Өлеңді орта мектебінің «Жас Ұлан» балалар мен жасөспірімдер ұйымының жүргізілген жылдық тәрбие жұмысының есебі.

«Жас Ұлан» ұйымының 9 сынып оқушылары Ұстаздар мерекесіне орай мұғалімдер бөлмесін безендіріп, ұстаздарға арналған жылы лебіздерін білдіріп құттықтау парақтарын жазды.

1 желтоқсан президент күніне орай қазақ тілі пән мұғалімі Қалыпбек Диананың ұйымдастыруымен мектепішілік іс-шара өткізілді 5-9 сынып оқушылары белсенділік көрсетіп, іс-шараға қатысты. Оқушыларға елбасы Н.Ә Назарбаевқа арналған презентация көрсетіліп өмірбаянына шолу жасалды.Оқушылар президентке арнап өлең жолдарын оқып, ән шырқалды.

14 желтоқсанында Қазақстан Республикасының Тәуелсіздік күні мерекесі қарсаңында «Жас Ұлан» ұйымына қабылдау салтанатты кеші өткізілді. Қабылданатын оқушылар «Жас Ұлан» қатарына өтудің жауапкершілігінің мол екенін сезіне білді. Оның қатарына қабылданған оқушы мектептің қоғамдық жұмысына белсене араласып және сабақтарын үздікке оқып, өз елінің мақтанышы болатын азамат болуына міндеттейтінін сезінді. «Жас Қыран» ұйымына мектебіміздің 1 сынып оқушылары , «Жас Ұлан» ұйымына 5 сынып оқушылары қабылданды. Салтанатты жиын Қазақстан республикасының әнұранымен ашылды. Онда мектеп ұстаздары мен ата-аналар қатысты. Әр сынып топ басшылары рапорт тапсырды. Ұйымға қабылданушы оқушылар «Өз Отаны – Қазақстанның патриоты болуға, «Жас Ұлан» ережесін, бұлжытпай, сақтап отырып, өзінің достарынан соны талап ете отырып, Отанды сүюге салтанатты түрде ант берді. Мектеп әкімшілігі мен мектебіміздің ұлағатты ұстаздары жас қабылданушыларға галстуктарын тағып, төс белгілерін қадап берді. Салтанатты жиынның жабылу рәсімі «Жас Ұланның» әнұранымен аяқталды.

Тәуелсіздік күніне арналған «Тәуелсіздік-теңдесі жоқ байлығым» тақырыбымен сурет көрмесі ұйымдастырылып көрмеге 1-9 сынып оқушылары белсенділік көрсетіп суреттер салды.

«Тәуелсіздік-теңдесі жоқ байлығым» тақырыбымен мектепішілік іс-шара өткізілді.Мақсаты: -Оқушыларға еліміздің тәуелсіздік алғалы 26 жыл ішінде жеткен жетістіктерімізбен таныстыру; Отанды сүюге, ел байлығын қорғауға,болашақ Отанымыз Қазақстанымызды өркендетуге білімді адамдар екенін ұғындыру. Іс-шараға 5-9 сыныптары қатысты.Тәуелсіздік күніне арналған өлең жолдарын мәнерлеп оқып, әндер шырқалды, би биленді.

28 желтоқсан күні оқушылар мектепішілік шырша тойына белсенділікпен қатысты. Әндер шырқалып би биледі, ойындар ойнады. Оқушылардың көңіл күйлері жақсы болды.Шырша тойы жақсы деңгейде өтті.Жаңа жылдық лотерея ойнатылды.Барлық лотерея ойнатылып сыйлықтар таратылды.

Қаңтар айында Науырзым ауданы білім беру бөлімінің ұйымдастыруымен Астана қаласының 20 жылдығы қарсаңына және «Рухани Жаңғыру» бағдарламасын іске асыру барысында өткізілген аудандық турнирінде тоғызқұмалақтан сыныптан екі оқушы қатысты.Олар Қасымбекова Оразгүл мен Жуматова Толқын.Оразгүл ІІ-ші орынды, ал Толқын ІІІ-ші орынға иеленіп мақтау қағаздарымен және медальмен марапатталды.

