Тақырыбы: «Жүйрік болсаң, озып көр»
Мақсаты: Оқушылардың білімдерін сайысқа түсіріп, білімді, жан - жақты болуға, өзіне деген сенімділік қасиеттерін қалыптастыруға бейімдеу, логикалық ойлауларын қалыптастыру, дарынды, озық болуға тәрбиелеу
Барысы: 1. Мұғалімнің сөзі:
- Балалар, бүгін біздің сынып оқушыларының арасында «Ойлы болсаң, озып көр» атты зияткерлік білім сайысы өткізіліп отыр. Осы сайысқа сынып оқушылары ішінен екі топ құрылып, өзара білімдерімен сынға түспек. Ендеше сайысқа түсер екі топпен танысайық.
а) Топтармен танысу: ортаға бүгінгі зияткерлік ойынымыздың сайыскерлері «Зерде» және «Зейін» топтарын шақырайық
Әділ - қазы мүшелерімен таныстырып өтейін.
2. «Ойлы болсаң, озып көр» зияткерлік ойынының өткізілу жоспарымен таныстырып өтейін:
І - айналым: «Білгенге маржан» деп аталады. Бұл айналымда оқу бағдарламасының аясында сұрақтар қойылады. Дұрыс жауапқа 1 ұпай беріледі.
ІІ - айналым:: Құрастырма сурет. Бұл айналымда топтарға суреттің бір бөлігі көрсетіледі. Топтар сол суретте жасырылған затты табуы керек. Қай топ бірінші тапса, сол топқа 5 ұпай беріледі, жеңілген топқа 2 ұпай ғана беріледі.
ІII - айналым:«Кім жылдам » ойыны. Қазақ тілінен сөз беріледі. Белгілі уақыт аралығында бірнеше сөз құрастыру керек. Әр сөзге 1 ұпайдан беріледі. Ең көп сөз құрастырған топ жеңімпаз атанады.
Қорытынды. Зияткерлік ойын нәтижесін анықтау үшін әділ - қазыларға сөз кезегін береміз.
3. – Ал, балалар, енді сайысымызды бастайық, бірінші бүгінгі сайыскерлерімізбен таныстырып өтейік. Сөз кезегін топтарға берсек. Топтардың танысуы
І - топ: «Зерде» тобы Ұраны:

Қалың қауым амансыз ба?

«Зерде» тобы алдыңызда.

Білімімізді көрсетеміз

Бүгінгі білім жарысында.
ІІ - топ: «Зейін» тобы Ұраны:

Көрген, білген, түйгенін

Көкірегінде сақтайтын.

«Зейін» тобы біздерміз.

Білім сайысында қалыспайтын.
І - айналым: «Білгенге маржан».
Сұрақтарға жауап беру І - топқа:
1. Өлең жазатын адам (ақын)
2. Сиырдың төлі (бұзау)
3. Ас атасы не? (нан)
4. Аптаның екінші күні (сейсенбі)
5. Оқушының сабақ кестесі, үй жұмысы және білімін бағалайтын оқу құралы (күнделік)
6. Қазақтың ұлы ақыны (Абай)
7. Барлық қабырғалары тең тіктөртбұрышты қалай атаймыз (шаршы)
ІІ - топқа:
1. Қойдың төлі (қозы)
2. Ән айтатын адам (әнші)
3. 5 ондықтан құралған сан (елу)
4. Аптаның үшінші күні (сәрсенбі)
5. Дүниедегі ең қадірлі адам (ана)
6. Үш қабырғасы, үш төбесі, үш бұрышы бар геометриялық фигура (үшбұ рыш)
7. Қазақтың ұлттық аспабы (домбыра)
ІІ – айналым: «Құрастырма сурет»

Мұғалім: Тауды биік деме сен

Талаптансаң шығарсың.

Жауды мықты деме сен

Білімді болсаң жығарсың. – дей келе, келесі «Құрастырма сурет» атты айналым тапсырмасына назар аударайық. Сурет нұсқасы алдымен сайыскерлерге көрсетіледі, суретте ненің бейнесі берілгендігі анықталады, соңынан берілген фигуралардың көмегімен сайыскерлер сол суреттің бейнесін шығаруы керек.
ІII - айналым: «Кім жылдам» ойыны. Берілген сөзден бірнеше сөз құрастыру керек. Әр сөзге 1 ұпайдан беріледі. Ең көп құрастырған топ жеңімпаз атанады.

І топ, «Жауқазын» -жау, ау, қаз, аз, ана, жақ, қауын, жауын, жаза, қазан, қазу, жазу.

ІІ топ. «Қызғалдақ» - қыз, ал, дақ, ақ, қақ, ала, дала, қала, зал, ыза, аға, қаз, лақ.
Қорытынды: - Сонымен балалар, бүгінгі сайысымыз да өз мәресіне жетті. Бұл сайыстың қорытындысы бойынша жеңіске жеткен тобымызды анықтау үшін әділ қазыларға сөз кезегін берейік. Жеңімпаздарды мадақтау.

«Атамекен орта мектебі» КММ

Сайыс сабақ

Тақырыбы : Жүйрік болсаң озып көр

Сыныбы : 3 «И»

Сынып жетекшісі : Тажиболусова Молдир

2017 – 2018 оқу жылы қараша

«Атамекен орта мектебі» КММ

Сынып сағаты

Тақырыбы : Жануарлар әлеміне саяхат

Сыныбы : 3 «И»

Сынып жетекшісі : Тажиболусова Молдир

2017 – 2018 оқу жылы қараша