Жемістер мен көкөністер

№40 жалпы орта білім беретін мектеп

Түзете-дамыту сабағының тақырыбы:

«ЖЕМІСТЕР МЕН КӨКӨНІСТЕР»

Мұғалім-дефектолог: А.А.Шауменова

Орал-2022ж

Сыныбы: 2 сынып (топтық түзете-дамыту сабағы)

Сабақтың тақырыбы: Жемістер мен көкөністер

Сабақ мақсаты:

Білімділік: Жемістер мен көкөністер туралы түсініктерін кеңейту. Олардың атауларын дұрыс айта білуге, ажырата білуге үйрету. Ойын ойнату арқылы сабаққа деген қызушылығын арттыру.

Тәрбиелік: Жеміс ағаштарын қорғап, оларға қамқор болуға тәрбиелеу.

Жұмысты ұқыпты, таза жасай білуге машықтандыру.

Түзете-дамыту: Қоршаған орта туралы түсінігін арттыру, сөздерді дұрыс айта білу, жаза білу. Есте сақтау қабілетін, ойлауын, дүниетанымын, сөйлеу қызметін, ұсақ қол моторикасын дамыту. Балалардың жапсыру дағдыларын қалыптастыру.

Көрнекілік: жеміс пен көкөністердің суреттері, дидактикалық тапсырмалар.

Әдіс-тәсілдер: түсіндіру, көрсету, әңгімелесу, сұрақ-жауап, ойын.

1.Кіріспе бөлім:

1.Сабаққа дайындық.

2.Амандасу.

3.Үй тапсырмасын қайталау.

Күз мезгілінің ерекшелігі.

- Қазір жылдың қай мезгілі? Күз мезгілі.

- Дұрыс айтасыңдар.

- Күз мезгілінде қандай өзгерістер болады? Күн салқындайды, ағаштардың жапырағы сарғайып, жерге түседі. Құстар жылы жаққа ұшып кетеді, жеміс-жидектер, көкөністер піседі.

Балалар бірге қайталайды:

2.Негізгі бөлім:

1.Жаңа сабақты ашу

- Сонымен, балалар бүгінгі сабағымыздың тақырыбы жемістер мен көкөністер. Жемістер мен көкөністерді есімізге түсірейікші.

Жемістер бақшада яғни ағашта, ал көкөністер бақта өседі.

Жемістерге: алма, алмұрт, анар, жүзім, банан, шабдалы, өрік, шие, құлпынай.

Көкөністерге: картоп, сәбіз, қызылша, пияз, қияр, қызанақ, бұрыш, орамжапырақ, асқабақ жатады.

-Көкөністерді көктем айында тұқым себу арқылы өсіреміз. Күз айында жинап аламыз.

-Жемістер мен көкөністерде дәрумендер өте көп. Оларды жуып, сүртіп таза күйінде жеуіміз керек.

-Балалар жемістер ағаштарын сындыруға бола ма?

-Жоқ, болмайды.

-Бақшада өсіп, пісіп тұрған көкөністерді жұлып лақтыруға бола ма?

-Жоқ болмайды.

-Жарайсындар, балалар жемістер мен көкөністерге ұқыпты қарауымыз керек.

1-ші тапсырма: «Жасырынған әріпті тап»

Шарты: Оқушы тақтаға ілінген сөздердің жасырынған әріпін тауып, дәптеріне жазып, оқиды.

Ал...а, жүз...м, с...біз, қ...яр, ан...р, алм...рт, қыз...нақ, бан...н, өр...к, ши..., карт...п, қыз...лша, орамж...пырақ, п...яз, бұр...ш.

2-ші тапсырма: «Шыбын өлтіру» әдісі

Шарты: Берілген есептің жауабын тақтаға ілінген сандар ішінен сапалақпен соғу арқылы табу. Балалар шапшаңдыққа дағдыланады.

20 + 10 = 30 20 – 5 = 15

20 + 5 = 25 20 – 10 = 10

50 – 10 = 40 10 + 6 = 16

13 + 10 = 23 20 + 30 = 50

30 + 30 = 60 10 – 4 = 6

Д/ойын: «Жемістер мен көкөністерді ажырат»

Шарты: Жемістер мен көкөністердің атын, түсін айту арқылы себетке орналастыру.

Сергіту сәті: «Жүріп өт»

Шарты: Берілген алақан мен табаннан балалар қатесіз жүріп өту керек.

Д/ойын: «Кім жылдам?»

Шарты: жемістер мен көкөністердің бөлігін тауып құрастыру. Ақ бетке желімдеу.

Д/ойын: «Сиқырлы қапшық»

Шарты: Қапшықтың ішінен қарамай тұрып, бір жемісті қолына алады, пішінін, дәмін, түсін, қайда өседі, қолданылуын айтады.

3.Қорытындылау:

- Бүгін біз не туралы өттік? (жемістер мен көкөністер)

- Жемістер қайда өседі? (бақта, ағашта)

- Көкөністер ше? (бақшада, жерде)

- Олардың бізге пайдасы бар ма? (бар)

- Алманы жеміске ме, әлде көкөніске жатқызамыз ба?(жеміс)

- Қызанақты ше? (көкөніс)

- Құрамында не бар екен? (дәрумендер)

4.Күтілетін нәтиже:

-Жемістер мен көкөністердің атауларын біледі;

-өзіндік ерекшеліктерін, қайда өсетіндігін ажыратады;

-дәрумендертен тұратынын, өте пайдалы екенін біледі;