«Жалынды жастар»: оқу жылы белесінде атқарылған істер шежіресі

Қазағымның от жалынды жастары,

Өнер менен білім біткен бастары.

Сендер барда көк туымыз желбіреп,

Ашық болсын қазағымның аспаны.

Ұлы елдің арқалаған сенімін,

Үміт артар қуанышы елінің.

Сендерсіңдер, от жалынды жастарым,

Тыныштығын сақтар қазақ жерінің.

Баянды етіп елдің бақыт,бірлігін,

Бабалардың жалғап ізгі тірлігін.

Оқуға əркез құмар болған жастарым,

Болашағың басталады дəл бүгін.

Шағалалы ауылы, жоғары агротехникалық колледжінде, «Жалынды жастар» оқырман клубының 2024-2025 оқу жылында атқарған жұмыстарын қорытындылап, өткен кезеңге көз жүгірту, жетістіктерімізбен бөлісу мақсатында іс-шара ұйымдастырылды. Кітап — білімнің қайнар көзі, ал оны оқып, санасына сіңіре білген жас — ел болашағы. «Жалынды жастар» оқырман клубы осы оқу жылында түрлі бағыттар бойынша жұмыс жүргізді. Мақсатымыз — жастарды кітап оқуға баулу, көркем әдебиетті насихаттау және оқырман мәдениетін қалыптастыру. Есепті кезеңде біз келесі іс-шараларды өткіздік: тимбилдинг, әдеби кештер, тақырыптық кештер, колледжіміздің ардагер ұстазының жаңа кітабының тұсаукесері, ашық алаң, квест, студенттер мен оқытушылар арасында әдеби байқаулар, поэзия кештері, 21 ғасыр көшбасшысы сынды талай іс-шаралар өтті. Бұл — жай ғана есеп емес, бір жыл бойы атқарылған еңбектің, оқылған кітаптардың, бөлісілген ойлардың, ортақ рухани өсу жолының көрінісі болды.

Әр кітап — жаңа әлем,
Әр кездесу — жаңа серпін,
Әр пікір — жаңа ой.

Оқуға құштар ұрпақ – ел болашағының кепілі. Клуб мүшелерінің белсенділігі мен ынтасы алдағы уақытта да толастамай, білімге бастар жолда нық қадаммен алға баса берсін! «Жалынды жастар» клубының бастамалары әлі де жалғасын тауып, жастарды білім мен руханиятқа жетелей берсін! Жас ұрпақтың кітапқа деген сүйіспеншілігі артып, саналы оқырман, салиқалы азамат болып қалыптасуына үлес қоса берейік! Алда әлі талай оқырмандық кездесулер мен шабытты сәттер күтіп тұр.Кітапқа деген сүйіспеншілігіміз сөнбесін, рухани даму жолымыз үзілмесін!

Кітапхана меңгерушісі: Гүлхан Лұқпанқызы