| Мақсаты: Оқушыларға ізгілік, мейірімділік, әдептілік, қасиеттерін ұстанудың маңыздылығын ұғындыру арқылы дұрыс әрекет құндылығының мәнін ашу.Міндеттері:Білімділік: Ізгілікке жетудің негізгі қағидалары туралы түсінік беру. Дамытушылық: Оқушыларды өз-өзіне сенімді болуға және қоршаған ортамен ізгілікті қарым-қатынас жасап, өзгелерге мейіріммен қарау қасиетіне баулу;Тәрбиелік: Оқушыларды ізгілікке, мейірімділікке, әдептілікке тәрбиелеу. | Ресурстар:(Белсендіргіш тақта, жүрекше стикерлер, топқа бөлуге арналған көрнекіліктер, аудиожазба, бейнежазба, кітап, дәптер, қаламдар, түрлі түсті қағаздар)
|
Сабақ барысы:Ұйымдастыру кезеңі Оқушылармен амандасу, өзін-өзі тану сабағының «5-Т» ережесін қайталау. Топқа бөлу (түрлі түсті ленталар арқылы)Тыныштық сәтіТыныштық сәті. Нұрға бөленуЫңғайланып отырыңыздар, денелеріңізді дұрыс ұстаңыздар. Аяқ - қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмып, елестетіп көріңіз.Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоциаңыз бен тілек- қалауыңызды шайып, жүрегіңіздің көзін ашады.Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Енді, нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек сәулелі ой келеді. Нұр бірте - бірте күшейе бастайды, сіздің денеңізден тарап, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге, барлық адамдарға, жан- жануарларға, өсімдіктерге, барлық тірі жанға таралсын... Ғаламның барлық түкпір - түкпіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз...Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзді ашуға болады. Ал енді сыныбымызға оралып, көзімізді ашайық.Тыныштық сәтінен алған әсеріміз қандай? Қандай сезімде болдық?
2. Үй тапсырмасын тексеру «Қыз- құндыз» ертегісін оқып, мазмұнын айту |
7 мин |
3. Дәйексөз.«Өмір- теңіз, онда жүзем демеңіз,Ізгіліктен жасалмаса кемеңіз. (Абул Хасан Рудаки)Ұлдарға хормен оқытуҚыздарға хормен оқытуХормен оқытуДәптерлеріңе жазып алыңдарОсы дәйексөзден қандай ой түйдіңдер?Оқушылардың жауабы негізінде қорытынды жасау
|
4 мин |
4. Әңгімелеу. Мәтінмен жұмыс.
(Жүсіп Баласағұни)«Ізгілік» ( «Құтты білік» дастанынан үзінді)
Қандай қасиеттер адамды ізгілікке жетелейді?«Жүзі жылы барлық жерге сыйымды» - деген ойды қалай түсінесіңдер?«Кішісінде- махаббат, кәрісінде- мархабат» деген сөзде қандай ой жатыр?
Бейнежазба «Бәрін өзіңнен баста»1. Мұғалімнің бойынан қандай қасиеттерді көре алдық?2. Бейнежазбадан ізгі мұғалімді көре алдықпа? Ізгі мұғалім деп қандай мұғалімді айтамыз? 3. Өміріңде қиын жағдай туындағанда, өзің әділ шешім қабылдаған кезің болды ма? Әңгімелеп бер
| 12 мин |
| 5. Шығармашылық іс-әрекет, топтық жұмыс 1-топ. «Ізгілік – өмір нәрі» тақырыбына өлең құрастыру.2-топ. «Ізгілік - іздеп келемін» тақырыбында диалог құрастыру. 3-топ. Қиылған нақыл сөздерді құрастыру және мағынасын ашу. 4-топ. «Ізгілік - іздеп келемін» тақырыбына сәйкес келетін аңыз әңгіме айту.(көрініс арқылы көрсетуге де болады.) | 10 мин |
6. Топпен ән айту Өміріңе немқұрайлы қарама!әні: Сәкен Дәрібаев сөзі: Серік Сейітман
Тыңда досым, мен айтайын от тілек, Дүниеден кетті бай да, өтті бек. Өміріңе немқұрайлы қарама, Дәулетіңмен тұрсаң дағы көк тіреп.
Әр күн сайын тек сен үшін атып таң, Зерлі шапан киінсең де жақұттан. Өміріңе немқұрайлы қарама, Шақша басың айналса да бақыттан
Қайырмасы: Бақ құсыңды қонған кезде бағала. Қолда мәңгі тұрмайтын ол шағала. Кенелсең де досым қанша шаттыққа Өміріңе немқұрайлы қарама,
Бақ құсыңды қонған кезде бағала. Қолда мәңгі тұрмайтын ол шағала. Қанша азап көрсең дағы,бауырым, Өміріңе немқұрайлы қарама,
Тұсау салып бастатқызбай көш дара, Етсе дағы дұшпан күлкі,дос таба. Өміріңе немқұрайлы қарама, Тағдыр желі қарсы алдыңнан соқса да.
Сын сағатта сақтау үшін өз басын, Сатып кетіп сеніп жүрген жолдасың. Өміріңе немқұрайлы қарама, Айдын көлге айналса да көз жасың.
|
3 мин |
7. Үй тапсырмасы. Ұлы тұлғалардың «Ізгілік - іздеп келемін» тақырыбына сәйкес келетін, ұлағатты сөздерін жазып, мағынасын ашу.
| 2 мин |
| 8. Сабақтың соңғы тыныштық сәті. - Балалар, Бүгінгі өткен сабақтан алған жақсы қасиеттерді жүректеріңе сақтап алыңдар. Сабақ аяқталды. Сау болыңдар | 2 мин |
ҚР Білім және Ғылым министірлігінің стандартымен жасалған
10 Қырқүйек 2018
757
0 рет жүктелген
