Сабақтың мақсаты: Сүйек типтері, олардың бір-бірімен байланысу ерекшеліктерін ұғындыру арқылы, дұрыс әрекет құндылығының мәнін ашу.

Міндеттері:

1. Білімділік: Оқушыларға адамның қозғалыс жасап өмір сүруі үшін мықты және түзу өскен сүйектеріне әр бала жауапкершілікпен қарау керектігін ұғындыру, олардың ерекшеліктері жайлы білім жүйесін қалыптастыру;

2. Дамытушылық: Оқушыларды сымбатты болу үшін сүйектердің бір-бірімен байланысуын нығайтып шынықтыруда тәртіппен қызмет етуге баулу;

3. Тәрбиелік: Адамның қозғалуына, жүгіруіне, еңбек етуіне мүмкіндік беретін сүйектердің иілгіштік, беріктік қасиеттеріне сүйіспеншілікпен қарай білуге тәрбиелеу.

Ресурстар:

Оқулық, тақта, бор, слайд, суреттер, А4 парақ, маркер,

үлестірмелі

парақшалар

Сабақтың барысы:

1.Ұйымдастыру кезеңi.

Сыртқы интеграция: (Өзін-өзі тану сабағының әдістемелік тәсілдерін пайдалану)

«Өзін-өзі тану» пәнінің 5 «Т» әдісімен ұйымдастыру.

5 «Т» ережесін сақтау: Тәртіп, талап, тыныштық, татулық, тазалық.

Тыныштық сәті. Тыныс алуға зейін қою.

Мұғалім: Сіздерден аяқ-қолыңызды айқастырмай, түзу отыруыңызды өтінемін.Біз қазір тыныс алу жаттығуын жасаймыз.Тыныс алуға зейін қойған кезде, біздің ақылымыз дем алады.Ауаны ішке жұту кезінде тыныштық пен қуаныш қабылдаймыз.Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық,балалар.

Көзімізді жұмамыз ...,арқамызды тіктейміз ..., қолдарыңызды тізеге қоюға болады ...

Дем ал ..., шығар ... (жаймен 9-10 рет)

Рахмет.

Оқушыларды сүйек түрлеріне қарай үш топқа бөлу.

1-топ: «Жалпақ сүйектер»

2-топ: «Қысқа сүйектер»

3-топ: «Ұзын сүйектер»

2.Үй тапсырмасын сұрау.

Сұрақ қою әдісі бойынша сұрақтар қойылады:

1.Сүйектің қандай жасушалары шеміршек ұлпасын жояды?

Ол не үшін керек?

2.Адам ағзасына оссеин нәруызы не үшін керек?

Жас өскен сайын оның мөлшері қалай өзгереді?

3.Остеон цилиндрлері арасында орналасқан зат неден тұрады?

Олар қандай қызмет атқарады?

4.Сүйек қандай заттардан тұрады?

Қандай заттар сүйекке беріктік қасиет береді?

Сабақты биологиялық диктант арқылы қорытындылау:

1.Сүйек дәнекер ұлпасының бір түрі болып табылатын ... түзілген. (сүйек ұлпасынан)

2.Сүйектің ұзынына өсуіне түтік тәрізді сүйек басында болатын ... әсер етеді. (шеміршек ұлпасы)

3.Жас өскен сайын сүйек құрамында ... мөлшері азаяды. Сүйек иілгіштік қасиетін жояды. (органикалық заттардың)

Ішкі интеграция: (Жалпыадамзаттық құндылықтарды сабақ мазмұнына интеграциялау)

Үй тапсырмасын сұрағанда сүйектердің иілгіштік және беріктік қасиеттерін «Иілгенге иіл, құлы болмайсың» мақалымен түсіндіру.

Адамның бір-біріне кішіпейілдік танытып, сүйіспеншілікпен қарым-қатынас жасау, дұрыс әрекетке жетелейтіні, адамның бір-біріне қайырымдылығы, сүйіспеншілік сыйластығы айтылады.

3.Сабақтың дәйексөзі.

«Таяқ еттен өтер, сөз сүйектен өтер»

Халық мақалы

Дәйексөзден қандай ой түйдің?

Дәйексөздің мағынасын ашу. Хормен қайталату.

Ұл балалар қайталайды, қыздар қайталайды.

Балалардың жауаптарымен дәйексөздің мағынасын ашамыз.

Ауыр сөздің мәңгіге есте сақталып қалатынын, сүйекке жететінін түсіндіру.

Сұрақ-жауап.

Оқушылардың пікірін тыңдау.

Дәйексөздің мағынасын ашу.

4. Негізгі бөлім. Жаңаны меңгеру.

1.Адамда қандай сүйек типтері болады?

(қозғалмайтын, жартылай қозғалатын, қозғалмалы)

2.Бір сүйек шетінің басқа сүйек ойпаңына бірігіп өсуі қалай аталады? (сүйек жігі)

3.Буын сұйықтығы қандай қызмет атқарады?

(майлағыш)

Сабақ барысын талқылау:

5.Шығармашылық жұмыс, топтық жұмыс.

Үш топқа тапсырма беру. Шығармашылық жұмыста тәртіппен қызмет ету.

Жаңаны меңгеруге уақыт белгіленеді, жұптарымен талқылайды.

Талқылап болған соң, жаңа меңгерген тақырып бойынша сұрақтарға жауап береді.

Сұрақтар:

1.Жалпақ сүйектерді ата.

2.Буын қандай элементтерден тұрады?

3.Қысқа сүйектерді ата.

6. Топпен ән айту.

«Мейірімді болайықшы ағайын»

Хормен орындау.

7.Үй тапсырмасы:

Сүйектердің байланысу типтері. Оқып келу.

8.Сабақтың соңғы тыныштық сәті.

Оқушылар тыныштық сәтінде өз орындықтарында дене сымбатының бұзылуын алдын алу мақсатында орындықта дұрыс отыру тәртібі бойынша арқаларын отырғыш белдемесіне тигізіп, тік отырып, көздерін 1 минутқа жұмып, өз тұлғаларын ең сымбатты тұлға екенін көз алдарына елестетіп отырады.

Бүгінгі сабақтан алған игі қасиеттерімізді есімізге түсіріп, жүрегімізге сақтайық.

Сабаққа белсене қатысқан оқушыларды мадақтау, бағалау.

Баяу әуен қойылады.