Қазақ тілі және әдебиет пәні мұғалімі: Солтанбекова Армангуль Муратбековна

Шығыс Қазақстан облысы «Риддер қаласындағы олимпиада резервінің республикалық

мамандырылған мектеп-интернат-колледжі»

Жаңашыл ұстаз болу-заман талабы.

«Мектептің жаны-мұғалім».Мұғалім қандай болса,мектеп сондай

болмақшы.Яғни, мұғалім білімді болса,ол мектептен шәкірттер терең білім

алып шықпақшы.Солай болған соң,ең әуелі мектепке керегі-

білімді,педагогика,методикадан хабардар,жақсы оқыта білетін мұғалім деп

ағартушы,ұстаз,алаш қайраткері Ахмет Байтұрсынов айтқандай «Риддер

қаласындағы олимпида резервінің республикалық мамандандырылған

мектеп-интернат-колледжінде жаңашыл сабақ берудің инновациялық әдіс-

тәсілдерін жақсы меңгерген икемді,өзгерісті тез қабылдай алатын,жан-жақты

дамыған ұстаздар қызмет етеді.

Аталмыш оқу орны спорт пен білімді қатар алып келе жатқан еліміздің

аттары әлемге таныла бастаған дарынды спортшылар тәрбиелейтін мекеме

болып саналады.Спортпен қоса заманға сай білім алу,үлкен жетістіктерге

жету-олардың басты мақсаты.Себебі еліміздегі білім беру үрдісі мына 21

ғасырда зияткерлік қуатқа толы,жан-жақты дамыған,кез келген ортада

мәдениаралық қарым-қатынасқа түсе алатын үш тілді меңгерген тұлғаны

тәрбиелеуді мақсат етеді. Мемлекетіміздің саясаты қазақ тілін мемлекттік тіл

мәртебесіне сай өткізу тіл мамандарының еншісінде.

Сондықтан мұғалім оқу материалдарын іріктегенде оқушылардың өздеріне

қажетті ақпаратты табуға,және тілдік әрекеттің кез келген түрінде белсенді

пайдалануға,алған ақпаратты тірек етуге,өзін-өзі тексеруге дағдыландыруы

қажет.Әр сабағымды заманауи әдістер мен тиімді технологияларды қолдану

арқылы дарынды оқушыларға жұппен және жеке тапсырмалар бере

отырып,оларды басқалардың ойларын құрметтеуге,қолдауға

шақырамын.Сонымен қатар сабақ үрдісінде балаларды шапшаң

ойлауға,тез нәтижеге,алға ілгерілеуге бағытталған тапсырмаларды жиі

беремін.Жаңа сабақты бекіту кезеңінде дарынды оқушыларды іздеуге

бағыттап топтарға бөліп оқыту оң нәтижесін береді.Оқушылардың пәнге

қызығушылығын арттыра отырып,дарындылығын дамытуда іздену-зерттеу

бағытында еліміздің дана,дара тұлғаларының даналық сөздері мен

елбасымыздың ел мен жер,тіл мен тарих туралы айтқан сөздерімен

тапсырмалар жүйесін жиі енгіземін. Бұл оқушының білім көкжиегін

кеңейтіп, тіл мен тарихты қатар есте сақтауына мүмкіндік береді.

Жуықта жарық көрген елбасының «Болашаққа бағдар: рухани жаңғыру»

атты мақаласында: Болашақта ұлттың табысты болуы оның табиғи

байлығымен емес, адамдардың бәсекелік қабілетімен айқындалады.

Сондықтан, әрбір қазақстандық, сол арқылы тұтас ұлт 21 ғасырға лайықты

қасиеттерге ие болу керек деп атап көрсетілген ізденімпаздық,

шығармашылық қабілеттерін арттыруды басты назарда ұстап, әр сабақ

жоспарына зияткерлік ойындар, сайыс сабақтар, тапқырлықты қажет ететін

викториналық сұрақтар элементтерін қосып отырамын.

Осы аталған «Болашаққа бағдар:рухани жаңғыру» атты мақаласы бойынша

жоғары сыныптағы дарынды оқушылар арасында дөңгелек үстел,брефинг

сабақтары өткізілді.

Мақаладағы «Прагматизм»-өзіңнің ұлттық және жеке байлығыңды нақты

білу, оны үнемді пайдаланып, соған сәйкес болашағыңды жоспарлай алу,

ысырпашылдық пен астамшылыққа, даңғойлық пен кердеңдікке жол бермеу

деген сөз ұғымын дарынды оқушыларға жете түсіндіру мақсатында «оқу

кафесін» ұйымдастырдым. Бұл ойын түріндегі әдіс. Оқушыларға ақпарат

беріледі.Мұғалім даяшы ретінде «ас мәзіріне» мерзімді басылымдар, соңғы

жаңалықтар, десертке оқушының сүйіп оқитын авторын ұсынады

Оқушыларға жаңа тақырыпты түсіндіру барысында мектеп кітапханасымен

тығыз қарым – қатынаста жұмыс істеймін. Кітапханаға айтулы күндерге

қойылған кітап көрмелеріне шолу жасап, олардың білімдердін арттыруға

күш саламын. Туған жерді сүю- отансүйгіштік қасиеті. «Туған жерге

айрықша іңкәрлікпен атсалысу-шынайы патриотизмнің маңызды көрінісі»-

деп елбасы айтқандай дарынды оқушылардың бойына отансүйгіштік

қасиеттін қалыптастыруда әр сабақ жоспарына қаламыздан шыққан

танымал спортшылар мен тұлғалар туралы, қаланың құрылу және даму,

көркею тарихын, көрікті орындары мен таңғажайып табиғат көріністерін

сипаттайтын элементтерді жиі қолданамын.

Ұстаздың жолы-ұлы жол дейді. Осы ұлы жолдан нәр алған шәкірттерім

биік шыңдарды бағындырары сөзсіз екеніне сенемін.