Мақсаты: Балаларды жаз мезгілімен таныстыра отырып, оларды табиғат өзгерістерімен таныстыру. Табиғатты аялауға, еңбексүйгіштікке тәрбиелеу. Сурет бойынша әңгіме құрастыруға, көрген- білгенін байланыстыра әңгімелеуге жаттықтыру.Тәрбиеші:Күннің көзі ашылып, Көкке шуақ шашылып. Құтты қонақ келіпті, Төріме міне еніпті. Амандасу үлкенге, Тәрбиенің басы ғой. Ал, кәнекей бәріміз, Сәлем дейік үлкенге.Балалар: Сәлеметсіздер ме, қонақтар! -Еліміз аман болсын! -Аспан ашық болсын! -Береке бірлік болсын! -Ақылды, тәртіпті болайық! -Үлкенді сыйлайық! -Деніміз сау болсын, -Бәріміз дос болайық!Тәрбиеші:-Мына суретке көңіл аударыңдаршы. Суретте не көріп тұрсыңдар?Суретте жылдың қай мезгілі бейнеленген? Осы жыл мезгіліне байланысты бір жұмбақ жасырайын: Қойным толы жеміске, Көк майсалы егісте. Көбелек қуып ойнайтын, Бұл қай мезгіл деп ойлайсың? (Жаз)Тәрбиеші: Міне, жайраңдап жаз келді.Күн жылынды.Ағаштардың жапырақтары жайқалып өсіп келеді.Ауыл көшелері көркейіп, арықтарда сылдырлап су ағуда.Ал, балалар кім жаз туралы тақпақ айтып береді?Інжу: Жайқалып жапырақ, Құлпырып қызғалтақ. Тұратын көз тартып, Жаз келді күн шуақ.Оразалы: Нұр тұнып құлпырып, Айнала жайнады. Тұр күнге ұмтылып, Алма ағаш сайдағы.Жаннұр: Өзен жай ағады, Жағасы балауса. Көбелек қағады, Қанатын жалауша.Дильняз: Көгалда аунадық, Асыр сап күн ұзақ. Гүл тердік, ойнадық, Жарқын жаз қызық-ақ!Дидактикалық ойын:»Бұл қай кезде болады?» Сөз, сөйлем құрастыру,Қай мезгіл екенін ажыратып айту.»Жаз» суреті бойынша әңгіме құрастыру.-Суретте жылдың қай мезгілі бейнеленген?-Жаз.-Бақта қандай ағаштар өсіп тұр?-Алма, шие, өрік, алмұрт.-Ағаштардың жапырағы қандай?-Жасыл.Бақта қандай гүлдер өсіп тұр?-Түймедақ, раушан т/б.-Балалар не істеп жүр?-Көбелек қуып жүр.Сергіту сәті:Күндей болып күлеміз, Гүлдей болып өсеміз. Құстар болып ұшамыз, Көбелектей қонамыз.Д/о: «Жемістердің дәмін біл»Ойынның шарты:-Бәріміз көзімізді жұмамыз, ауыздарымызды ашамыз. Мен мына жемістерді ауыздарыңа саламын. Солардың дәміне қарай жемістің атын тауып беріңдер.(Тәтті ме, ащы ма, қышқыл ма?)Релаксация: Балалар көзімізді жұмып тынығайық. Кәне, балалар жаз мезгілін көз алдымызға елестетейік. Күн ыстық, суға шомылып,денеміз бос ұстап, өзен жағасына шығып, сдың шуы құлағымызға жағып, күн шуағы денені жылытады, аяқтарымызды ыстық құм қыздырып барады.-Енді көзімізді ашып, айналамызға қарайық, даладағы әсем табиғатымыз әдемі, көрікті, сұлу. Жаз мезгілінің қандай болатынын ата-бабаларымыз алдын ала болжап білген. Жаз туралы мынандай болжам бар: «жаз жауынды болса, күз жылы болады» Күздің жылы болғаны бізгеде өте пайдалы, өйткені егін жинаймыз.-Бүгін балалар не туралы әңгімеледік?-Жайдарлы жаз туралы.-Жаз туралы қандай халық болжамы бар екен?-Жаз жауынды болса, күз жылы болады.-Дұрыс айтасыңдар, олай болса «Қошақан» әнін орындайық.Би:»Көбелек»