Іскерлік ойын Редакция отырысы. "Латын алфавитіне көшу" 11 сынып

«Латын әрпіне көшу – қазақ тілін дамыту мен жаңғыртудағы ішкі қажеттілік» 
                                                                                                  Нұрсұлтан Назарбаев

Іскерлік ойын

Латын алфавитіне көшу

Мақсаты: Латын әліпбиіне көшудің маңыздылығы туралы мағлұмат беру, қоғамдық пікір қалыптастыру, мемлекеттік тіл мәртебесін көтеруге атсалысуға шақыру, Жаңа Қазақстандық Патриотизмнің құндылықтары мен мұраттары жүйесін иеленетін патриот ұрпақ тәрбиелеу.

Өткізу түрі: «Газет редакциясының отырысы» іскерлік ойыны

Мемлекет басшысы «Болашаққа бағдар: рухани жаңғыру» атты бағдарламалық мақаласында: «қазақ тілін біртіндеп латын әліпбиіне көшіру жұмыстарын бастауымыз керек. 2025 жылға қарай іс қағаздарын, мерзімді баспасөзді, оқулықтарды, бәрін де латын әліп­биімен басып шығара бастауға тиіспіз,» -деді. Бұл өзекті мәселені жан-жақты талқылау мақсатында республика көлемінде әрбір мекеме, ұйымдарда іс-шаралар ұйымдастырылуда.

Біздің арамызда да «Латын әліпбиіне көшу» тақырыбында «Газет редакциясының отырысы» атты іскерлік ойын өткізілмек.

Қатысушылар газет редакциясының бөлімшелері болып 5 топқа бөлінеді. Газет редакциясының мақсаты - латын жазуына көшу туралы газет шығару.

Редакция бөлімшелері:

Жаңалық бөлімшесі

Ақпарат бөлімшесі

Кері байланыс бөлімшесі

Жарнама бөлімшесі

Дизайн бөлімшесі

Әр топқа А4 парағы, маркерлер үлестіріледі. Дизайн бөлімшесіне плакат беріледі.

Жаңалық бөлімшесіне тапсырма:

Президентіміз Н.Ә.Назарбаевтың «Болашаққа бағдар: рухани жаңғыру» мақаласы. Латын жазуымен қазақ әліпбиінің үлгісі

Ақпарат бөліміне тапсырма:

Латын әліпбиінің тарихы.

Кері байланыс бөліміне тапсырма:

Латын жазуына көшудің тиімді, тиімсіз жақтары

Жарнама бөліміне тапсырма:

Газетке жарнама жасау.

1. Біздің газетіміз кімдерге арналған?

2. Неліктен оны оқу керек?

3. Газетті оқығаннан кейін қандай ақпарат аласыздар?

Дизайн бөліміне тапсырма:

Газетті тартымды етіп безендіру. Безендірілуі тақырыпқа сай болу керек.

Әр топ өздері дайындаған материалдарды қорғайды.

Қорытынды