бе? 
3. Берілген сөздердің түбірі мен жалғауын ажыратыңдар. 
Ішінде, үстінде, артында, жанында, астында, алдында. 
Берілген сөздер қай септіктің сұрағына жауап береді? Берілген сөздер қай септікте тұр?

12 Дұрыс-бұрыс ойынын өткізу 

Қалада ферма бар Бұрыс Ауылда әуежай бар бұрыс 

Ауылда әртістер бар дұрыс 
Қалада сауыншылар тұрады бұрыс 
Циркте жолсерік жұмыс істейді бұрыс 
Стадионда бағдаршам тұр бұрыс 
13. Оқулықпен жұмыс. 
78-бет 1-тапсырма. Мәтінді мәнерлеп оқып, орыс тіліне аударамыз. 
14. Венн диаграмма. 

Қала Ортақ қасиеті Ауыл 

8 Сабақты қорытындылау 
Тапсырма 
Үйге тапсырма. Бағалау

Қайырымдылық – жылы жүректен

Тақырыбы: «Қайырымдылық – жылы жүректен»
Мақсаты: Балалардың санасына мейірімділік, қайырымдылық ұғымдарын қалыптастыру, әлеуметтік жағдайы төмен балаларға көмек көрсету, оқушыларды кішіпейілділікке, бауырмалдыққа баулу.
1-Жүргізуші: Қайырымды бола білу үлкен іс,
Үлкенге ізет, кішіге құрмет көрсетіп.
Жақсылықты жаса қолдан келсе егер,
Біле білсең өзің үшін ол жеңіс.
Армысыздар, құрметті қонақтар, ата-аналар, балалар! Мектебімізде өтіп жатқан «Мектепке жол» қайырымдылық акциясының жабылуына орай ұйымдастырылған «Қайырымдылық – жылы жүректен» атты тақырыбындағы мерекелік кешімізге қош келдіңіздер!
2-Жүргізуші: Балаларды қорғау керек бәрінен,
Қардан, қыстың қаһарынан, кәрінен.
Қорғау керек нәзік гүлдей аялап,
Жан шуағы, мейірім, бақыт, қуаныш
Балаларға бөлінбесін алалап.
1-Жүргізуші: Мектебіміздің күміс көмей әншісі Утепова Ұлмекенді «Анаға сый» өлеңімен ортаға шақырамыз.
2-Жүргізуші: Егеменді еліміздің жарқын болашағы – бүгінгі жас бүлдіршіндер. Сондықтан, барлық игі жақсылық пен жүрек жылылығы балғын балаларға арналады.
1-Жүргізуші: Неткен құдірет! Күн ғой сәби күлгені,
Жарқыратып жібереді-ау дүниені
Жетеді ме күлгеніне сәбидің. 
Жарты әлемнің барлық жалын гүлдері.- дей келе, кезекті 
«Перзент парызы»әнімен, Төлеуғазы Ақленді шақырамыз.
2-Жүргізуші: Мейірімділік – ғажайып өмір есегі,
Мейірімді болсаң, сазды әуенмен тербетілер бесігің.
Ашық болсын мұқтаждарға көңілің мен есігің,
Мейірімсіз болсаң, Алладан болмас кешірім.
Қол ұшын бер жетімдерге жылаған,
Қайтарма қолын ананың көмек сұраған
Оу, Адамзат, сіңірген бой,а мейірімді.-дей келе, сөз кезегі «Мектепке жол» акциясы кезінде көмек беріп, қолдау көрсеткен мектеміздің ата-аналар комитетінің төрайымы Жиеналина Марал апайға беріледі.
1-Жүргізуші:Ортаға мың бұралған «Корей биімен» Сағадинова Ырыстыны шақырамыз.
2-Жүргізуші: Біз тілейміз бар бөбекке,
Бақытты өмір сүргенін.
Туған елге еркелеп,
Қуанғанын, күлгенін.
Сусынымыз қанады,
Өнер, білім, нәрімен.
Әлемдегі баланың,
Дос боламыз бәрімен.
1-Жүргізуші: Сөз кезегі мектептің тәрбие ісі жөніндегі орынбасары Дощанова Ғайни апайға береміз.
2-Жүргізуші: 
Алаңдатпай сәби сүйген ананы.
Қатыгездік, безбүйректік, өктемдік,
Жауыздықтан қорғау керек баланы.
Ауру, апат, жоқшылықтан, аштықтан,
Жалқаулықтан, жат қылықтан, мастықтан.
Балаларды қорғау керек, ажыратпай,
Ойын-күлкі, ұйқысынан шаттықтан.
Адамдарға адамдардың оғы ұшқан,
Қорғау керек баларды соғыстан.
Болашақтың, барша ұлттық тағдырын,
Балалардың тағдырымен тоғысқан.
1-Жүргізуші: Күй «Ерке сылқым», орындайтын, Алпысбай Жансерік
2-Жүргізуші: 
Біз тілейміз бар бөбекке,
Бақытты өмір сүргнін.
Туған елге еркелеп,
Қуанғанын, күлгенін.
Сусынымыз қанады,
Өнер, білім, нәрімен.
Әлемдегі баланың,
Дос боламыз бәрімен.
1-Жүргізуші: Би: «Толғау» - 8 «Ә» сынып қыздары.
2-Жүргізуші: 
Көрмей өскен өмірдің дала мұңын,
Бақыт деген балдәурен балалығын
Бақыт деген ата-анам қуандырған,
Жеңістерім, табысты әр адымым.
1-Жүргізуші:
Сүйкімділер, періштелер сендерсің,
Қандай бейне өздеріңе тең келсін.
Данышпан да, ғарышкер де, ғалым да,
Ең алдымен балалықты меңгерген
Сендер дағы өздеріңше күрессең,
Өздеріңше сендер де өмір сүресің.
Болашақты жалғау үшін болашақ,
Бола жатар сендердің де үлесің.
2-Жүргізуші: 
Осымен өткізілген қайырымдылық акциямызды аяқтай келе, баршаңызға балаларға деген жүрек жылуын бөлісуге атсалысып, ыстық ықыластарыңыз бен аялы алақандарыңызды созып, балғын бөбектерге адамдық мейірімділік пен жомарттық танытқандарыңызға рахмет айта отырып, келгендеріңізге алғысымызды білдіреміз.
1-Жүргізуші:
Бала – бауыр етіміз. Сондықтан да балалардың өмірі жарқын болып, аман болсын. Қош, Сау болыңыздар!

