Жалпыадамзаттық құндылықтарды меңгертеміз 3 сынып

Сабақ мақсаты:

• Оқушыларға үйлесімді өмір сүрудің маңыздылығын ұғындыру арқылы жалпыадамзаттық құндылықтардың мәнін ашу.

Сабақтың міндеттері:

• Оқушыларды адалдықпен өмір сүруге үйрете отырып, қарапайымдылық қасиеті туралы түсінік беру;

• Оқушыларды шынайы қарым-қатынас жасауға үйрете отырып, адалдық қасиеттеріне баулу;

• Оқушыларды қайырымдылыққа тәрбиелеу.

Ресурстар:(құралдар, мәлiметтер)

Сабақ барысы:

1.Ұйымдастыру кезеңi. (1 мин)

Оқушыларды түгендеу

2.Тыныштық сәтi. (3 мин)

Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

3.Үй тапсырмасын тексеру. (8 мин)

Өзін-өзі тану бақыты

• Жазғы демалыстарыңды қалай өткіздіңдер?

• Қандай ізгі іс жасадыңдар?

Сабақ барысын талқылау:

4.Дәйексөз. (3 мин)

«Өзін-өзі тану – адамгершілік құндылықтардың негізі»

Сара Алпысқызы

Қалай түсінесіңдер?

5.Әңгiмелеу (сұхбат). (10 мин)

Таза бұлақ

• Үш жолаушы қандай бұлаққа кездесті ?

• Бұлақ басындағы таста қандай жазу бар?

• Бірінші жолаушы сөздің мағынасын қалай түсінді?

• Екінші жолаушы сөздің мағынасын қалай түсінді?

• Өзің мәтіндегі көңіліңді, бойыңды осы бұлақтай таза ұста дегенді қалай түсінесіңдер?

6.Шығармашылық жұмыс, топтық жұмыс. (10 мин)

1-тасырма

2-тапсырма

7.Топпен ән айту. (3 мин)

Әдептілік әліпесі

М. Әлімбаев

8.Үй тапсырмасы. (1 мин)

Ғылым тапппай мақтанба №2 сабақ

9.Сабақтың соңғы сәтi. (2 мин)

(Тыныштық... бар жерде, тыныштық... бүкiл әлемде)

Оқушылар денесін, басын тік ұстап, көзін жұмып отырады.

Мұғалім жәй дауыспен:

«Бүгінгі сабағымызды есімізге түсірейікші. Жақсыны естіп, айтып бәріміздің көңіл – күйіміз көтерілді. Ісіміз де, сөзіміз бен ойымыздай, болатынына сенімдімін. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады»