×
Сертификат тегін алу үшін
Материал тегін жариялау
ҚР БАҚ(СМИ) тіркеу №9512
Сайт бойынша барлық сұрақтарды 8 (771) 234-55-99 (Ватсап) осы номерге жазуға болады

Жақсылықтан жақсылыққа

Автор:Сыздыкова Асем Аукешовна
Бағыты: Бастауыш сынып
Бөлімі: Ашық сабақ
Сыныбы: 4 сынып
Жарияланған уақыты: 2019-06-21

50-ден астам пәндер бойынша материалдарды тегін жүктеп, сабақ барысында қолдануға болады

Материал туралы қысқаша түсінік

Ұсынылып отырған сабақ жоспары өзін-өзі тану перінің "Жақсылықтан жақсылыққа тақырыбына құрылған

Өзін-өзі тану сабағының жоспары

Мектеп: Семиполка орта мектебі Мерзімі: 17.03.201
Мұғалім: Сыздыкова Асем Аукешовна
Сынып: 4 сынып Оқушылар саны: 5
Тақырып: Жақсылықтан жақсылыққа Сабақ № 26
Құндылық: қиянат жасамау
Қасиеттер: . әрқашан көмектесу, ешқашан зиян келтірмеу, ешкімді ренжітпеу

Мақсаты: Жақсылықтан жақсылыққа ұғымын түсіне отырып, қиянат жасамау құндылығының мағынасын ашу.
Міндеттері:
1. Жақсылыққа жақсықпен қайтару түсініктерін кеңейте отырып. әрқашан көмектесу, ешқашан зиян келтірмеу, ешкімді ренжітпеу сияқты қасиеттердің мағынасын ашу ;
2. Оқушының бойында жауапкершілік қасиетін дамыту;
3. Ешқашан ешкімді ренжітпеуге, әрқашан көмектесіп жүруге, ешқашан зиян келтірмеуге тәрбиелеу.

Ресурстар:(құралдар, мәлiметтер)
Өзін-өзі тану оқулығы, АКТ, дәптер, маркер, ватман, слайд, үнтаспа.


Сабақ барысы:
1.Ұйымдастыру кезеңі:
Тыныштық сәті: Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін (баяу әуен ырғағымен
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды, тілек қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ойша осы нұрды қолдарыңызға бағыттаңыз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі.
Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.
Одан әрі Нұр сіздің аузыңызға, тіліңізге тарады.Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді.
Нұр көзімізге де жетті. Көзіміз тек жақсыға қарап, бәрінен жақсылықты ғана көреді.Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқынды және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға,мұғалімдеріңізге,достарыңызға,
таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз.Олардың да жүрегі нұрға толсын.
Осы Нұр бүкіл әлемге: барлық адамдарға, жан- жануарларға, өсімдіктерге, тірі жанға таралсын... Ғаламның барлық түкпір-түкпіріне нұр бағыттаңыз.
Ойша айтыңыз: Мен Нұрлымын...Нұр менің ішімде...
Мен - Нұрмын
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.
Ойша нұрға бөленгеннен кейін жайымен көзіңізді ашуға болады.Рахмет!
1.1.Тыныштық сәтінен қандай әсер алдыңдар?
Сабақ барысын талдау:

Сабақтың ұйымдастыру кезеңі Нұрға бөлену тыныштық сәтімен басталды. Себебі, бұл тақырып өтілетін жаңа сабақ Жақсылықтан жақсылыққа тақырыбына сәйкес келіп, ешкімге қиянат жасамай, тек жақсы іс істеп, біреуге көмектесіп, көзімен жақсылықты ғана көріп, жақсы сөздер есту үшін бағытталған. Жақсылыққа жақсылықпен қайтару керек екеніне жол ашып тұр.
Оқушылар өздерін еркін сезіне отырып, ішкі жан дүниелеріне үңіліп, жан дүние тазалығын, нәзіктігін сезіне отрып жақсы қадамдарға барады, сабақ барысында еркін ой ойлап, жан сезімдерін ақтара білді.

