«Жеңісімді еліме арнаймын!»

І жүргізуші :

Қайырлы күн, Құрметті ұстаздар, оқушылар, спорт сүйер қауым!

Спорт - көркі өмірдің, 

 Спорт - досың, серігің,  

Жаттықсаң шымыр боларсың, 

 Шынығып, өсіп, толарсың, - демекші,  салауатты өмір салтын ұстанып, спортты серік еткен қауымға жалынды сәлем!

ІІ жүргізуші:

Намыстың найзағайы жарқылдаған,

Шыңдалып шырайлы қыз, мәрт ұлдары.

Ішінде бұл мектептің сыңғырлап тұр,

Болашақ Олимпиада жұлдыздары!

І жүргізуші:

Киелі де қасиетті Қазақстан Республикасы күні мерекесіне орай өткізіліп отырған «Жеңісімді еліме арнаймын!» атты кездесу кешімізді ашық деп жариялаймыз. Бірге: Қош келдіңіздер!

ІІ жүргізуші:

Тани біл елдік таңбаңды.

Елтаңба, Туың, Әнұран

Қасиетті осы рәміздер.

Шырқатты биік арманды

Тәуелсіздікке тән белгі –

Еліме рух, мән берді.

ҚР мемлекеттік Әнұраны орындалсын!

«Томирис» би тобы ...........

І жүргізуші:

Жаса, батыр!
Жасындайын жарқылда!
Жас та болсаң, сенсің нағыз нар тұлға.
- дей келе бүгінгі спорт мерекесінің құрметті қонақтарын қошеметпен таныстырайық.

ІІ жүргізуші: Бүгінгі кешіміздіҒаламдық Таеквондо Федерациясының жаттықтырушысы Серікұлы Дидар Қош келдіңіз!

Жүргізушілер кезекпен:

1. Ерділдә Бексұлтан 11 кл

2. Шагирова Дильназ 10 кл, Таеквондодан Ақтөбе облыстық ашық біріншілігінде ІІ орын 2022 жыл; Таеквондодан хьенг бойынша Республикалық чемпионатта І орын иегері 2022 жыл Астана (12-14 жас); 2023 жылы Шымкент қаласында өткен Халықаралық чемпионаттың ІІІ орын иегері.

3. Рамазанов Нұрасыл 9 кл оқушысы, Таеквондодан қалалық, облыстық, республикалық жарыстар иегері. 2023 жылы Шымкент қаласы, Халықаралық чемпионатта ІІІ орын (12-14 жас), 2022 жылы Спарринг бойынша Республикалық чемпионаттың ІІ орын жүлдегері

4. Октябрева Жанель 8 кл оқушысы, волейбол спорты бойынша түрлі қалалық , облыстық, республикалық жарыстарға қатысып жүр. Алдағы 28 қазан күні Орталық Стадионда өтетін спорттық шараға шақырту алған, марапатталатын болады.

5. Орысбаев Аманат 8 класс оқушысы, Таэквондодан жасөспірімдер арасында қала чемпионатында І орын иегері (20кг), 2023жылы Ақтөбе облыстық чемпионатында ІІІ орын жеңіп алған.

6. Елібай Азамат 7 кл оқушысы, дзюдо күресі бойынша көптеген жарыстарға қатысып жүлдегер атанып жүрген оқушы, «Сұңқар» спорт клубының ашық біріншілігінде жүлделі І орын, т.б.

7. Елеусіз Мадияр 4кл оқушысы, 2023 жылы таеквондодан спарринг бойынша клубаралық турнирде 8-9 жас аралығында ІІІ орын; 2023 ж.мамыр айында Ақтөбе қаласының қорытынды турнирінде ІІІ орын иегері атанған (23 кг)

8. Бахыткерей Бақытжан 6 кл оқушысы, Ақтөбе облыстық пенчак силаттан ІІ орын иегері.

9. Жаңабай Айзере 6 кл.оқушысы, 2023 жылы Таеквондодан облыстық чемпионатта ІІ орын (38кг), Қызылорда қаласында өткен Республикалық чемпионатта ІІ орын алған (10-11 жас аралығы)

10. Ибрашов Алихан 6 кл оқушысы, 2023 жылы Бейнеу қаласында өткен грек-рим күресінен ІІІ орын

11. Алтынбек Айша 6 кл оқушысы, Таеквондодан спарринг бойынша Республикалық чемпионатта ІІ орын алған (9-10 жас)

12. Серікқали Нұрлы 4 кл оқушысы, Қ.Сәтбаевтың 125 жылдығына арналған бокс байқауында І орын (2023 жыл), облыстық «Абдрахман боксинг»клубының ашық біріншілігінде бокстан ІІ орын (32кг) 2023 жыл.

