«Информатика сабағында қашықтан оқыту жағдайында электрондық платформаларды қолдану»

«Информатика сабағында қашықтан оқыту жағдайында электрондық платформаларды қолдану»

Қашықтықтан оқыту-заманауи ақпараттық-телекоммуникациялық технологияларды пайдалануға негізделген білім алу тәсілі. Мұғалім мен оқушы арасындағы байланыс Интернет арқылы жүзеге асырылады. Сондықтан, әрине, педагог пен білім алушыда тиісті техникалық құралдар мен Интернет желісіне қолжетімділік болуы қажет.

Әрине, мұғаліммен жеке байланыс өте маңызды, себебі оқушылар өз бетінше барлық материалдарды толығымен меңгере алмайды және жеке бас дағдыларын игеріп өз жетістіктерін бақылай да алмайды.

Әрине, информатика мұғалімдеріне қашықтықтан оқытуды қолдану қисынды әрі оңай, өйткені бізде дайын мүмкіндіктерді пайдалануға ғана емес, сонымен қатар электронды ресурстарды өзіміз әзірлеуге мүмкіндік беретін тиісті технологиялар бар.

Мектепте қашықтықтан оқыту үшін Сіз Интернеттің келесі мүмкіндіктерін пайдалана аласыз: электрондық пошта, желілік білім беру ресурстары, оқушыларды бақылау және кері байланыс нысандары, бұлтты технологиялар.

ҚР Білім және ғылым министрлігінде қашықтықтан оқыту кезінде қазақстандық мұғалімдер мен оқушыларға арналған негізгі интернет-платформаларды ұсынды. Сонымен қатар, әр мектеп қандай платформаны пайдалану туралы тәуелсіз шешім қабылдайтынын да атап айтылған болатын. Біздің мектепте қашықтықтан оқытуды жүзеге асыратын 2 платформаны қолданамыз. Біріншіден, бұл Kundelik.kz. көптеген мұғалімдер, балалар мен ата-аналар бұл жүйені біледі. Екінші платформа – Bilimland.kz.

"Кунделик.Кз " - Қазақстан мектептері үшін білім беру мақсатында құрылған автоматтандырылған онлайн-платформа. Бұл қызмет арқылы мұғалімдер, оқушылар және ата-аналар қашықтықтан өзара байланыса алады. Сонымен қатар, пайдаланушыларға электрондық журнал, үй тапсырмаларын қарау, оқушылардың сабаққа қатысуы/үлгерімін бақылау, дайын бейне сабақтарын көру және тағы басқа да мүмкіндіктер қолжетімді. Бұл жүйені бұрыннан қолданатындықтан, мен тек жүйеге жақында ғана қосылған жаңа функцияға тоқталғым келеді - бұл платформада бейне сабақтар өткізу.

Kundelik жүйесі MicrosoftTeams сервисінің көмегімен бейне сабақтар өткізуге мүмкіндік береді. Біріншіден мұғалім бейнесабақты алдын-ала жоспарлайды, кейін сабақ уаұытында сынып сабаққа бірден қосылатын болады. Бейне сабаққа қатысушылар бір-бірін көреді және естиді, сондықтан сабақ әдеттегі форматта өтеді: мұғалім тақырыпты түсіндіреді және оқушыларға "тақтада"сөйлеуді ұсынады.

kundelik.kz платформасында бейне сабақты қалай құрамыз?

Жүйеде бейне сабақты құру үшін, ең алдымен:

• Күнтізбелік жоспарлау бетіне өтеміз, «Бейне сабақты жоспарлау» батырмасын басамыз. немесе 

• Сабақтың бетіне өтіп «Бейне сабақты жоспарлау» батырмасын басу. 

• Жүйе автоматты түрде бейне сабақ өткізілетін бөлмеге сілтеме жасайды және оны таңдалған сынып оқушыларына жібереді.

Екінші платформа Bilimland.kz. 

OnlineMektep- қашықтықтан оқытуды ұйымдастыруға арналған платформа - қашықтықта мұғалім мен оқушының өзара әрекетін ұйымдастыру.

Қашықтықтан оқытудың екі түрі бар: синхронды (нақты уақыттағы сабақ) және асинхронды (өз қарқынымен оқыту).

Видео форматында онлайн сабақтарға қол жетімділік беріледі. Пайдаланушылар оқу материалынан өтіп, әртүрлі жаттығулар жасай алады және мектеп пәндері бойынша білімдерін шыңдай алады.