2. Үй тапсырмасын тексеру. №25
Ішкі тыныштық құндылықтарын ашатын Сабыр түбі – сары алтын мақалының мағынасын түсіндіріп береді .(2 оқушы)
№26- сабақ Мөлдір бұлақ К. Демешев әңгімесін оқып келулері туралы пікірлесу.
Өтілген сабақтағы ішкі тыныштық құндылығыын қайталау барысында оқушылар Сабыр түбі сары алтын нақыл сөзінің мағынасы адам өз бойындағы қасиетті ашуға емес, шыдамдылық пен сабырлыққа жеңдіре білсе жақсылыққа кенеледі дегенді өз сөздерімен түсіндіре білді.

3. Дәйексөзбен жұмыс.
Мұғалім сыйы: Қарлығаш пен дәуіт ертегісі
Жақсылыққа жақсылық жаса.
Халық нақылы
3.1 Дәйексөзді оқыту
3.2 Дәйексөздің мәнін ашу
- Дәйексөздің мағынасын қалай түсінесіңдер?
- Өздерің осыған ұқсас қандай мақал айтар едіңдер?
3.3 Дәптерге дәйексөзді жазғызу.
Жақсылық сөзіне қарсымәндес сөз жазып, түсіндіру.
Жаңа сабақты бастамас бұрын оқушыларға жақсылық жасау, көмектесу туралы ой тастау үшін сабаққа Қарлығаш пен Дәуіт ертегісі сыйға тартылды. Оқушыларға жақсылық сөзінің мағынасын түсіндіру тапсырылды.
Жақсылық сөзіне ассоциация құру постер.
Дәйек сөзбен жұмыс жасаған кезде оқушылар жақсылыққа жақсылық жаса сөзінің мағынасын түсіндіре алды. Осы жерде дәйек сөзді оқушыға оқыту жоспарланған болатын, бірақ, сәл асығыстық танытып оқып қойылды. Осыны келесі сабақта ескеруді жөн санадым.

Әңгімелеу. Мөлдір бұлақ К. Демешев
Ерте, ерте, ертеде, меңіреу шөл далада бір ер болыпты. Бір жазда күн қатты ысып кетіп, жерде су тартылып қалыпты. Шөл далада жалғыз құдықтан су ішіп отырған халық қатты абыржиды. Күн ыстығына шыдай алмай, қырғынға ұшырайды. Бойында қуаты бар ер азаматтар су іздеп меңіреу шөлді кезіп кетеді. Қалайда елді аман алып қаларлық су табу керек.
Сол кезде жалаңбас деген жетім бала болады. Ол сулы құдық іздеуге шығады. Туған елін шөл апатынан сақтағысы келеді. Күн жүреді, түн жүреді, үлкен бір тауға кездеседі. Сай-саланы қуалай отырып, жазуы бар бір жалпақ тасқа кезігеді. Тасқа таңба түскеніне көп уақыт болмаса керек. Әлдекімнің ізі, қашауы жатыр. Әлгі таста былай делініпт:
(Осы жерде әр оқушының ойын тыңдап, не деп жазғанын оқушылардан сұрап көремін)
Ей, жолаушым, жер асты патшасының баласы сусамыр ауруына шалдыққан. Оның емі – жер бетіндегі бір шипалы мөлдір бұлақ. Сол мөлдір бұлақты іздеп, жер асты патшасы сол суды жиып алған. Жер бетіндегі халықтың сусыз қалуы сондықтан. Шипалы бұлақты жер асты патшасының әмірімен мен де іздеп таба алмай кеттім. Оны тек осы таудағы жалғыз қарлығаш біледі.
Жалаңбас енді қарлығашты іздеп тапқысы келеді. Бірақ бойында күш-қуат қалмайды. Тамағы кеуіп, бір тамшы суға зар болып тұрады. Соған қарамастан кедір-бұдыр тау соқпақтарымен алға жылжиды. Көкейінде мөлдір бұлақты тауып, жер асты патшасынан барлық суды жер бетіне қайтарсам деген ұлы мақсат тұрады. Әлден уақытта Жалаңбас жарқабақтағы қарлығаштың ұясынан бір балапанның құлап түскенін көреді. Жартасқа өрмелей шығып жас балапанды ұясына қайта салуға ұмтылады. Кенет аяғы тайып кетіп, құлап түседі. Денесі жараланбапты. Есін жиып, алға қайта өрмелейді. Тағы құлайды. Әйтеуір өлдім-талдым дегенше балапанды орнына салады-ау.
Адам баласының көрсеткен көмегіне ращы болып, іздеп жүрген қарлығашы төбесінен қалықтай ұшады. Ол Жалаңбастың қатты шөлдегенін сезіп, мөлдір бұлаққа жетелейді. Шипалы мөлдір бұлақ таудың арғы беткейінде екен. Бала суды қана ішіп, жер асты патшасына асығады. Оған баратын жолды қарлығаш көрсетеді. Жақсылыққа жақсылық жасайды. Барса, патша баласы әл үстінде жатыр екен. Енді нөкерлер табылған мөлдір бұлақтың бір сағасын жер астына бұрып әкеледі. Шипалы суды ішіп, ауру бала тез айығып кетеді. Жалаңбас екеуі дос болуға серттеседі.
Жалаңбас жер бетіне шығарда жер асты патшасы:
– Ал, балам, не тілегің бар? – дейді. Патша баланың тілегін естігеннен кейін су бетіне қайта қайтарады. Лезде жер беті жайнап кетеді. Шөлі ұанған ел де, мал да масайрайды. Әлгі таудан сансыз бұлақтар атқылайды. Қайта тірілген бау-бақшада бұлбұл құстар сайрайды. Жалаңбастың арқасында меңіреу шөл дала гүлденіп, кейін үлкен қалаға айналып кеткен екен.
Сұрақтар:
4.1 – Халық неге қатты абыржып кетті?
4.2 – Жалаңбас суды қалай қайтара алды?
- Жер бетіне мөлдір бұлақтың қайтуының себебі неде?
4.3 – Судың тіршілік атауына деген маңыздылығы қандай?