13. Темірхан Жансерік 4 кл оқушысы, 2022 жылы кіші жасөспірімдер арасында өткен еркін күрестен облыстық турнирде (27кг) ІІІ орын ; «2022 жыл балалар жылына» орай ұйымдастырылған клубаралық еркін күрестен ІІ орын алған.

14. Абай Мирас 4кл таеквондодан облыстық турнирде І орын иегері

15. Елібай Мансур 4кл , 2023 жылы Республика күніне орай қазақ күресінен Ақтөбе қалалық біріншілігінде ІІ орын иегері атанған(29 кг).

16. Қалабай Нұрасыл 4 кл массоги, хьенги бағдарламалары бойынша облыстық, республикалық, халықаралық чемпионаттар жеңімпазы.

Республикалық дарынды оқушыларға арналған «Қазақстан жарық жұлдыздары» журналына енген.

17. Жаңаберген Нұрай 4 кл Таеквондодан спарринг бойынша Республикалық чемпионатта ІІ орын, 2023 жылы Шымкент қаласында өткен Халықаралық чемпионатта ІІІ орын алған (22 кг)

18. Берік Ханали 3 кл , Таеквондодан «Аktobe open» ашық турнирінде ІІІ орын алған (2013-2014 жж аралығында)

19. Махаш Жанарыс 3 кл, Таеквондодан 2023 ж Ақтөбе қаласының қорытынды турнирінде ІІІ орын алған.

20. Мәжит Қыдырәлі 2 кл , Таеквондодан қалалық жарыстардың жүлдегері, 2023 жылы Ақтөбе қаласының қорытынды турнирінде спарринг бағдарламасы бойынша І орын иегері

.

І жүргізуші:

Адам әлдебір жарысқа аттанар алдында не күміс, не қола аламыз деп шықпауы қажет, белгілі бір мақсат қоюы керек, сонда ғана босаңсуға жол жоқ, - деген қағиданы ұстану қажет екендігін үйрететін жаттықтырушы Дидар ағайымызға сөз кезегін береміз.

Құрметті Ағай , сізге бірнеше сұрақтар қойсақ жауап беруге қалай қарайсыз? 

Құрметті оқушылар, Ағайға қояр сұрақтарыңыз болса, дайындап отыруға болады.

/Жүргізушілер кезекпен Ағайға сұрақ қояды/

• Спортқа келуіңізге, әсіресе таеквондоны таңдауыңызға кім қолдау білдірді?

• Дидар ағай, адамның бойындағы қандай қасиеттерді бағалайсыз?

• Жетістікке жету үшін талант керек пе, әлде еңбек керек пе?

• Дидар ағай, спорт пен өнер егіз дейді, сол рас па?

- Егер де өз балаларыңыз спортшы боламын десе қолдар ма едіңіз?

- Спорттан басқа хоббиіңіз бар ма?

• Өміріңіздегі есте қаларлық ерекше сәтіңізді баяндап берсеңіз.

• Рахмет!

Таеквондодан шоу бағдарлама.

20 оқушыға тапсырма. «Ойлан тап» ойыны. Нақыл сөздер мен спорт атауларын құрастыру.

«Томирис би тобы» би «Шашу»

І жүргізуші: Сөз беріледі..................................................Марапаттау сәті

ІІ жүргізуші: Әлемнің әр қиырында өтетін додаларда, дүбірлі бәсекелерде, жауапты жарыстарда елдің елдігін танытатын жастарды тәрбиелеу , оларды еңбекке, шеберлікке, жігер-қайраттылыққа, батылдық пен қайсарлыққа баулитын Ұстаздарымыз аман болсын!

І жүргізуші:

Байрағың биікте желбірей жайнасын,

Бұлбұлың орманда сескенбей сайрасын...

Уа , халқым, қуаныш құтты боп жасай бер,

Басыңнан мәңгілік бақытың таймасын!

ІІ жүргізуші:

Құрметті Ұстаздар, оқушылар, Болашақ Олимпиада жұлдыздары! Осымен «Жеңісімді еліме арнаймын» атты кешіміз аяқталды. Алтын уақыттарыңызды бөліп, жас спортшыларға ақыл-кеңес беріп, жақсы көңіл-күй сыйлағандарыңызға көп-көп рахмет! Еліміз аман, бейбітшілік заман болсын! Сау болыңыздар!

Сценарий құрушы: Абдирова Минзада Турегельдиевна