Жаз мезгілі

Жаз мезгілі

Міне жаз мезгіліде келіп жетті.Ауа райы тамаша болғаны соншалық, көзім жарқырап, көңіл күйім көтеріліп кетті. Неге?Себебі менің сүйікті мезгілім ол жаз айы, менің туылған күнім,әсіресе жазғы каникул жаз айында болады.

Жаз - төрт мезгілдің бірі. Жаз айлары өте ыстық, әсіресе шілде айы. Балалар демалысқа шығып, қуанып, асыр салып достарымен таңнан кешке дейін ойнайды. Ал кейбірі жүктерін жинап, алыстағы туыстарына жол тартады. Жазда күн астында жүріп-ақ қарайып кетесің. Мен өзім Қызылорда қаласында туылдым. Қызылордада жаз өте ыстық болады. Арасында жаңбыр да жауып тұрады.Қазір мен Нұр-сұлтан қаласында тұрамын, бұл жақтың ауа райын Қызылордамен салыстырғанда, Нұр-сұлтан қаласы салқындау болып келеді.

Атам қазақтың не нәрсеге болсын атты дәл тауып қоятындығы қашаннан таңдай қақтырмай қоймайды.Мәселен жыл мезгілдерін алатын болсақ қыста қысыласың десе көктемде көктейсің дегені.Ал жазды қытымыр қыстың қақаған аязынан жазыласың деп жаз десе керек шамасы.Иә, дәл тауып айтқан.Көктемде жер түлеп, көктер бүр жарып табиғат ана бір бусанып жатса жазға таяу бүл процесс әбден гүлденген шағына жетеді.Абайша айтатын болсақ:«Жаздыгүні қалмайды қыстың сызы,масатыдай құлпырар жердің жүзі.»

Шынымды айтсам, өткен жылы жаз айы менің есімде қалды. Мен жаңа достар тауып қана қоймай, каникулды қызықты өткіздім. Ұмытылмас сәттер мен оқиғалар көп.

Жаз мезгілінде егін егіп, бақшаның жұмысымен жүресің. Не ексең, соны орасың дегендей, қалай еңбектенсең, егіндерін жемісін береді. Әрине, біздің көп жейтін жемістеріміз қауын-қарбыз. Біз оларсыз жазды өткізе алмаймыз. Жаз мезгілінде алыстан құстар ұшып келеді, олар да шуласып, аспанда шыр-көбелек айналып жүреді. Сайраған бұлбұлдар, қаңқылдаған қаздар, тақылдаған тоқылдақтар осының бәрі жаздың сәні демейме?! Бақшада түрлі гүлдер бүршік жарып, гүлдерін ашуда, оларға бәйшешек, қызғалдақ, сарғалдақты және т.б. Міне, осылай жазда өтіп кетеді. Әне-міне дегенше, күзде келіп жетеді, балалар да сабақтарына жол тартады.Уақыт зымырап өтуде...