Жаңа сабақ тақырыбына берілген Мөлдір бұлақ әңгімесі мазмұны жағынан тым үлкен болғандықтан оқушыларға алдын ала үйге оқуға берілді. Себебі, сабақ үстінде уақыт үнемдеу және ең негізгі құндылықтың мағынасын ашуға көп көңіл бөліп, оқушылардың ішкі жан дүниесіндегі ойды сезіну негізгі мақсат болатын. Оқушылар мәтіннің мазмұнын айта отыра мәтіндегі ешкімге қиянат жасамай, жақсылыққа жақсылық жасау арқылы адам бақытқа кенелетінін түсіндіре білді. Мәтін соңында оқушыларға ең негізгі деген сұрақтар қойылды. Сұрақтар мәтін мазмұнына, құндылықты ашуға, және өмірмен байланысты болды. Оқушылар өз ойларын ашық айтып, жақсылыққа жақсылыықпен қайтару кероек екенін және кез келген адам, кез келген жерде жақсылық жасай алатынын ұғынды. Жақсылық жасаудың өлшемі жоқ, жүрегі адал, жаны таза кез келген адам жақсылық жасай алатындарына көз жеткізді.
Сонымен қатар өмірде сусы тіршілік жоқ, суды қорғау – ол да жақсылық жасау екенін дәлелдеді.











5. Шығармашылық іс-әрекеттер, топтық жұмыс
Жұптық жұмыс
5.1 Жұпқа бөлу
5.2 Тапсырманың шартымен таныстыру.
5.3 Тапсырманы орындайды. (Классика үлгісінде музыка жіберу)
1-жұп
Кластер құру: Жақсылықтан жақсылыққа.
2-жұп
5 жолды өлең жаз: Су – тіршілік көзі.
5.4 Тапсырманы қорғайды
5.5 Тапсырманы қорытындылау.
Сабақ барысында жұптық жұмыс өткізілді. Сыныпта бала саны аз болғандықтан үлкен топ құру мүмкін болмағандықтан оқушылар стикер түстері арқылы жұпқа бөлінді. Ламинатталған парақша, маркерлерді пайдалана отырып оқушылар жұмыс жасап, өз жасаған жұмыстарын алға шығып, қорғай алды.







