1

Мәтінді оқып, 16-20-сұрақтарға жауап беріңіз.

Күн ашық еді. Ауылдағы бар әйел біздің үйге ағылып келіп жатты. Тегіс жиналған соң өзара шай үстінде ақылдасып, жасау жияр отауды ауыл шетіндегі көк шалғын алаңға тігуге келісті. Үй тігілді, әйелдер біртіндеп жасауларды апарып көгалға жағалай жая бастады. Алдымен әжемнен келе жатқан үлкен кілем жайылды. Кілемнің өрнектері күн көзіне мың құбылып, айналаға нәр бергендей. Оның қасына кішірек кілем жайылды. Бұл шешемнен қалған кілем еді. Отаудың өзі арнайы тігілгендіктен бе, ішіндегі басқұр, уықбауына дейін көз тартады. Алты қанат ақ отау ашық күнде ерекше әсем көрінеді екен.

Жасау-жабдық түгелденіп болған соң әпкемді ертіп келді. Ауылдың үлкен жеңгесі алдынан қарсы алып, қолтықтады да, отауға қарай беттеді. Осы сәттегі әйелдердің толқуында шек жоқ еді. Бәрі қыбырсыз тына қалды. Демдерін іштеріне тартып, салтанатты сәт күткендей кейбіреуі көздеріне жас алып жатыр.

Сәлден соң әйелдер үйге үлкен екі сандық алып кірді. Іші толған асыл бұйымдар мен қымбат киімдер екен. Іргеге әшекейлі ағаш төсек құрылды. Оған мамық салынып, үстін майда жібекпен көмкерді. Жерге киіз, кілем төселді... (158 сөз)

Б.Момышұлы

Ғаламтор материалы:

16."Жасау" сөзінің мағынасын ашатын нұсқаны табыңыз.

А) Ұзатылатын қызға беретін дүние-мүлік

В) Қазақ салт-дәстүрінің бірі

С) Келіннің жас отауы

D) Жігітке бөлініп беретін енші

Е) Дұрыс жауабы жоқ

17. "Үндемеді" сөзіне синоним болатын нұсқаны табыңыз.

А) Жыламады

В) Толқуында шек жоқ

С) Ақылдасты

D) Қыбырсыз тына қалды

Е) Көздеріне жас алды

18. Адамның ішкі толқынысы мәтіннің қай бөлімінде берілгенін көрсетіңіз.

А) 1-азат жол

В) 2-азат жол

С) 3-азат жол

D) 1,2-азат жол

Е) Дұрыс жауабы жоқ

19. Киіз үйдің жабдығын белгілеңіз.

А) Әшекей

В) Басқұр

С) Майда жібек

D) Көк шалғын

Е) Отау

20. Мәтіннің негізгі идеясы нені насихаттау болып табылатынын белгілеңіз.

А) Ерлікті дәріптеу

В) Қолөнерді насихаттау

С) Бірлікті насихаттау

D) Салт-дәстүрді насихаттау

Е) Бала тәрбиесін дәріптеу