Мұғалім еңбегінің жемісті болуы оның біліктілігіне, әдістемелік шеберлігіне байланысты. Сондықтан да мектептегі әдістемелік жұмыс мұғалімнің идеялық-теориялық деңгейін көтеріп, озық әдістермен қаруландыруды, озат мұғалімдер тәжірибелерін жинақтап таратуды, педагогика мен психология жетістіктерін насихаттауды көздейді. Ал сол мектептегі әдістемелік жұмысты жетілдіріп, педагогтардың жұмыс мазмұнын байыту жұмысын ең алдымен әдістемелік кабинет атқарады.Әдістемелік кабинеттің ең басты міндеті әдістемелік жұмысты оқу-тәрбие жұмысымен байланыстыру, оқыту мен тәрбиелеудің тиімді әдістерін жұмыс жүйесіне енгізу.