OnlineMektep - бұл өте ыңғайлы, көрнекі, практикалық платформа. Бұл платформада жұмыс істеу балаларға өте қызық.

Біз сіздермен осы платформаны оқу процесінде пайдалану бойынша бірнеше рет кеңес беру кездесулерін өткіздік. Сондықтан да бұл жерде де мен тек жаңа функцияға тоқталғым келеді - бұл өзіміздің интерактивті сабағымызды құру, яғни қазір таңда платформаны құрушылардың әзірлеген сабақтары сияқты интерактивті қызықты сабақтарды жасауға әрбір ұстаздың мүмкіндігі бар.

Сонымен қатар, оқушылармен қашықтықтан жұмыс жасауда келесі мүмкіндіктерді қолданамын:

1. Коммуникация, бағалау және кері байланыс құралдары. Оқушылармен үнемі байланысу, олардан орындалған тапсырмаларды алу, олардың сұрақтарына жауап алу үшін мен WhatsApp және telegram сияқты электрондық поштаны, чаттар мен мессенджерлерді пайдаланамын. Сондай-ақ, бұл құралдардың көмегімен тақырыпты игеруге қажетті материалдарды, бейне сабақтарды, тапсырмаларды, олардың жұмысын тексеру нәтижелерін жіберемін

2. Бейнеконференциялық байланыс. Толығымен немесе егжей-тегжейлі талқылауды қажет ететін тақырыптарды ұсынуда немесе оқушыға түсініксіз жағдайларды талқылауда мен Zoom платформасын қолданамын.

3. Қарым-қатынас құралдары

Google Диск. Мен Google құжаттарының бар екендігі туралы бұрыннан білетінмін, бірақ оларды мұғалімнің жұмысында қалай қолдануға болатынын түсінбедім. Қашықтан оқыту маған бұны үйретті. Шын мәнінде, Google құжаттары-бұл мұғалім үшін таптырмас құралдардың бірі.

Қашықтықтан оқыту кезінде менің алдымда мәселе тұрды – оқушылардан кері байланысты қалай алуға болады. Әр түрлі қызметтер, соның ішінде Google құжаттары маған көмекке келді. Яғни, көп ретте мен Googleформаларды БЖБ және ТЖБ кезінде тест тапсырмаларын жасауда қолдандым, өйткені бұл форма өте ыңғайлы, себебі әр баланың тапсырмасын, әр баланың дәптерін тексерудің қажеті жоқ, жүйе сізге бәрін пайызбен автоматты түрде есептеп береді. Бірақ менің ойымша, бұл мұғалімнің Google құжаттарын қолданудың барлық тәсілдері емес. Мысалы, тілдік пәндер үшін-бірінші әдіс-тақтаға балама, екінші әдіс-жұмыс дәптерлері және т. б.

Сонымен қатар бақылау жұмыстарын жазуда немесе күнделікті сабақта кері байланыс алуға өте ыңғайлы платформалардың бірі – бұл Padlet виртуалды тақтасы.

Рadlet қарапайым және мұғалімнің жұмысындағы әмбебап құрал. Оған жазбалар, суреттер, фотосуреттер, файлдар және сыртқы ресурстарға сілтемелер, мысалы, youtube бейнелері қоса аласыз.

Жасалған элементтерді өзгерту өте оңай. Фондық суретті өзіңіз таңдайсыз және де өз фоныңызды жүктегіңіз келсе, өзгерте аласыз. Онлайн тақталардың артықшылығы-бірлескен жұмыс мүмкіндігі. Тақта дайын болған кезде сіз оны әлеуметтік желілерде бөлісе аласыз, сілтемені пошта арқылы жібере аласыз, тақтаны сайтқа енгізе аласыз, сурет сияқты pdf форматында, Excel кестесі ретінде экспорттай аласыз, басып шығара аласыз.

Қашықтықтан білім беру, сөзсіз, мектеп оқушыларын (әсіресе орта мектеп оқушыларын) оқытудың дәстүрлі түрлерін толықтыра алады. Бұл оқушылардың психологиялық мәселелерін шешуге көмектеседі, уақытша және кеңістіктік шектеулерді алып тастайды.

Бірақ менің ойымша, тағы да атап өтемін, мектеп оқушыларының қашықтықтан білім беру форматы күндізгі оқыту формасын алмастырмауы керек. Себебі ең алдымен оқушы мен мұғалімнің жеке байланысы қажет.