Жаратылыстану пәнінен білім берілу жағдайын бақылау қорытындысы бойынша анықтама

Жаратылыстану пәнінен білім берілу жағдайын бақылау қорытындысы бойынша анықтама

Өткізу мерзімі: 09-16.11.23 ж.

Мақсаты: Оқу мақсаты бойынша нәтижеге жетуі

Бақылау объектісі: 3,4-кластардағы жаратылыстану пәні

Бақылау түрі: тақырыптық

Мектепішілік бақылау жоспарына сәйкес 09-16 қараша аралығында 3-4 кластардағы жаратылыстану пәнінен білім берілу жағдайы бақыланды. Бақылау барысында пән мұғалімдерінің КТЖ мен ҚМЖ тексеріліп, сабақты өткізу шеберлігі мен әдіс-тәсілдер қолдануы қаралды. Пәнді бақылау барысында төмендегі мұғалімдер өткізген сабақ тақырыптары және сабаққа қысқаша талдау:

3А, ___________ «Асқорыту жүйесі» АКТ қолдану арқылы сабақ тақыры-бы ашылды, оқушылар сұрақ қоюға, түсінгенін айтуға үйренген. Сабақ бойы оқушылар топтарда жұмыс жасады. Бағалау айтылмады.

3Ә, ___________ «Ас қорыту жүйесі».Тақырыпқа сай көрнекіліктер мен цифрлық ресурстар қолданылды. Топпен, жұппен, жаппай жұмыстар жүргізілді. Өздерін өздері бағалады. Сабақ мақсатына жетті.

3Б, ___________ «Асқорыту жүйесі». Мұғалім сабаққа әр түрлі әдіс-тәсілдер мен көрнекіліктер қолданды. Оқушылар қызғушылықпен қатысты. Эксперимент түрінде жұмыстар жасалды. Бағалау айтылмады.

3В, ___________ «Тыныс алу мүшелері». Оқушылар топта жұмыс жасады. Тақырыпқа байланысты тәжірибе көрсетілді. АКТ мен көрнекіліктер тақырыпқа сай қолданылды. Бағалау айтылмады.

3Г, ___________ «Как мы дышим?» Сабаққа слайд, көрнекіліктер қолдан-ғанмен, оқушыларды қатыстыру төмен болды. Көбіне ауызша өзі мәлімет беріп отырды. Оқушылардың қатысу белсенділігі төмен. Тақырып дұрпыс ашылмады. Бағалау айтылмады. Уақытты тиімді пайдалану керек.

3Д, ___________ «Как мы дышим?» Сабақ тақырыбы ашылды. Қызықты өткізу үшін видеосабақ арқылы түсіндірді, топтарда тәжірибелік жұмыстар жасады.

4А, ___________ «Жүйке жүйесінің маңызы» Сабақты слайд арқылы түсіндірді, қосымша арқылы үй жұмысын тексерді. Дәптерде тапсырмалар орындалды. Бағалау айтылмады

4Ә, ___________ «Жүйке жүйесінің маңызы» 5 топқа бөлінген. Әр топқа тақырыпқа байланысты тапсырмалар берілді. Әр тапсырмадан соң талдау жүргізіліп отырды. Уақытты тиімді пайдалану қажет.

4Б, ___________ «Заттың қасиеттері» Дескриптор арқылы ҚБ туралы айтылды. Сабаққа түрлі көрнекіліктер қолданылды. Үй тапсырмасын сұрағанда да эксперимент жүргізілді. Оқушылар сабаққа жақсы қатысты.

4В, ___________ «Заттың қасиеттері». Үй тапсырмасы сұралды. Сандық ресурстар тиімді қолданылды. Сабақ барысында барлық оқушыларды қамтуға тырысты. Оқушыларға үлестірмелі материалдар беру арқылы бағаланып отырды.

4Г, ___________ «Органы чувств» Жаңа сабаққа байланысты тәжірибе жұмысын жүргізді. Бағалау критерилері мен дескриптор айтылды. Жұппен жұмыс, топпен жұмыс жргізілді. ЕБҚе оқушыға бөлек тапсырма берілді. Барлық тапсырмалардан қорытынды жасалып отырды.

4Д, ___________ «Какие функции выполняет нервные системы». Сабақты денеге арналған жаттығудан бастап, 5 минуттық оқу жүргізілді. Үй тапсырмасының мазмұнын айтты. Тест тапсырмаларын орындап, оқушылар бірін-бірі тексерді.

Бақылау қорытындысы бойынша шешімдер:

• Оқушылардың қызығушылығын арттыру үшін барлық мұғалімдер сабақта тәжірибелік жұмыстар жасады;

• АКТ жақсы пайдаланды, топпен, жұптық жұмыс түрлері қолданылды;

• Сабақта тиімді әдіс-тәсілдер қолданылды;

Ұсыныстар:

• Сабақтың басында мақсаты мен бағалау критериімен таныстыру қажет;

• Сабаққа бөлінген уақытты тиімді пайдалану керек;

• Оқу мақсаты бойынша нәтижеге жеткенін анықтау үшін сабақты қорытындылау тиісті деңгейде жүзеге асырылу қажет;

Анықтама жазған директордың ОЖЖ орынбасары ___________