"Жалған бақыттың тұзағы"

ҚЫЗЫЛОРДА ОБЛЫСЫ ҚАЗАЛЫ АУДАНЫ ӘЙТЕКЕ БИ КЕНТІ «Қ.СӘТБАЕВ АТЫНДАҒЫ №216 ОРТА МЕКТЕП» КММ

"Жалған бақыттың тұзағы"

(ертегі)

Ерте, ерте, ертеде Таза Аймақ деген ғажайып мекенде жануарлар бақытты өмір сүріпті. Бұл жерде күн күліп шығып, жел баяу тербеліп тұратын. Барлығы өз жұмыстарын тиянақты атқарып, бір-біріне көмектесуді ұмытпайтын.

Бір күні алыстан Қара Түтін деген сұрқай бұлт келіп:

– Сендерге ерекше күш беретін, көңіл-күйді көтеретін сиқырлы шаң әкелдім. Менің көмегіммен сендер әрқашан бақытты боласыңдар! – деп жар салды.

Бұған аңғал Тиін мен қызыққұмар Қоян сеніп қалып:

– Біз де өзгеше әсерді сезінгіміз келеді, – деп Қара Түтіннің сиқырлы шаңын жұтып қойды.

Алғашында олар ерекше көңілді болып, шаршауды ұмытқандай болды. Бірақ көп ұзамай денелері әлсіреп, көздері тұманданып, көңілсіздікке тап болды. Олар бұрынғыдай ойнап-күле алмай, үнемі ұйқылы-ояу күй кешетін болды.

Бұл жағдайды көрген Ақылгөй Қарға бәрін жинап:

– Қара Түтіннің арбауына түскендерге көмек керек! Біз оларды бұл тұзақтан құтқаруымыз қажет, – деді.

Жануарлар бірлесе жүріп Қара Түтінді қуып, орманды тазартты. Тиін мен Қоян да достарының көмегімен қайта күш жинап, бұрынғы қалпына келді.

– Біз қатемізді түсіндік. Енді ешқашан зиянды заттарға жоламаймыз, – деп уәде берді олар.

Содан бері Таза Аймақтың тұрғындары бір-біріне қамқор болып, денсаулықтарын сақтап, таза өмір сүруді таңдапты. Ал Қара Түтін бұл мекенге енді қайтып оралмапты.

Қорытынды:

Достық пен ақыл – кез келген зиянды әдетті жеңудің басты жолы. Денсаулықты бағалап, зиянды әрекеттерден аулақ болайық!

9"Б"сынып оқушысы

Болат Қарлығаш