Тақырыбы: Жаз қызықтары

Сабақ түрі: тренинг

Көрнекілігі: доп

С А Б А Қ Б А Р Ы С Ы

І. «Сәлемдесу» рәсімі

Кәне, балалар, бәріміз ортаға шығайық. Біз кәзір бір-бірімізбен өзгеше сәлемдесу түрін үйренеміз. Назарларыңа «Бір-бірімізбен сәлемдесейік» ойыны ұсынылады.

«Бір-бірімізбен сәлемдесейік» ойыны

Мақсаты: қимыл-қозғалыс белсенділігін дамыту, бұлшық етке түсетін күштен арылту.

Барысы: Көңілді әуен ойнап тұрады, балалар бөлмеде кез-келген бағытта қозғалып жүреді. Әуен тоқтағанда балалар алдарынан шыққан балалармен сәлемдеседі. Сәлемдесу түрі: психолог бір рет шапалақтағанда – қол алысып сәлемдеседі, екі рет шапалақтағанда – иықпен, үш рет шапалақ ұрғанда – арқаларымен амандасады.

Психолог: Балалар, сендерге өзгеше сәлемдесу ұнады ма? Несімен ұнады? Неліктен ұнамады? Балалар ойлары тыңдалады.

Ал бүгінгі біздің сабағымыздың тақырыбы: Жаз қызықтары деп аталады.

Психолог: жазда қандай қызықтар болды? Не көрдіңдер? Жаз сендерді несімен қызықтырды? Не нәрсе естеріңде қалды? Келесі психологиялық жаттығу зейінді болуға үйретеді.

ІІ. Зейінділікті, есте сақтауды дамыту

«Бірге адымдайық» жаттығуы

Мақсаты: ес, зейін, тыныс алу ырғағын дамыту.

Барысы: Балалар шеңбер құрып тұрады. Тәрбиешінің нұсқауы бойынша келесі қозғалыстар орындалады: біз бір кемеде келе жатырмыз және барлық қимылдарды бірдей орындаймыз. Біз барлығымыз қалай тыныс алатынымызды тыңдап көрейік. Деміңізді ішке тартқанда барлығымыз бір қадам алдыға шығамыз, дем шығарғанда артқа басамыз. Ал енді демімізді ішке тартқанда екі қадам алдыға шығамыз, дем шығарғанда екі қадам артқа басамыз. Демімізді ішке тартқанда екі қадам алдыға шығамыз, дем шығарғанда үш қадам артқа басамыз. Ал енді біздің жүрегіміздің қалай соғатынын тыңдап көрейік: дүрс - бір қадам алдыға, дүрс - бір қадам артқа, дүрс - екі қадам алдыға, дүрс - екі қадам артқа.

ІІІ. Образды ойлауды пайдаланып, нәзік моториканы дамыту

Психолог: жаздың есте қалған ең қызықты сәттерін сурет арқылы бейнелеңдер. Бояу қарындаштарды да пайдалануға болады.

ІV. Рефлексия

• Бүгінгі сабақта сендерге не ұнады?

• Бір біріңе қандай жақсы тілек айтар едіңдер?