Қайырымдылық – асыл қасиет

Тақырыбы: «Қайырымдылық – асыл қасиет»
Сынып жетекшісі: Жалгабаева Жадыра
Мұнайлы ауданы
2014 жылы
Қайырымдылық – асыл қасиет
Тәрбие сағатының мақсаты: Қайырымдылық, жақсылық жасау дәстүрлері жайында түсінік беру, қазақ тіршілігінде түрліше іске асырылып отырғандығы жайында мәліметтер беру, халқымыздың қайырымдылық дәстүрін жалғастыруға бағыт беру, үнемі жадында ұстауға тәрбиелеу. 
Көрнекіліктері: Қайырымдылық жайында жазылған ұлағатты сөздер: «Жасаған жақсылығың сатулы болмасын», «Адамға қылған жақсылық өмірінде тозбайды», «Бір-бірімізге қайырымдылық, мейірімділік жоқ жерде бірлік пен ынтымақтастықтың ауылы да алыстай береді», т.б. 
І. Ұйымдастыру кезеңі. 
... Адамға ең бірінші білім емес, рухани тәрбие берілу керек, тәрбиесіз берілген білім – адамзаттың қас жауы, ол келешекте оның барлық өміріне апат алып келеді. 

Әл-Фараби 

Тәрбие сағатының мақсатын айту.
Күй «Ерке сылқым».
Жүргізуші: 

Ата-бабаларымыз ұрпағына мұра етіп қалдырған тілі, салт-дәстүрі, әдет-ғұрпы бар. Олар бір шаңырақтың астында тату-тәтті өмір сүрген. Ұрпағының білімді болғанын армандаған. 

Адамға жақсылық жасау, қайырымдылық көрсету – халқымыздың мақтан етерлік дәстүрлерінің бірі. Бұл дәстүр қазақ тіршілігінде түрліше іске асып отырған. 

1-оқушы. 

Көрші-қолаңның, ағайын туыстың жалғыз аты өлсе, оның етін көпшілік болып бөлісіп, орнына бірігіп ат сатып берген.
2-оқушы. 
Алыс сапарға аттанғанда, кедейлерге ет-май деп майда малын уақытша болса да қарасып, мініске деп жылқы берген. Көлік-жай деп көшуге, малға жем-шөп даярлауға түйе беріп көмектескен. 
3-оқушы. 
Сауын деп кедей-кепшіктерге жаз кезінде сауынға мал берген .
Жүргізуші: 
Ата-бабаларымыз қайырымдылық дегенді осылайша түсінісіп, осылай жүзеге асырып отырған. 
«Адам баласына қолыңнан келсе, жақсылық қыл, жасаған жақсылығың алдынан шығады,» деген екен. Бір-бірімізге жақсылық жасаудан жалықпайық, достар! 
4-оқушы. 
Атаны ардақтау, ананы аялау, досты сүю, жолдасты құрметтеу – бізге бабаларымыздан қалған дәстүр. Бұл да – елдігіміздің нышаны. 
Жүргізуші: 
Ата-әжеге баланың ықыласы мына өлең шумақтарынан көрінеді: 
5-оқушы.
Таң атса күлімдеп, 

