Ізденген жетер мұратқа...

6-сынып

Пәні: Өзін- өзі тану

Сабақтың тақырыбы: Ізденген жетер мұратқа

Оқыту мен тәрбиелеудің міндеттері:

• Оқушыларға мақсатқа ұмтылушылық, мұратқа жету туралы түсінік беру;

• Оқушылардың ерік-күшін дамытуға ықпал ету;

• Еңбекқорлыққа, табандылыққа тәрбиелеу.

Мақсаты: Оқушыларды өз бетінше танып- білуге құштарлыққа, талпынысқа, ізденіске үйрету.

Шаттық шеңбері. Оқушылардың өз-өзіне деген сенімдерін нығайтып, бойларындағы сенімсіздік, алаңдатушылықты сейілту мақсатында шаттық шеңберін ұйымдастыру.

Әңгімелесу. Оқушылардың өз көзқарастарын, пікірлерін қалыптастыру, мұратқа жету, адам мұратына жеткізетін адами қасиеттер туралы түсінік беру.

Мәтінмен жұмыс. А.Мырзабаев, Д.Манатауовтың «Әйгілі химиктер» кітабынан алынған үзіндіні оқу.

Оқу ақпараты. Адамның өз ынтасымен талап-мақсат қойып, оны өзі таңдаған талпыныс, ізденіспен игеруі өзіне де, өзгеге де, қоршаған ортаға да пайда келтіреді. Ұдайы ізденген адам өзбетімен білімін жетілдіріп, өздігінен дами алады.

Түйіндеме. Оқулықтағы «Назар аударайық» айдарымен берілген ақпаратты мұқият қарап шығып, балаларға жадында сақтап алуды тапсыру.

Сахналау. Оқулықта Қ.Толыбаевтың «Құштарлық»әңгімесін оқушыларға рөлдерге бөліп,сахналап көрсетуді тапсыру.

Жаттығу. Қара сөзді оқып, талдап, салыстырып, сыни тұрғыда қарастыра білуге үйрету мақсатында тапсырма берілген. Қара сөзді оқып, түйінді ойларды іріктеп алу. Олардың маңыздылығын дәлелдеу.

Түйіндеме. Сабақ бойы өткен материалдарды жинақтап, жүйелеп, тиянақтау мақсатында ақпаратқа назар аудартып, балалармен бірге талқылау.

Дәйексөз. Оқушылар сұрақтарға жауап бере отырып, әрқайсысы өзінің өмірлік мақсаты мен ұстанымын айтып, дәйексөздің мағынасын түсіндіреді.

Өзіммен өзім. Оқушыларға өздері елестетіп, таңдаған «Өмір шыңына» апаратын жол соқпақтары туралы әңгімелеп беруді тапсыру.

Шығармашылық жұмыс. Өз өмірлеріңде істегің келетін іс пен істеуге міндетті істің арасынан таңдау жасаған кездерің болды ма? Естеріңе түсіріп, қысқаша әңгіме жазу.

Дәптермен жұмыс. Сабақта меңгерген білім, біліктерін тиянақтап, қорытындылау мақсатында оқушы дәптерінде 6-сабақта берілген «Менің түйгенім» тапсырмасын орындату.

Жүректен жүрекке. Оқушылар шеңберге тұрып, үнтаспаға қосылып Е.Өтетілеуовтың «Жас дәуірдің түлегіміз» өлеңін айтады.