6. Топпен ән айту.
Жақсы адамдар
Әні мен сөзі: А. Оралов
Сендер аман болыңдар жақсы адамдар,
Жақсы адамдар – бұзылмас тас қамалдар.
Табаныңның астында жатады әлі
Пенделіктен өресі аспағандар
Қайырмасы:
Жақсы адамдар, жақсы адамдар,
Сендер аман болыңдар жақсы адамдар.
Жақсы адамдар, жақсы адамдар,
Сендер аман болыңдар жақсы адамдар.
Жақсы адамдар.
Жақсы көрем сендерді жақсы адамдар,
Жүрегіңде өйткені аппақ ар бар.
Сендер жайлы шырқалар асқақ ән бар,
Жолы болсын ақ ниет бар адамдар!
Қайырмасы:
Жақсы адамдар, жақсы адамдар
Күйіп кетсін көре алмас бәтшағарлар
Жақсы адамдар, жақсы адамдар,
Жолы болсын ақ ниет бар адамдар!
Жақсы адамдар.
Сендер жайлы шырқалар асқақ ән бар,
Жолы болсын ақ ниет бар адамдар!
Сендер аман болыңдар жақсы адамдар,
Қарап өтсін сендерге басқа жандар.
Қайырмасы:
Жақсы адамдар, жақсы адамдар
Қарап өтсін сендерге басқа жандар
Жақсы адамдар, жақсы адамдар
Қарап өтсін сендерге басқа жандар
Жақсы адамдар.
Жақсы адамдар, жақсы адамдар,
Сендер аман болыңдар жақсы адамдар.
Жақсы адамдар, жақсы адамдар,
Сендер аман болыңдар жақсы адамдар.
Жақсы адамдар.



Үнтаспа
Сабақтың тақырыбына сәйкес топпен әнге Жақсы адамды таңдалды. Оқушылар жақсы адамдардың қандай болатынын өлең сөздерінен де тани алды.




7. Үй тапсырмасы:
7.1.№26 сабақ
Жақсылық жасау - әр адамның қолынан келеді. (3-4 сөзден тұратын 5 сөйлем)
7.2. №27 сабақ Атаның өнегесіз мәтінін оқу (119 б)
Үйге тапсырма слайдпен көрсетілді.







8.Сабақтың соңғы тыныштық сәті.(пионино - моя душа мелодиясы)
Жақсылықтан жақсылыққа бейнеролик көрсету.
Ыңғайланып отырамыз да, сәл демала отырып, бүгінгі сабақтан не үйренгенімізді көз алдымыздан өткізіп көрейік.
Жақсылық жасау кез келген адамның қолынан келеді. Жылы жүрек, ақниет, нәзік сезім адамды жақсылыққа бастайды. Жақсылықтан жақсылыққа ұмтылу адамды бақытқа игілікке бастайды.
Осымен сабағымыз аяқталды. Бүгінгі күндеріңе сәттілік тілеймін!

Сабақтың соңғы тыныштық сәтіне музыка үнін қосып қойып, өмірде кез келген адам жақсылық жасай алады деген ұғымға көз жеткізу үшін Жақсылық жасау кез- келгенннің қолынан келеді деген бейнеролик көрсетілді.
Осы бейнероликтан оқушылар өмірде кішкентай бір істің өзі жақсылықтың нышаны екенін түсінді.



Сабақ соңында оқушылар смайликтермен сабаққа деген көңіл-күйлерін білдіре отырып, стикерлерге бір-біріне тілектер жазды.





50-ден астам пәндер бойынша материалдарды тегін жүктеп, сабақ барысында қолдануға болады

Сертификатты жеке кабинеттегі жетістіктерім бөлімінен жүктеп алуға болады

Материалды сайттан тегін жүктеу

Материал ұнаса парақшаңызға сақтап қойыңыз!

Өз пікіріңізді қалдыру үшін тіркелу қажет.