«Жұлдыз болғың келсе» ән-би байқауы 1-4 сыныптар

«Жұлдыз болғың келсе» ән-би байқауы 1-4 сыныптар (сценарий)

— Фанфары

— Күй әуені

1 жүргізуші:

Сәлеметсіздер ме құрметті жиналған қауым!

Мектебіміздің бастауыш сыныптар апталығында ұйымдастырылып отырған,

1-4 сыныптар аралығында оқушылардың қатысуымен өтетін «Жұлдыз болғың келсе» ән байқауына қош келдіңіздер!

2 жүргізуші:

Армысыздар, ағайын, құрбы — құрдас,
Бармысыздар, ән сүйер әз қауымдас.
Бүгінгі кеш әуенін біз бастайық,
Сайыста көңілменен қол соғайық.

1 жүргізуші:

Байқау мектептегі тәрбиенің рөлін арттыру, талғам мәдениетін тәрбиелеу, интеллектуальды мәдениетті қалыптастыра отырып, ұстаз бен ата-ана арасындағы талғамдық құндылықтарға жету қабілеттерін қалыптастыру өткізіліп отыр.

2 жүргізуші:

Қазақтың қасиетті даласында

Думанда ауыл аймақ арасында

Қызықтап көрермендер жиналыпты

Қошемет көрсетуге баласына, — дей келе сіздердің қошеметтеріңізбен бүгінгі байқауға қатысушы оқушыларымызды ортаға шақырайық

(фон)

1 жүргізуші:

Кешімізді сайыс қатысушыларын таныстырудан бастаймыз.

2 жүргізуші:

Енді осы өнерпаздарымыздың өнерлерін бағалаушы  әділқазы алқасының мүшелерімен таныс болайық:

Байқаудың қазылар алқасына

1 жүргізуші:

Сахнада ән сап жүреді

Исламды бәрі біледі
Қазіргі бізге тартуы
Әсем ән «Жарайма»
«Жарайма» әнімен

2 жүргізуші:

Ортаға келесі қатысушы.

1 жүргізуші:

Дауысың қандай сырлы еді,
Табиғатты тыңдатқан.
Көркің қандай нұрлы еді,
Таңшолпанмен астасқан –  дей келе

2 жүргізуші:

Уа, жараңдар, жараңдар.
Бәрің бермен қараңдар.
Бишілер  кеп  қалыпты,
Бір сәт зейін салайық – деп келесі кезегімізді биге береміз.

1 жүргізуші:

Құлақтан кіріп бойды алар,
Жақсы ән мен тәтті күй.
Көңілге түрлі ой салар,
Әнді сүйсең менше сүй, — деп Абай атамыз жырлағандай, келесі кезекті ортаға шақырайық.

2 жүргізуші:

Жақсы әнші өнеге,
Сегіз қырлы, бір сырлы.
Өнерді үйрен бір — бірлеп,
Әнде шырқап, би билеп.

Халық айтса біледі,
Талаптыға нұр жауар,
Өнерлі өрге жүзер,
Талаптылар құрқалма! — деп

ортаға шақырамыз. 

1 жүргізуші:

Ал оқушы, ұстаздар,
Ортаға назар салыңдар.
Сабина келіп ортаға,
Бар өнерін төгеді- дей келе

2 жүргізуші:

Алдымызда ұзақ жол,
Ізденуден талмағай.
Қиындыққа мойымай,
Өнер жолын жалғағай – деп

1 жүргізуші:

Уа, халайық, халайық,
Мұнда назар салайық.
Ата жолын жалғамақ,
Ел дәстүрін сақтамақ
Ел намысын қорғамақ,
Жарқын шықсын ортаға,
Бүгін әнші атанбақ-дей келе келесі кезекте ортаға

әнімен шақырамыз.

2 жүргізуші:

Осымен «Жұлдыз болғың келсе» ән-би байқауы  өз мәресіне жетті.
Күнде жиын бола бермес дәл осындай,
Күн сайын өзгереміз, өркендейміз.
Ұл – қыздың бақыты үшін ғұмыр кешкен,
Алдымызда отырған әділқазы қонаққа сөз береміз.
Сын — шын, бағалау әділетті болсын!

1 жүргізуші:

Жеңіске жеткен жеңімпаздарды жеңістерімен құттықтаймыз!
Көріскенше күн жақсы болсын!!! Басымыз аман, бауырымыз бүтін болсын! Қош сау болыңыздар!