Бастауыш сынып оқушыларына арналған жаңа жылдық ертеңгілік

Жаңа жыл-жаңа жыр!

(көілді музыкамен ортаға сайқымазақтар шығады)

1.Сайқымазақ (1с):
Қане біздің қонақтар!
Басқаға мойын бұрмаңыздар!
Бізге қарай жақындап
Қызық күлкі тыңдаңыздар!
2.Сайқымазақ (2с):
Барлығыңыз білетіндей шыршада
Өте қызық болатын.
Өлең айтып, би билеп
Сіздерді достар, құттықтап қоятын
Барлығы: Жаңа жылдарыңызбен!!!

1-с Сәлеметсіздер ме, Құрметті ұстаздар, оқушылар, ата-аналар! Біз
сіздерді  Жаңа 2020 тышқан жылы мен құттықтаймыз.Сіздерге жаңа
жылда, жаңа табыс, бақыт тілейміз.
Балалар енді Жаңа жыл мейрамын бастайық.

1с - досым сен қалай ойлайсың, бүгінгі мереке думанымызға жылдағыдай мыстан кемпір келіп, тойдың шырқын бұзбай ма екен?
2с – Иә,досым, мыстаннан қорқатын біз емес. Оның түріне де, сөзіне де әбден тойдық. Қазір заман өзгерді дегендей...
1с - Я десейш-ау, сыпырғышын сүйретеді де жүреді, ұша алмайды да. Жұрт сыпырғышын тастап, шаңсорғыш  пайдаланғалы қашан?!
2с - Ия, түрін айтсаңшы оның, шашы жалбыраған,мұрны біздиген, беті-аузы мыжырайған, көзі сығырайған, тістері кетік-кетік, киімі алба-жұлба... ха-ха (күледі).
1с - Хи-хи (күледі).
Сол кезде мыстан кемпір келеді де,

-Ешкімге зиянымды тигізбейін деп өзіммен-өзім отырған едім. Жылда келіп шырша тойының шырқын бұзудан шаршадым.Мына сайқымазақтар менің мазамды алды.Енді көрсетейін сендерге
-    1,2,3,
Сиқырлы күш,
Мына екеуін лезде,
Өзгертші тез! – дейді де, балалардың арасына отырып алады.

(Екі сайқымазақ ортада ,айналып басқа кейіпке енеді)

2-с

Бүгін сізге жырдан алқа тағайын,

Шат күлкіге толы болсын маңайын.

Көргендер де, көрмеген де арманда.

Жаңа жылын құтты болсын, ағайын!

1-с Зеңгір көкте жұлдыз болып жанайын,

Ай жүзіндей айшықтанып арайын.

Жанға шуақ, бойға қуат әкелген,

Жаңа жылын құтты болсын, ағайын!

Балалар өлен жолдарын оқиды. МАД

Би МАД

 1с Енді мерекемізді әдемі әнмен жалғастырайық

Ән «Жаңа жыл» 4 сынып ұлдары

(Балалар орындыққа отырады.)

2с Шелек қалпақ басында

Сәбіз екен танауы

Қыста қардан туатын,

Тауып көрші, сен оны.

Көңілді музыканың сүйелдеуімен Аққала кіреді.

1с:Бұл не өзі? Неткен ғажап?Өзің шықтың қайдан, а?

Аққала:         Менің атым – Аққала,

Үйренгем суық, қарға да.

Ал мерекенің құрметіне.

Шелегімді ауыстырдым қалпаққа!

Емеспін мен қарапайым Аққала.

Көңілдімін, сотқарлаумын аз ғана!

Ойнағанды ұнатамын мен өте,

Жүгіремін, би билеймін тамаша!

Балалар, ал сендер билегенді ұнатасыңдар ма? Өте жақсы! Онда бәріміз бірге би билеп,ән салайық!

Ән:

Би

Аққала:Жарайсыңдар, балалар! Өте көңілді биледіңдер! Ой, мүлдем ұмытып кетіппін! Мені сендерге Аяз ата жіберді ғой. Ол сендердің шыршаларыңда әдемі, түрлі түсті шамдардың жанбағанын біліп, соны жағып беруге жіберді.

(аққала шырша шамын жағатын сиқырлы сөзді ұмытып қалып, жаға алмай жүреді)

-мен сиқырлы сөзімді ұмытып қалдым балалар!Көмекке Аяз ата,Ақшақарды шақырайық

-Балалар: Аяз ата,Ақшақар

Ақшақар: Амансыздар ма,балалар, ұстаздар, ата-аналар! Өздеріңді сағынып келдік. Жаңа жылдарың құтты болсын.Тышқан жылы табыс жылы, береке, бірлік әкелсін.Тарихи жыл болсын.

Ақшақар:Шыршаның шамы неге әлі жанбаған?

Аққала:Аяз ата жаттатқан сиқырлы сөзді ұмытып,жаға алмай тұрмын.Сен неге жалғыз келгенсің?

