ЖЖЕ №3 «Жол белгілері» 8-сынып

Құндылық:

Тәуелсіздік және отаншылдық

Педагогтің Т.А.Ә. (болған жағдайда)

Күні:

Сынып: 8

Қатысушылар саны:

Қатыспағандар саны:

Сабақтың тақырыбы

Жол белгілері

Сабақтың мақсаты

Жол белгілерінің топтары, атаулары мен олардың міндеттері туралы түсінік беру.

Құндылықтарды дарыту

Адамгершілік, әдептілік, тәртіп.

Сабақтың кезеңі/ уақыт

Педагогтің әрекеті

Оқушының әрекеті

Бағалау

Ресурстар

Сабақтың басы

Қызығушылықты ояту

— Оқушылардың сабаққа дайындығын тексеру (Амандасу, тізім бойынша тексеру);

— Тақтаға назар аударайық, сабақтың тақырыбы: «Жол белгілері». Бүгінгі біздің сабағымыз ойын түрінде өтеді.

Сәлемдеседі.

Бағдаршам түстері арқылы топқа бөлінеді.

Өз ойларын айтады.

Сабақтың жоспарымен танысады.

Жарайсың!

Ойыңды керемет жеткіздің!

Бағдаршам суреті

Жаңа сабақ

Жол белгілері – көлік қозғалысын реттеу және көлік жүргізуші мен жаяу жүрушіге маңайдағы жол жағдайы жөнінде ақпарат беру мақсатында көше мен жол бойына қойылатын арнайы белгілер.

Жол белгілерінің бекітілген суреті мен техникалық сипаттамалары «Жол белгілері мен сигналдары туралы» Конвенция (Вена, 1968) мен осы Конвенцияны толықтыратын Еуропа елдері келісімі (Женева, 1971) талаптарына сәйкес жасалады. 1998 жылға дейін Қазақстанда 1987 жылы КСРО-да қабылданған жолда жүру ережелері қолданылды. 1998 жылдан республикада жолда жүрудің жаңа Ережелері қабылданған. Осы ережелерге сай жол белгілері мемлекеттік стандарттар негізінде анықталады. Бұл стандарттар бойынша, жол белгілері 7 топқа бөлінеді:

1. ескерту белгілері

2. басымдылық белгілері

3. тыйым салу белгілері

4. міндеттеу белгілері

5. ақпараттық-көрсеткіш белгілері

6. қызмет көрсету белгілері

7. Қосымша тақтайшалар.

Есіңде болсын!
Өткелі жоқ жерден өтуге болмайды.
Көшенің қиылысына келгенде, екі жағыңа назар аудар, жасыл жарықтың жануын күт.
Көшенің арғы бетіне жүгіріп өтуге болмайды.
Көшенің арғы бетіне жолдың қақ ортасынан өтпе.
Көше қиылысында тоқтау сызығы болады. Осы жерде тұрып бағдаршам белгісінің жануын күт.
Автобусты артқы жағынан айналып өт. Жолда келе жатқан машина көрінбесе, онда екі жағы бірдей көрінетін жолды таңда, сол жерден өт.
Жаяу жүргіншілер жаға жолдың оң жақ қапталымен жүруге тырысу керек.

Оқушылар жол белгілерінің түрлерін жеке айтып түсіндіреді.

1-оқушы: -Ескерту белгілері жолдың қауіпті бөлігінің жақындағанын хабарлайды. Ол айналасы қызыл жолақпен көмкерілген ақ түсті тең қабырғалы үшбұрыш түрінде жасалып, ортасына қауіп түрін айқындайтын шартты белгілер салынады.

2-оқушы: Басымдылық белгілері көше қиылыстарын, жолдың жіңішкерген бөлігін, кесіп өту кезектілігін белгілейді. Олар пішіндері мен түстері әр түрлі 9 жол белгілерінен тұрады.

3-оқушы: Тыйым салу белгілері жолдағы көлік қозғалысына белгілі бір шектеулер енгізеді немесе бұрын қойылған шектеулердің күшін жояды. Олардың пішіні дөңгелек болады, шеті қызыл жолақпен көмкеріліп, ақ түсті ортасында тыйым салатын шартты белгілер көрсетіледі.

4-оқушы: Міндеттеу белгілері бір бағытта немесе көліктің белгілі бір түріне ғана жүруге рұқсат етілетіндігін көрсетеді. Жиегі ақ жолақпен көмкерілген көк түсті, пішіні дөңгелек не тік төртбұрыш болып келетін 18 белгіден тұрады.

5-оқушы: Ақпараттық-көрсеткіш белгілер қозғалыстың белгілі бір режимдерін енгізеді немесе күшін жояды, сондай-ақ елді мекендер мен басқа да нысандардың орналасуы туралы хабарлайды.

6-оқушы: Қызмет көрсету белгілері жол бойында және жолдан әр түрлі қашықтықта орналасқан қызмет көрсету нысандары туралы ақпарат береді. Олардың жалпы саны – 12.

7-оқушы: Қосымша ақпараттық белгілер (тақташалар) бірге қолданылатын жол белгілеріне қосымша ақпарат беруге арналған.

«Бағдаршам» әдісі арқылы бағалау

«Бағдаршам» әдісі арқылы бағалау

«Жол белгілері» туралы слайд

Маркерлер, стикерлер

«Жол белгілері» туралы слайд

Маркерлер, стикерлер

Сабақтың соңы

Рефлексия

Біздің қалаларымызда, сол сияқты ауылды жерлердің бәріне ортақ жол қатынасы енгізілген. Жол заңы дұрыс жүріп, абай болуды талап етеді. Жол тәртібін білейік, есен - аман жүрейік!

Оқушылар бүгінгі сабақта жол белгілері туралы алған ақпараттарына қорытынды жасайды. Бағдаршамның түсіне өз есімі жазылған стикерді жапсырады.