Жаман жолдас

Тәрбие сағатының тақырыбы: Қарты бар үйдің - қазынасы бар

Мақсаты:

• Қарт деген кім, қарттар күнінің аталып өтілу мақсаты неде екенін түсіндіру;

• Оқушылардың ой-санасын дамыту, танымын кеңейту;

• Жасы үлкенді сыйлауға, халқымыздың дәстүрін қадірлеуге, мейірімділікке, кішіпейілділікке тәрбиелеу.

Тәрбие сағатының барысы:

1 жүргізуші:

«Көп жасаған қария

Ақылы теңіз дария.

Көп өнеге сөзі бар,

Сөзі – соқпақ, сөзі – нәр.

Ата салты ардақты,

Әрбір сөзі салмақты.

Сол сөздерді ұқпасаң,

Тістерсің бір күн бармақты, - деп өлең жолдарында айтылғаннан,

қариялардың сөзі ұлы сөз, даналықпен айтылған ұлағатты сөз екенін байқаймыз.»

«Құрметті жиналған қауым! Зымыраған сағат тілінің шексіз тықылдап соғуына мән бермеген біз уақыттың қалай жылдам өтіп кеткенін сезбей қалыппыз. Енді міне, бүгін, яғни 1-қазан күні еліміз бойынша қарттар мерекесі аталып өтілуде. Неткен шіркін уақыт десеңші, осылайша ортамызда жүрген қарияларымыздың бір кезде елі, халқы, келешек ұрпағы үшін жасаған игі істері қазіргі кезде ерекше орын алады. Бүгінде біз атаулы күнге орай, мектебімізде, қатардан тыс қалмай, «Қарты бар үйдің – қазынасы бар» атты шағын мерекелі кеш өткізгелі отырмыз. Олай болса осында отырған аталарымыз бен апаларымыздың мейрамы құтты болсын! Кешімізді бастамас бұрын сөз кезегін мектебіміздің директоры Қазкеева Алтынжан Тіржанқызына береміз.»

2 жүргізуші:

«Адамның өмірінің мәні мен сұлулығы, адамның келешегіне сенімділігі – баланың ата-анасын ардақ тұтып, өзінің перзенттік қарызын бір сәтке де есінен шығармауында. Өз отбасынан жылу таппаған қаншама қарттарымыз қарттар үйлерінде өмірлерін жалғастыруда. Қарттар үйі – жасы ұлғайып, қараусыз қалған қарттарымызды қамқорлыққа алатын, әлеуметтік қорғау нысандарының бірі болып табылады және ол мемлекеттік мекеме.»

1 оқушы:

«Сән еңкейген нұр жүзінен әл тайып,

Қуат кетіп бара жатыр қартайып.

Отбасында, бала – шаға қасында

Жетпістер мен сексендер жүр қалқайып.

Көңіл жетім болмаған соң сыңары,

Жас баладай жаутаңдаған жанары,

Қайта – қайта қарағың кеп тұрады,

Қағыс естіп қалбақтайды баладай

Мәпелеңдер қарт біткенді аялап».

1 жүргізуші:

«Қазіргі кезде біздің мемлекетімізде қарттарға үлкен мән беріп, көңіл аударып, жан-жақты үкімет тарапынан қамқорлық жасалуда. Қазақстанның өсіп-өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз».
2 оқушы:

«Өткізген талай уақыт қыс-жаздарың
Көп пе екен айтар бізге мұң наздарың
Еңбегімен бөленген нұр алғысқа
Армысыздар! Құрметті қарияларым!»

2 жүргізуші:

«Адамдар арасындағы қарым-қатынаста адамгершілік, әдеп, инабат үрдістерінің қаншалықты кең жайылып, терең тамырлануы, ең алдымен, олардың жекелеген отбасында өркен жаюына, яғни баланың ата-анасын жан-жүрек қалауымен, саналы түрде ардақтап, инабат тағылымымен үлкендерге деген қарым-қатынастарында оны мүлтіксіз жүзеге асырылуына байланысты. Қарттарды құрметтемейтін, олардың алдындағы перзенттік парызын үлкен ынтамен орындамайтын, әдептілік, кішіпейілділік, сергек сезімталдық көрсетпейтін, бұл қасиеттер қанына сіңіп, жүрегіне ұяламаған ұрпақтан не опа, не қайыр?!»

3 оқушы:

Дүниеге келер бір рет
Дария кеуде тау – мүсін
Құрыштай күйген құдірет
Қарттарым, аман-саумысың?

1 жүргізуші:

Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын аға-апаларымыздың төл мерекесі. Олардың өмір жолдары бүгінгі ұрпаққа табылмас қазына.

4 оқушы:

Өздерің болсаң жанында
Ел іші жомарт, еңселі
Дән исі сіңген қанында
Даламның бір-бір бөлшегі

2 жүргізуші:

«Қартаю – биологиялық процесс, белгілі бір жасқа жеткеннен кейін организмнің мүмкіншіліктерінің үдемелі төмендеуі. Қай жерде де ата-анаға қызмет көрсетуге тиістілігіңді ұмытуға болмайды. Қарт адамдардың үйретуге де, ақыл айтуға да моральдік құқы бар. Бұл моральдік құқыны құрметтей білу керек.»

5 оқушы:

«Қарттарымыз – ардақты, асыл жандар
Ізгі ісімен мерейі тасығандар
Даналықтың сәулесі мол нұр көшінде
Шуақ боп, шапағат боп шашылғандар»

1 жүргізуші:

«Кім де кімнің үйінде қартайып отырған әке-шешесі немесе атасы мен әжесі секілді қымбатты «қонағы» болса, ол үйіне олардан артық құдайдың құрметті өкілі келеді деп ойламасын, егер үйдің иесі оларға дұрыс қарап, қамқорлық жасаса, қартайған ата-анасы оның отбасының құты болып табылады. Қарт кісіні құт-береке деп танысақ-ол ұрпақ көрегендігі. Ұрпағы құрметтеген ата-ана әр кезде де бақытты.»

6 оқушы:

«Нұр жүзінен жылы шуақ төгілген
Ұрпақтарын сүйген таза көңілден 
Тағылым беріп жас ұрпаққа қашан да
Өз соқпағын тапқан мынау өмірден»

7 оқушы:

«Ізгілікті он бойына жинаған
Балаларына жан жылуын сыйлаған
Тәрбиелеп жаңа адамын Отанның
Ардақтысы болған елдің қария»

Қорытынды:

«Аса құрметті қарт-қариялар, Сіздер сый-құрметке лайық жансыздар. Сіздердің өнегелі өмір жолдарыңыз бүгінгі ұрпаққа ұлағатты үлгі болып табылады.

Осындай халықтың ыстық ықыласына бөленіп, еңбек еткен ардақты қарияларымызға зор денсаулық, отбасыларына амандық тілей келе, бүгінгі шағын мерекелік кешімізді тәмамдаймыз. Сау болыңыздар!»