Ақтау қаласы Усенова Бағила Сәуірбайқызы

Жаңашыл әдіс-тәсілдерді пайдалану

Бала - болашағымыз десек, сол балаға жүйелі білім беріп, ынта-ықыласын дұрыс бағыттауды, қабілетін дамытуды балабақшадан бастауымыз керек. Мектепке дейінгі білім беру стандарты мектепке дейінгі тәрбиемен мектепалды даярлық топтарында педагогикалық үрдісті ұйымдастыруда жаңашыл әдіс-тәсілдерді пайдалануға мүмкіндік берді. Сондықтан оқу тәрбие үрдісіне жаңа педагогикалық технологияларды енгізіп, оны тиімді пайдаланып, балаларға сапалы білім беру, жан-жақты дамыған бүлдіршіндерді тәрбиелеу - біздің басты мақсатымыз. Осы мақсатты іске асыру барысында біздің балабақшамызда «Тәй-тәй» технологиясын пайдаланып жұмыстанудамыз. «Тәй-тәй» технологиясының негізін салған Джорж Сорос. Бұл технологияның негізгі ерекшелігі – орталықтарға бөлініп, шағын топпен жұмыс атқару. Яғни балаларды бірін-бірі сыйлауға, бір-бірінің сөзін тыңдауға, ынтымақтастықта болуға дағдыландырады.

«Тәй-тәй» инновациялық технологиясы

Мақсаты

Талабы

балаға білім беруде мақсатқа жету, іс-әрекеттері арқылы ойлау дағдыларын арттыра отырып, баланың жан-жақты дамуына, жаңалықты тез қабылдауына әсер ету.

балалардың шығармашылық және интеллектуалдық қабілеттерін дамыту болып саналады.

ҰОІӘ-не, шараларға бірлесіп қатысуы

Оқыту мен тәрбиелеуде балаға жеке тұлға ретінде қарау

Негізгі міндеттері

Балалардың іс-әрекеттерді таңдау мүмкіндігі

Отбасының оқу-тәрбие ісіне қатысы

Белсенділік және дамытушылық орталықтарының жеткілікті болуы

«Тәй-тәй» технологиясы бойынша балалар үшін әр жұмыс күні таңғы жиыннан басталады. Таңғы жиын балалардың ертеңгілік жаттығу жасау,бір-біріне тілек айту, жағымды әуен тыңдау түрінде өтеді. Таңғы жиыннан кейін негізгі орталықтардағы жұмыстар басталады. Орталықтардағы жұмыстар тәрбиешілерден үлкен жауапкершілікті және шығармашылықты қажет етеді. Әр түрлі орталықта жұмыс жасау кезінде балалардың өздерін әр қырынан көрсете отырып жұмыстануы, олардың танымдық қабілеттерін дамытуы арқылы білімдерін шыңдай түседі. Біздің балабақшада әр топтың ішінде ғажайыптар, өнер, саяхат, көркем әдебиет, тіл дамыту, қызықты математика, құрылыс және ғылыми орталықтары жұмыс істейді. Әр орталықта 6-8 баламен жұмыс жүргізіледі. Мысалы, көркем әдебиет орталығында балалар ертегілер тыңдаса, өнер орталығында тыңдаған ертегісінің ішінен өздеріне ұнаған кейіпкердің бейнесін салады. Сонымен қатар математика, құрылыс орталықтарында балалардың логикалық ойлау қабілетін, ой-өрісін дамыту үшін белгілі бір нәрсені құрастыру, ойындар, қызықты тапсырмалар беріледі. Орталықтарда белгілі бір уақыт мөлшеріндегі жұмыстан кейін балалар алмасып, басқа орталықтарға барады. Балаларға ауысатын уақыт жақындағанын, олардың жұмыстарын аяқтап, ауысуға дайындалу қажеттігін естеріне салынады. Ауысудың уақыты жеткен мезгілде сылдырмақ дыбысымен немесе қол шапалақтау сияқты белгілер беріледі.

Орталықтағы көрнекі құралдарды мазмұнды, суреттердің ертегі кейіпкерлерінің, қуыршақ театры, түрлі ойыншықтардың, үйлестірмелі құралдардың жеткілікті болуы ұйымдастырылған оқу іс-әрекеттерін өткізуде тиімді нәтиже береді.

Қазіргі заман философтары «орта» деген сөздің мағынасын жеке мінез құлық пен қоршаған ортаның тығыз байланысының системасы деген тұрғыда қалыптастыруда. Дамытушы, тәрбиелеуші ортада сәби жеке тұлға ретінде қалыптасады және бұл қалыптасу социумның модулі болып табылады.

Дамытушы орта кеңістіктерінің мектеп жасына дейінгі балалардың даму деңгейіне әсер беру мақсаттары:

• Балаларды дамытушы орта арқылы өмірдің қыр-сырын таныту және біліктілігін жан-жақты дамыту;

• Тәрбие мен білім беру жұмыстарын ұйымдастыру барысында күнделікті өмірдегі дағдыларының құзыреттілігін байыту, жетілдіру;

• Дербес қимыл әрекеттерін қолдау, ойлау, сөйлеу қабілеттерінің қалыптасуына жан дүниесінің тазалығына, ұқыптылығына тәрбиелеу;

• Тәрбие жұмысының тақырыптары бойынша білім-білік дағдыларын түсіндіру;

• Баланың меңгерген білімін бақылау, бағалау;

• Үйренгендерін күнделікті өмірде қолдануы;