Жуалы ауданында нашақорлыққа қарсы акция өтті 26 маусым – Халықаралық нашақорлықпен күрес күніне орай Жуалы ауданында «Нашақорлыққа жол жоқ» атты акция ұйымдастырылды. Шара барысында аудан тұрғындарына нашақорлықтың жеке адам өміріне, отбасы мен қоғамға тигізер зиянды әсері туралы түсіндірме жұмыстары жүргізілді. Акцияға дәрігерлер арнайы қатысып, есірткі қолданудың денсаулыққа қауіпті салдары мен оның алдын алу жолдары жайында кеңінен ақпарат берді. Мұндай шаралар қоғамда салауатты өмір салтын насихаттап, жастардың зиянды әдеттерден бойын аулақ ұстауына ықпал етеді.