«IQ-PEDAGOG» атты танымдық,

интеллектуалды-зияткерлік ойынының

ЕРЕЖЕСІ

І. ЖАЛПЫ ЕРЕЖЕ:

«IQ-PEDAGOG» атты танымдық, интеллектуалдық-зияткерлік ойыны (бұдан әрі – интеллектуалдық ойын) Жамбыл облысының 85 жылдығына және Қазақстандық оқу-ағарту, ғылым және жоғары білім қызметкерлерінің салалық кәсіподағының құрылғанына 100 жыл толуына орай «Жамбыл облысы оқу-ағарту, ғылым және жоғары білім қызметкерлерінің жергілікті кәсіптік одағы» Қоғамдық бірлестігінің Шу аудандық комитетінің ұйымдастыруымен өткізіледі.

ІІ.МАҚСАТЫ:

- Интеллектуалды дамудың жоғары деңгейі бар, рухани-адамгершілікті, ғылыми-әдістемелік және ақпараттық мәдениетке ие, заманауи ақпараттық коммуникациялық технологияларды игерген, шығармашылықпен жұмыс істейтін талантты жастарды-кәсіподақ мүшелерін, жан-жақты дамыған жеке тұлғаларды, балалар мен жасөспірімдердің үздіктерін анықтау және мәдени мұраны сақтау және насихаттау, мәдени бірегейлікті қалыптастыру, жастар арасында мәдени саланы насихаттау және кәсіподақ ұйымдарының беделі мен шығармашылық белсенділігін арттыру, кәсіподақ мүшелері арасында Отанға деген сүйіспеншілік пен құрмет сезімін тәрбиелеу, кәсіподақ ұйымдары арасында шынайы бәсекелестікті дамыту мен кәсіподаққа мүшелікке ынталандыру.

.

ІІІ. МІНДЕТТЕРІ:

• Бірлескен шығармашылық, ынтымақтастық атмосфера құру;

• Аудандық деңгейде оң педагогикалық тәжірибені насихаттау және тарату;

• Шығармашылық ізденістерін ынтыландыру;

IV. ОЙЫНДЫ ӨТКІЗУДІҢ ТӘРТІБІ МЕН ШАРТТАРЫ

1. Ойынға топ болып қатыстырылады: жалпы қатысушы саны -5 (1-қосымша)

2. Мектеп директорының қатысуы міндетті;

3. Қалған 4 қатысушы 29 жасқа дейінгі мұғалім болуы шарт;

4. Ойын барысында тек қалам мен қағаз пайдаланылады;

5. Жалпы 4 кезеңдік ойында әдебиет, тарих, салт-дәстүр, әлемдік заманауи техникалық және негізгі басымдық логикалық сұрақтарға беріледі.

6. Ойын жеңімпазы мен жүлдегерлері жинаған ұпайына қарай байқау соңында марапатталады;

7. Қатысушылар туралы мәліметті 11.10.2024 жылға дейін aida_111@mail.ru электронды поштасына 1-қосымшаға сәйкес жолдауы керек.

V. ОЙЫН КЕЗЕҢДЕРІ МЕН БАҒАЛАУЫ:

1-кезең: 8 логикалық сұрақ экраннан беріледі. Әр дұрыс жауапқа 2 ұпай жазылады. Қосымша 1 минут ақылдасуға беріледі.

2-кезең: Арнайы карточкаларда қиын (3 ұпай), орташа (2 және 2,5 ұпай), оңай (1 ұпай) сұрақтар беріледі. Карточкаларды таңдау құқығы еркін. Ойлану уақыты 30 секунд.

3-кезең: Кино, жарнама және музыка үзінділері экраннан сұрақ арқылы беріледі. Әр дұрыс жауапқа 3 ұпай. Қосымша 1 минут ақылдасуға беріледі.

4-кезең: Жүргізуші 7 факт оқиды. Олардың дұрыс немесе дұрыс еместігін арнайы жауап парағына белгілеп, жауап береді. Бұл кезеңдегі дұрыс жауаптар +2, қате жауаптар -2 ұпаймен шегеріледі. Қосымша уақыт 1 минут.

VІ. ӨТЕТІН ОРНЫ МЕН УАҚЫТЫ:

Интеллектуалдық ойын Төле би ауылы, М.Әуезов атындағы орта мектептің АКТ залында сағат 10:00-де өткізіледі.

VІІ. МАРАПАТТАУ

Байқау жеңімпазы мен жүлдегерлеріне ұйымдастырушылар тарапынан арнайы диплом мен бағалы сыйлық табысталады. Ойын туралы мақала өңірлік газетке мақала ретінде жарияланады.

Анықтама телефоны: +7701 627 5741

1-қосымша

«IQ- PEDAGOG» атты танымдық, интеллектуалдық-зияткерлік

ойыны қатысушыларының

ӨТІНІМ ПАРАҒЫ

Жауапты тұлға ретінде қосымша телефон номерін қалдыруды ұмытпаңыздар!