Сабақтың тақырыбы: Жануарлар түрінің сан алуандығы.

Сабақ мақсаты:
1. Білімділік: Жануарлар туралы алған білімдерін жинақтау. Білгендерін қайталау, тереңдету, дүниетанымдарын кеңейту. Біржасушалылардың табиғатта таралған түрлерінің құрылысындағы және тіршілігіндегі ортақ белгілерін, бір - бірінен негізгі ерекшеліктері туралы түсінік қалыптастыру.
2. Дамытушылық:
Оқушылырдың байқампаздығын, іскерлігін, ізденісін, шығармашылық қабілетін дамыту. Электронды оқыту дағдыларын қалыптастыра отырып, оқушы іс - әрекеті арқылы қызығушылығын арттыру. Ақпараттық технологияны меңгеру дағдыларын дамыту.
3. Тәрбиелік:
Табиғатты сүйе білуге тәрбиелеу, жануарларды қорғауға, аялауға, тәрбиелеу

Сабақтың көрнекілігі: Интерактивті тақта, электрондық оқулық.
Сабақ типі: Аралас сабақ
Сабақ өткізу әдісі: түсіндіру, сұрақ - жауап, тест, топтық жұмыс.
Пәнаралық байланыс: география, орыс тілі, информатика, бейнелеу.
Сабақтың барысы:
І. Ұйымдастыру кезеңі.
А. Амандасу
Ә. Түгендеу
Оқушылардың сабаққа қызығушылығын, белсенділігін арттыру үшін, сабақта берілген тапсырмаларға жауап беру кезінде алма, гүл, жапырақ бейнеленген белгілерді көрсету арқылы жүргізіледі.
Алма → жеміс → тапсырмаға толық жауап беру кезінде көрсетіледі.
Гүл → көбею мүшесі → тапсырмаға толық емес жауап беру кезінде көрсетіледі.
Жапырақ → өсімді мүше → тапсырмаға дайын емес кезінде көрсетіледі.

II. Үй тапсырмасы.
Оқушылардан үй тапсырмасына қандай тапсырмалар берілгендігі сұралады.
І. Кесте толтыру.
Жануарлар тіршілігі
№ Жануар түрлері Мекені Қозғалуы Қорегі Көбеюі Қауіпті жауы
1 Аққу
2 Көбелек
3 Құрбақа
4 Сазан
5 Тышқан
6 Қоңыз
7 Шыбын
8 Қоян
9 Жылан
10 Шегіртке

II. Берілген жұмбақтардың шешімін тауып, орыс тіліне аударма жасап, тіршілік орталарын атау керек. Жұмбақтың шешімі интерактивті тақтадан суреттер арқылы көрсетіледі.

1. Ұзын - ұзын ұзардай,
Ұзыннан аққан сулардай.
Ағаш атқа мінгесіп,
Ұзартып қойған мұнардай.
(Өрмекші)
2. Ұшқанда өлең айтады,
Қонғанда жер қазады.
Мұны да ойлап көріңіз,
Шешуін кім табады.
(Қоңыз)
3. Басы тарақ, арты орақ.
(Қораз)
4. Бір құс бар, үлпілдеген жүні жұмсақ,
Тұяғы бейне болат алмас пышақ.
Тұмсығы имек, көрмейді күндіз көзі,
Шарықтап көкті кезіп, түнде ұшады.
(Үкі)
5. Орманнан шығар,
Сырты шұбар.
Ала түрлі,
Кілтең сырлы.
(Жылан)
6. Асты тас,
Үсті тас.
Ортасында шандыр бас.
(Тасбақа)
7. Тарпаң, тарпаң тарбиған,
Түрі жаман жарбиған.
(Бақа)
8. Өзі шұбар.
Тамағына таққаны,
Екі тұмар.
(Шортан)
9. Аузы бейне шалғы орақ,
Шөп емес, бірақ мал орады.
(Қасқыр)
10. Жол үстінде қу қазық,
Мергеншіге жол азық.
(Қоян)
Интерактивті тақтадан ағаш, жануарлар мен жәндіктер, сол секілді табиғат көрінісі көрсетіледі.
Ағаш пен жануарлардың арасында қандай байланыс бар? Мысал келтір.
ІІІ. Жаңа сабақ:
І кезең: Жаңа сабақты тірексызбалар арқылы түсіндіру.
ІІ. кезең. Электрондық оқулық арқылы біржасушалылардың құрылысын, қозғалысын көрсету.
ІII кезең. Тест тапсырмасы «Қарапайымдар»

Тест.
1. Қазіргі кезде қарапайымдардың қанша түрі бар?
а) 50000 б) 40000 в) 70000 г) 20000
2. Жарықта түсі жасыл болатын жәндікті ата.
а) амеба б) эвглена в) вольвокс г) арцелла
3 Шоғыр болып, тіршілік етуге бейімделген ағзаны ата.
а) вольвокс б) арцелла в) амеба г) эвглена
4. Дене тұрқы 0, 5 мм қарапайымды ата.
а) эвглена б) амеба в) кебісше г) вольвокс
5. Тамыраяқтылар тобына жататын ағзаны ата.
а) эвглена б) арцелла в) вольвокс г) кебісше
6. Дене пішіні тұрақты, дене тұрқы 0, 2 мм алдыңғы жағы доғал, артқы жағы сүйір ағзаны ата.
а) эвглена б) арцелла в) кебісше г) амеба
7. Амебаның қозғалу мүшесін ата.
а) кірпікше б) талшық в) жалғанаяқ г) вакуоль
8. Эвгленаның қозғалу мүшесін ата.
а) вакуоль б) кірпікше в) талшық г) жалғанаяқ
9. Тұрақсыз құрылымдар қарапайымдардың қай бөлігінде болады?
а) ядро б) цитоплазма в) вакуоль г) жасуша – мембрана

10. Тітіркенгіштік:
а) қозғалу б) әр түрлі әсерге жауап беру в) қоректену
г) плазмолемма

IV. кезең Бағалау
V кезең. Үйге тапсырма: §32 Оқу, Мына берілген сөздерді қолдана отырып, эссе жазу.
Табиғат, қарапайымдар, су, ауа, күн, микроскоп, ғалымдар, қорғау, зерттеу.