Жүрегім дірілдеп. 
Атама жүгірем,
Күн ашық бүгін, деп.
6-оқушы.
Жүрерде жер тіреп таяғын, 
Орнынан тұрады ол әрең.
Әттең, мен кішкентай баламын, 
Әйтпесе, арқалап алар ем. 
Сынып оқушылары «Әрқашан күн сөнбесін» әнін орындайды. 
Жүргізуші: 
«Ақыл тозбайтын тон,
Білім таусылмайтын кен» - деген ата-бабаларымыздың нақыл сөзі бізге тәрбие береді. 
Оқушы: 
Жақсы кісі ақылменен тәуір болады, 
Мінезі қорғасындай ауыр болады. 
Оқушы: 
Азаматпен дос бол, 
Қадіріңді біледі.
Білімдімен дос бол, 
Сасқанда ақыл береді. 
Жүргізуші: «Кімге не артық?»
Оқушы: 
Тәкаппарға көз артық-
Көріп тұрып, көрмейді.
Жарымеске сөз артық-
Жөн сөйлеуді білмейді. 
Оқушы: 
Не істесе де оңдырмас-
Артық қолы олақтың. 
Тілазарға тыңдамас-
Қажеті жоқ құлақтың. 
Ғұмырында, әр уақытта,
Түк істемес құмартып,
Жалқауға 
Құлақ та, 
Көз де, 
Қол да – 
Бәрі артық. 
Жүргізуші: Балалар, тәкаппарлық пен жалқаулықтан, тілазар болудан бойымызды аулақ сақтайық. 
Білімді,саналы болашақ. Білімді, саналы достардан әрқашан жақсылық күтуге болады. 
Жүргізуші: Көрініс «Ғылым, ақыл, жүрек» (Абайдың 17-қара сөзінен алынған). 
Күй. 
Көрініс. «Қиын есеп»
Басы қатты баланың, 
Шығара алмай есебін.
Іздеп түрлі амалын, 
Күбірлейді қос ерін. 


Қиналғандай көрініп,
Оның ... тісі де.
Қарындашты кеміріп, 
Кіріскен өз ісіне.
Талай тәсіл қолданып, 
Бір жазып,
Бір өшіріп,
Отыр бала ойланып, 
Ақ қағазға тесіліп. 
• Марат, не істеп отырсың?
• Мына есепті шығара алмай отырмын.
• Е-е, соншама қиналғаның не, мә, көшіріп ал!
• Рахмет. Жақсы болды, қазір-ақ көшіріп аламын.
• Ән "Ах Самара городок"Орындайтын: Атаман Наргиза 
Көрініс"Ерке немересі мен әжесі"
Мұғалім:
• Балалар, кім-кімге жақсылық жасады? Осы жақсылық па?
(Оқушылар өз ойларын ортаға салады)."
Жүргізуші: - Кім, не қасиетсіз? 
Оқушы: 
Өз ойы болмаса, ер қасиетсіз.
Жігері болмаса жігіт қасиетсіз.
Бал болмаса, ара қасиетсіз.
Жанбай қалған, шала қасиетсіз.
Өнерсіз болса, бала қасиетсіз.
Әділетсіз болса, дана қасиетсіз. 
Ұятсыз болса, қыз қасиетсіз.
Көк шықпаса, жер қасиетсіз. 
Оқушы: Қайырымдылық – асыл қасиет. Шексіз мейірімді, шексіз рақымды. Алла мұсылман құлдарына әрқашан да бір-біріне мейірімді, қайырымды болуға үндейді. 
Оқушы: Рамазан айы – мейірімділік, қайырымдылық айы. Бұл айда мұсылмандар пітір таратады. Бір-біріне қолынан келгенше қайырымдылық жасайды. 
Оқушы: «Күллі адам баласын қор қылатын үш нәрсе бар. Әуелі – надандық, екінші – залымдық, үшінші – еріншектік» - деп Абай атамыз айтқан екен. Міне, осы үш нәрседен бойымызды аулақ ұстайық. 
оқушы: 
Кісіге адамшылық не керек?
Адамдық – өзге айуаннан артық демек. 
Ит талаған төбеттей қалай дейсің,
Аямай әл келгенін жұтып жемек.
Мейірім – жақсы, залымдық жаман дейсің,
Қасқырлыққа қайтесің құр дөңгелеп.
Жан ашып, ешбір жанға жәрдем қылмай, 
Өткен адам – өсіп-өсіп құлаған бір бәйтерек. 
Ш.Құдайбердиев)
Оқушы: Өмірде еш өкініш болмасын, 
Имандылық босын сенің жолдасың. 
Жүргізуші: Бір-бірімізге қайырымдылық, мейірімділік жоқ жерде бірлік пен ынтымақтықтың ауылы алыстай береді. Ата-бабаларымыздан қалған асыл қасиеттерден жұрдай болсаң, қазақпын деуге құқымыз бола қояр ма екен? Енді ата-бабаларымыздың нақыл сөздеріне кезек берейік (Нақыл сөздер айтады). 
Жүргізуші: Біз – халқымыздың қайырымдылық дәстүрін жандандыратын, жалғастыратын ұрпақпыз. 
Өмір тауқыметін шегіп отырған кемтар адамдарға, көп балалы отбасыларға, қарттарға, зейнеткерлерге қайырымдылық қорлары да өз көмектерін көрсетуде. 
Халқымыздың осы бір бағалы дәстүрін – қайырымдылық пен жақсылықты ұмытпайық! 
Хор «Атамекен» әні.