Ақшақар:Қарлы боран болып,Аяз атадан адасып қалдым.Кім көмек береді аяз атаны іздеуге.

Сайқымазақ:Біз іздейік,біз іздейміз.Жүр досым біз Аяз атаны іздеп келейік.

(Екеуі ортадан шығып кетеді)

Мыстан: Сайқымазақтар Аяз атаны тауып келгенше ата-аналармен ойын ойнап тастайын.

Ойын:

Аққала: Балалар,қане қарап тұрмайық.Аяз ата келгенше,Ақшақарға өнерлеріңді көрсетіңдер.

Би 1сынып ұлдар

Би 1 сынып қыздар

Аққала: О, халайық, жараңдар.
Қилы-қилы заман бар.
Доңыз жылы әне жылыстап,
Кетіп барады қараңдар.
О, халайық, халайық.
Қош айтысып қалайық!
Құрметті достар!Бізге жақсылықтарымен толы болған.Доңыз жылын шығарып салайық.
Доңыз: Қуанышты ортамыз сазға ұласқан
Тілегім болсын мәңгі ашық аспан
2020 жылы қадам басқан
Гүлденіп көркейе бер, Қазақстан.!
Келесі жыл бастауын Тышқанға беремін.

Аққала:

Ескі жыл жаңа жыл келгенше балалардың өнерлерін тамашалап ортамызда жүр.Ендеше,Ескі жылдың құрметіне 2 а –сыныптың өнерлерін тамашалайық.

Ән:2сынып

Би 2сынып кыз

Доңыз:
Жаңа жыл – жаңа қадам, жаңа бақыт,
Болашақ сыйлайтындай жаңа бақыт.
Тышқан жылы кеп қалды ортамызға,
Жақсылықпен жалғансын жаңа уақыт! Қош келдің Жаңа Жыл! Қадамың құтты болсын!
ЖАҢА ЖЫЛ: тышқан
Сәлеметсіздер ме? Кешіккен жоқпын ба? Мен сондай асықтым, сондай жүгірдім.Кешігем деп қатты қорықтым.Менің ең жақсы қасиетім – шапшаңдығым.

Жаңа жылда жаңа бақыт тыныштық,
Жаса, жаса достық бірлік туыстық.
Құттықтайық жаңа жылды өнермен,
Қуаныштың әр минуты тым ыстық.
Тышқан: Келіп жатқан жылымызды көтеріңкі күймен қарсы алайық! Жаңа жылды қалай қарсы алсаң, солай өткізесің деген сөз бар ғой. Ендеше Жаңа жылға дайындаған өнерлерін тамашалайық! 3а –сынып өнерлері
БИ:

Ән

Би

Тышқан: Аяз ата,келгенше ата-аналармен бір ойын ойнап жіберейін.

Ойын: «Ата-ана»

Мыстан:

-Алақай,Аяз ата келе жатыр! Иииу,иииу

(Сайқымазақтар билеп Аяз атаны алып келеді)

Аяз Ата: Амансыздар ма,балалар, ұстаздар, ата-аналар! Өздеріңді сағынып келдік. Жаңа жылдарың құтты болсын.

Ақша қар:

Аяз ата қарашы, балалардың киімi қандай әдемі. Шырша да әсем безендірілген екен. Бәрі де сұлуланып кетіпті.
Шырша шамын жағайық,
Жаңа жыл тойын ашайық.

Барлығымыз бірге

Кәне шырша таңырқат

Шамдарыңды жарқырат

деп айтайық.

Аяз ата:

Бәрекелді балалар! Шыршамыз жарқырап, айналаға қуаныш сыйлауда. Шыршаның құрметіне ,3-ә сыныптың өнерлерін тамашалайық.

Құттықтау

Ән: Асыл мен Көркем

Би 3 ұлдар,қыздар

Ән 3 Раяна өлең

Доңыз:-Ата-аналар кетерімде сіздермен бір ойын ойнағым келіп тұр.

Ойын :Ата-аналармен

Доңыз жылы: Аяз ата, Ақшақар, балалар мен енді барайын. 12-

жылдан кейін қайта кездесерміз. Хош сау болыңдар, балалар!

(Шығып кетеді.)

Сайқымазақ:

-Жаңа жылдың құрметіне 4-сынып ұл-қыздарының өнерін тамашалайық

Би: Вальс

АЯЗ АТА: Ал қарақтарым Енді Ақшақар екеуімізге тағы да серік қосылды! Жарайды! Бізді күтіп отырған қаншама ел мен жер бар. Сонда барайық. Сендерге көп рахмет. Өнерлерің өрге жүзсін. Биік шыңдардан көрініңдер! ЕНДІ БІЗДІҢ ЖАҢА ЖЫЛДЫҚ СЫЙЛЫҚТАРЫМЫЗДЫ ҚАБЫЛ АЛЫҢДАР; БАЛАЛАР!