Жақсылықты мақсат еткен әріптес.

Түрлі кезеңде өмір сүрген ойшылдар өмірдің мәні неде екенін ықылым заманнан бері зерттеп келеді.

"Постнаука" журналы сарапшыларының пікірінше Аристотель - бар ғұмырын әлемнің қалай пайда болғанын зерттеуге арнаған. Ол жаратылыстану және гуманитарлық бағыттағы ғылымдардың негізін қалаушы, адам мен оның өмірі жайлы зерттеген ғалым. Аристотельдің пайымы бойынша өмірдің мәні неде? Философтың айтуынша: "Өмірдің берілуі - бақыт, адамның негізгі мақсаты - бақытты болу". Оның ойынша оған жету үшін еңбектену жеткілікті, материалдық жағдайға көп көңіл бөлмей, жақсылық жасап, адамдардың бәрін жақсы көру қажет. Тағы да басқа жазбаларында Аристотель: "Өмірдің мақсаты - басқаларға жақсылық жасау", - деп жазған.

Осы жақсылық жасау деген ұғым тұрғысынан өз ауылдасым,шәкіртім,әріптесім Оразымбетов Қайнар туралы ой бөлісейін дедім.

Қайнар бала шағынан еңбекке ,ізденуге бейім болды.Мектебімізді оқып бітіргесін ,информатика мамандығын таңдап жоғары оқу орнын ойдағыдай аяқтап ,мектепке жұмысшы ретінде қабылданды.Тиянақтылығымен басқалардан ерекшеленген ол ,бес жыл бұрын мектеп директорының шаруашылық істері жөнінде орынбасары етіп тағайындалды. Бұл жерде қол астындағылармен жұмысын дұрыс жолға қойып өз міндеттерін мінсіз атқарып келуде.

Мектептің тазалығы,жылуы,жабдықталуы тағы да тағысы осы Қайнардан сұралады. Оған қоса информатик ретінде компьютер,оның түрлі бағдарламалары,жаңа қосылып жатқан функцияларын ең бірінші игеріп алатын да ,оны өмірде алғашқы қолданатын да Қайнар. Кез келген құжаттар,хаттардағы компьютерге тиісті жаңа қызметтерді жасап беретін де Қайнар. «Мен білемін,тек мен ғана орындай аламын» деп еш айтқан емес,айтпайды да.

Біз,әкімшілік персоналдан басқа мектептегі әріптестер,техқызметкерлер,оқушылар «Қайнар,Қайнар ағай» деп іздеп жүргенін көргенімде жоғарыда аты аталған Аристотельдің ұлық сөздері есіме келеді. Басқаларға жақсылық жасау Қайнардың өмірлік кредосы деп білемін. Осындай шәкірттердің бар екеніне шүкіршілік етесін екен.

А.Рудаки атындағы №23 ЖББМ

КММ директоры Қ.Кузбакаров.