Инклюзивті білім беру мазмұны .docx

Инклюзивті білім беруді дамыту жағдайындағы білім беру ортасының мазмұны

«Мұғалім - бүкіл білім беру жүйесінің негізі, жаны мен жүрегі...»

Н.Ә.Назарбаев

«Өрлеу» БАҰО» АҚ филиалы Мыңғыстау облысы бойынша педагогикалық қызметкерлердің біліктілікті арттыру институтында 2020 жылдың 17 – 21 ақпан аралығында, «Инклюзивті білім беруді дамыту жағдайындағы білім беру ортасының мазмұны» тақырыпта курс өткізді. «Оқу, оқу түбі – оқу» демекші, курста өткен әрбір тақырыбымыздан аларымыз көп. Білімімізді шыңдап, тәжірибе алмастық. Алдымызға келген әрбір оқырманның болашақта жарқын, үлгілі болып көрінуіне қуана алатындай болуымыз керек. Осы орайда өз білімімізді шыңдап, күндегісін күнде ізденіс үстінде жүру біз үшін үлкен табыс. Курс барысында жан-жақты білімімізді жетілдіріп, шыңдалдық. Оқу барысында инклюзивті құндылықтар туралы, білім берудегі инклюзивтік тәсілдердің негізгі принциптерін білдік. Инклюзивті білім беру үдерісіне қатысушыларға жағымсыздық тудырмайтын, бейтарап терминология мен тілді қолдану маңызды екендігін айта отырып, курс кезінде бізге ерекше көңіл бөліп, курс тақырыбы бойынша постер қорғатып, шешен әрі нақты сөйлеуге үйреткен тренеріміз: Марал Адилгерейкызына алғысымыз шексіз.

«Дарынды дамыту-ұстаз парызы», - деген елбасымыз Н.Ә.Назарбаев айтқандай, білім алудан жалықпай, білімді жастарды тәрбиелеп, озық дәрежеге жету біздің парызымыз деп білемін.

Кенжебек АЗАНОВ

«Ф. Оңғарсынова атындағы

№29 жалпы білім беру орта

мектебі» КММ

Өзін – өзі тану пәнінің мұғалімі

Маңғыстау облысы, Ақтау қаласы