«Желбіре жеңіс туы».

Жүргізуші: Армысыздар, құрметті ата-аналар мен балалар! Ұлы Отан соғысы кезіндегі қиыншылықтарды, халық көтерген қасіреттерді еске ала отырып, өздерің сияқты жалынды балаларды Отанын сүюге, оны қорғауға баулу және Ұлы Отан соғысымен, қазақстандықтардың ерлік ісімен таныстыру мақсатына бағытталған «Желбіре жеңіс туы» атты мерекелік кешімізге хош келдіңіздер!

Бүгінгі «Желбіре жеңіс туы» атты мерекелік кешімізді бастау үшін сөз кезегін балабақшамыздың меңгерушісі Лаура Қуанышқызына береміз.

Соғыс- адам баласы үшін ең үрейлі, ең қорқынышты сөз. Өйткені, соғыс атаулы адамзатты қырып- жоюға бағышталған. Адам, адам болғалы осылай. Талай рет үстемдік, байлық үшін адам қаны суша аққан. Арыға бармай-ақ, 50 миллионнан астам өмірді жалмаған соңғы соғысты алайық.

Осы бір аяқ асты басталған әділетсіз арпалысқа Қазақстаннан 2 миллионға жуық түрлі ұлт өкілдері әскер қатарына шақырылды.бұл соғыс қайғы-қасірет әкелмеген бірде- бір отбасы болиады. Бірінің әкесі, бірінің ағасы қаза тапты.

Ендеше бүгін осынау сұм соғыстың шағын бейнесін сіздердің алдарыңызла сомдап бермекшіміз. Қабыл алыңыздар!

Балалар бальс билеп жүреді.

Соғыс туралы радиодан естиді.

Соғысқа кетеді, қоштасады.

Балалар мылтықтарымен соғыс кезінен көрініс көрсетеді (бомбы лақтырады, атысады).

Демалыс уақыты, мылтықтарын тазалап, хат жазып отырады.

Ән: «Ах, Самара». Орындайтын Жумабекова Эльонора.

Жеңіс! Жеңіс! Барлығы қуанады, кыздар жігіттерді қарсы алады.

Аңсар: Құрметті Отандастар, балалар ерлікпен қаза болған қандастарымызды 1 минут үнсіздікпен еске алайық.

Хор: «Жеңіс туы желбіреп».

Жүргізуші: Шүйінші, халқым, шүйінші!

Шүйіншіге сүйінші!

Шаттан, ата-анамыз,

Шаттан, аға- бабамыз.

Кек қайтарып фашистен,

Соғыс бітті жеңіспен.

Жеңдік жауды күресте,

Жасалсын той- мереке,- деп Таир Жраков айтпақшы міне, Ұлы Отан соғысының жеңіспен аяқталғанына 70жыл өтті. Бұл сол кездегі кеңес халқының ержүректілігі мне төзімділіктерін паш ететін, тарихта мәңгілік қалатын күн.

«Катюша» биі. Билейтіндер: Сымбат, Айсұлу, Жансая, Әнел, Темірхан Жанель, Эльонора.

Жүргізуші: Жеңіс деген өтеуі жас ғұмырдың,

Жеңіс деген бейбіт күнім бүгінім.

Жеңіс тойын жақындатып әкелген,

Төккен қаны, әке, аға, інінің.

«Сарбаздар» биі.

Билейтіндер: қыздар: Сымбат, Айсұлу, Жансая, Әнел, Темірхан Жанель, Эльонора.

Жігіттер: Аңсар, Қайнарбек Әлішер, әнуар, Нұрперзент, Темірбай Әлишер, Асхат.

Жүргізуші: Жеңіс деген шат күлкісі баланың,

Тыныштығы жер мен жаһан даланың.

Жеңіс деген сылдыр күлкі, асқсқ ән,

Тыныштығың сол жеңістен басталған.

Хор: «Атамекен».

Жүргізуші: жетпіс жыл- бейбіт күн таң атқалы,

Жетпіс жыл- шуақты күн таратты әнін.

Есімде сонан бері жетпіс рет,

Ашылды жеңіс күннің парақтары.

Міне, осынау елімізге лаң салған алапаттың жеңіспен аяқталғанына да 70 жыл толды.. ешкім де, ешқашанда ұмытылмақ емес. Оңайлықпен келмеген тәуелсіздігіміздің туы мәңгілік желбіреп тұрсын.

Ел – жұртымыз аман, берекелі заман болсын! Отанымызды сүйетін азаматтарымыз көбейе берсін!