26-28 ақпан аралығында «Тоғызқұмалақтан» 8-9 сынып оқушылары арасында мектепішілік турнир өтті. І-ші орынды Қасымбекова Оразгүл, ІІ-ші орын Каримова Асия, ІІІ-ші орын Жуматова Толқын иеленді. Оқушылар мақтау қағаздарымен марапатталды.

7 наурыз Халықаралық әйелдер күніне арналған «Көктем аруы» тақырыбымен мектепішілік қыз сыны байқауы өткізілді. Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тірбиелеу.

Байқауға 5-9 сынып оқушылары қатысты. Сынға 6 оқушы түсті. Сайыс кезеңдері:

1. «Мен қазақтың қызымын» таныстыру

(қатысушылар өздерін қара  сөзбен, өлеңмен, әнмен таныстырады)

2. «Өнер»

(Ән айту, би билеу, күй тарту, мінерлеп  оқу)

3. «Сұлулық сыры»

(Музыка ырғағымен сәндік киім үлгісін көрсету)

4. «Зерделінің ойы озық»

(Сұрақтарға жауап беру)

5. «Қыз еркем – кестесімен көркем»

(Әр қыз өзінің қолынан келетін бір ісмерлік өнерін көрсетеді)

Сайыс жақсы өтті, арулар номинациялар бойынша мақтау қағаздарымен марапатталып сыйлықтар табысталды. Сайыс қорытындысы бойынша «Көктем аруы» номинациясын иеленіп жеңіске жеткен 7 сынып оқушысы Қасымбекова Саягүл.

20 наурыз күні «Қош келдің- Наурыз!» тақырыбымен мектепішілік іс-шара жүргізілді.Мақсаты: Наурыз-жыл басы, яғни дін мейрамы емес, ұлт мейрамы екендігін тарихи маңызын түсіндіру.Ата бабамыздың жалғасып келе жатқан ұлттық тәрбиесі туралы түсінік беру. Өз ұлтына деген сүйіспеншілігін арттыру. Іс-шараға оқушылар белсенділікпен қатысып, ән айтты, биші қыздар би билеп ,наурыз тойына арналған өлең жолдарын оқыды. 9 сынып оқушысы Ильясов Еламан «Қыдыр ата» болып тойға өз батасын берсе, Наурыз Қыз ақ тілегін айтты.

Мамыр айында «Табиғатты аялайық, болашақты ойлайық» ұранымен мектепішілік сенбілік өткізілді. Мектеп алаңында оқушылар мен ұстаздардың қатысуымен жиын өтіп, мектеп директорына сөз берілді. Оқушылар бірігіп флэшмоб биледі.

3 мамыр күні Қасымбекова Оразгүл мен Жуматова Толқын аудандық «Абай оқулары» байқауына қатысып жүлделі орындарды иеленді. Оразгүл «Жүйріктен жүйрік озар жарысқанда» номинациясы бойынша 1-ші орынды иеленсе, Толқын «Ұлылар әлемі» номинациясы бойынша бірінші орынға иеленіп оқушылар мақтау қағаздарымен марапатталып облыстық сайысқа жолдама алды. 18 мамыр күні Қостанай қаласында «Абай оқуларына» қатысып сертификат алды.

16 мамыр «Науырзым ауданы ішкі саясат бөлімінің жастар ресурстық орталығы» КММ ұйымдастыруымен ҚР Астана қаласының 20-жылдығына арналған «Би аймағы 2018» атты сайысына қатысып жүлделі ІІ-орынды иеленді.

«Жас Ұлан» ұйымының аға тәлімгері: Буханова Г.Б.