Батыс Қазақстан облысы, Қаратөбе ауданы, Егіндікөл жалпы орта білім беретін мектебінің экологиялық «Жасыл клуб» еріктілер бірлестігінің қыркүйек, қазан және қараша айларында ұйымдастырған іс-шаралары туралы хабарлама

Батыс Қазақстан облысы, Қаратөбе ауданы, Егіндікөл жалпы орта білім беретін мектебінде 2024-2025 оқу жылының қыркүйек айында мектептің экологиялық «Жасыл клуб» еріктілер бірлестігінің жұмысын ұйымдастыру үшін мектеп оқушыларына түсіндірме жұмыстары жүргізілді. «Жасыл клубқа» ерікті түрде 15 оқушы тіркелді.

«11 қазан - Халықаралық энергияны үнемдеу күні» тақырыбында бастауыш және орта буын оқушыларына тәрбие сағаттары өткізілді. Тәрбие сағаттарының басты мақсаты-табиғи ресурстарды мейлінше тиімді, үнемді пайдалануды насихаттау болып табылады.

Қараша айында "Жасыл әлемге бір қадам: Гүлдерге су құю“ тақырыбында мектеп кабинеттеріндегі гүлдерге су құю ұйымдастырылды. Қоршаған ортаға деген көзқарасын кеңейтіп, табиғатты сүюге, қамқор бола білуге, табиғат байлығын, сұлулығын сезіне білуге үйрету мақсатында ұйымдастырылған бұл іс-шараны басқа айларда да мектептің барлық оқушыларының дағдысына айналдыруға және оны өзге оқушыларға үлгі ету де өз жалғасын табады.

Желтоқсан айында оқушыларға «ЭкоАрт-2024» суреттер көрмесін ұйымдастыру жоспарланған.