Жетім балалардың әлеуметтік бейімделуі және оларды әлеуметтік

педагогикалық қорғау ерекшеліктері

Қайырымдылық мәселесінің тамыры ежелден келе жатқандықтан,бүгінгі күнге дейін зерттелініп келуде.Осы қайырымдылық проблемасының өзіндік тарихы,зерттеу принциптері мен теориялары бар.Қазіргі егеменді Қазақстанда қайырымдылық ең өзекті мәселелеріне айналды.Заманға сай балаларды қорғау тәжірибелеріне қамқорсыз қалған балалармен әлеуметтік педагогтардың іс-әрекеті,атқаратын жұмыс түрлері мол.Сонымен қатар отбасының да қоғам алдындағы жауапкершілігі жоғары.Баланың тууы,баланың өлімінің көбеюі,мүгедек балалар санының өсуі,мұның бәрінің басты себебі қазіргі еліміздің экономикалық дағдарысы нәтижесінен.Тұрғындардың өмір сүру деңгейінің төмендеуі балалардың адамгершілік,физикалық,психикалық денсаулығынан да көрінеді.Балалар мен жасөспірімдер еліміздегі тұрғындар арасында жеткілікті қорғалмай қалды десек артық емес.Бұл осы уақытқа дейін қамқорсыз қалған балалармен ешқандай мемлекеттік қорғау жұмыстары жүргізілген жоқ деген сөз емес. «Бүгінгі күні арнайы осы категориядағы балаларға сай атқарылып жатқан жұмыстар жеткілікті ме?» Бүгінгі таңда біздің басты мақсатымыз:отбасынан тыс ата-аналарының қамқорлығынсыз қалған балалардың әлеуметтену мәселелеріне тоқталып,оған заман талабына сай көмек көрсету,құқығын қорғау,өмір сүру мүмкіндігіне,әлеуметтік реабилитация мен бейімделуіне,жұмысқа орналасу мен тұрғын үймен қамтамасыз ету жұмыстарын талдап жандандыру.

Бүгінгі таңда баланың статусын заңды түрде дәлелдеу жұмыстары атқарылып жатыр.Әлеуметтік жетімдер-бұл өзінің туған,биологиялық ата-анасы бар,бірақ белгілі себептермен өз баласының тәрбиесімен айналыспайтын,баласына қамқорлық жасай алмаған ата-аналардың балалары.Мұндай жағдайларда балаларға қамқорлық жасау жауапкершілігін қоғам мен мемлекет өз қолына алып отыр.