ЖАҺАНДАНУ ЗАМАНЫНДАҒЫ ЖАҢАРТЫЛҒАН БІЛІМ БЕРУ БАҒДАРЛАМАСЫНЫҢ ТИІМДІЛІГІ

Жылдам өзгерістер заманы бүгінгі білім жүйесінің де, адамзаттың да дамуына тікелей әсер етіп отырған жағдай. Жаһандану үрдісі, ақпараттық ағынның толассыз, үздіксіз жүріп отыруы бүкіл жүйенің өзгеруіне ықпал ететіндігі белгілі. Ғалымдардың дерегіне сүйенсек, ХХ ғасырда алынған білім кейінгі 15-20 жылға еркін жетсе, ХХІ ғасырдың басында әрбір 2,5 жылда ескіріп отырыды. Былтырдан бастап 1,5 ай сайын ақпарат жаңартып отыру қажеттілігі туса, ал 2020 жылы жиған-терген іліміңіз әрбір 72 сағат сайын алмасатын көрінеді. Сондықтан да, біздің дәстүрлі оқытуда алған біліміміз, механикалық есте сақтау дағдымыз жаһандану заманында жарамсыз болып табалытынын түсініп отырған шығарсыздар. Сол себепті жылдам өзгерістер заманындағы жаңартылған білім беру жүйесі баланы жылдам ойлауға, дұрыс шешім қабылдауға, өз ойын еркін жеткізуге, алған білімін күнделікті өмірде дұрыс қолдана білу дағдыларын қалыптастыруға мүмкіндік береді.