ТАҚЫРЫБЫ: Жыл басына

таласқан жануарлар (ертегі)

Мектеп/ МҰ:

Күні: Педагогтің аты-жөні:

Сынып/ топ: Қатысқандар саны: Қатыспағандар саны:

ҰОҚ оқытылу мақсаты 0.1.1.1. Шағын ертегілердің мазмұны бойынша сұрақтарға жауап беру

0.2.2.1. Кейіпкердің қылығы туралы пікірін айту (ұнайды, неліктен

ұнамайды)

0.2.3.1. Өзінің ұсынымдарын сурет, сызба түрінде безендіру

0.2.4.1. Иллюстрацияларды ертегінің эпизодымен салыстыру.

Күтілетін нәтиже Барлық тәрбиеленушілер:

Ертегінің мазмұнын тыңдайды, сұрақтарға жауап бере алады.

Өзінің ұсынымдарын сурет, сызба түрінде безендіреді.

Көпшілік тәрбиеленушілер:

Кейіпкердің қылығы туралы пікірін айтады.

Кейбір тәрбиеленушілер:

Иллюстрацияларды ертегінің эпизодымен салыстырады.

Тілдік мақсат Тәрбиеленушілер: Ертегіні талқылау барысында қандай жануар? қайсы?

қайда? деген сұрақтары бар сөздерді пайдалана алады.

Ертегі кейіпкерлері туралы әңгімелейді.

Көптілділік: жылқы – лошадь – horse, түйе – верблюд – camel, сиыр –

корова – cow, ит – собака – dog, тышқан – мышь – mouse

Негізгі терминдер мен сөз тіркестері: жусан, жабағы, бақташы, өркеш.

Пікір алмасу сұрақтары:

Ертегіні қызыға тыңдау үшін адам бойында қандай қасиеттер болуы

керек?

Қандай ертегілерді білесіңдер? Есімізге түсірейік.

Қандай кейіпкерлерді білдіңдер?

Өткен ҰОҚ-де алған білім Өтілген ертегілерді естеріне түсіріп атау.

Жоспар

Жоспарланған уақыт Жоспарланған іс-әрекет Ресурстар

І. Дұрыс әсерлі көңіл

күй орнату.

0–2 мин.

II. Өмірлік

тәжірибені

маңыздандыру.

Мақсатты болжам.

3–5 мин.

(Ұ) Балалар үнтаспадан «Ертегілер» әнін тыңдайды. Педагог

қолына «сиқырлы таяқшаны» алып, әр баланы түрлі ертегі

кейіпкеріне айналдырады.

Балалар бір-біріне ертегі кейіпкерлері атынан тілектер айтады:

«Мен Бауырсақпын, бір-біріңді құрметтеп жүрулеріңе тілектеспін...

Мен Ханшайыммын, сендерге қайырымды, сыпайы болуды

тілеймін...»

(Т) Педагог балаларға жұмбақ жасырады.

Апан-апан, ескі шапан,

Иір қобыз, жарық жұлдыз. (Түйе)

– Қандай ертегілерді білесіңдер, есімізге түсірейік.

«Мен ертегіні жақсы көремін, өйткені...» деп жағымды қасиеттерін

айтады.

– Ертегінің соңы жақсылықпен аяқталады.

– Ертегіде әрқашан қайырымдылық зұлымдықты жеңеді.

Музыкалық

сүйемелдеу

III. Тақырып

бойынша жұмыс

6–27 мин.

(Ұ) Көркем әдебиет жанры бойынша ертегімен танысамыз.

Ертегіні адамдар қиял арқылы құрастырады. Ертегідегі жануарлар

адам сияқты сөйлей алуы және адам істейтін нәрселерді істей алуы

мүмкін.

Педагог «Жыл басына таласқан жануарлар» ертегісін ұсынады.

Ертегіні оқу. Сөздік жұмыс.

Педагог балаларға ертегіде кездесетін жусан, жабағы, өркеш,

бақташы сөздеріне түсінік береді:

Жусан – дәмі ащы, көкшіл бозғылт түсті аласа шөп.

Өркеш – түйенің арқасына бір не екі айыр болып тік шаншылған

қомы.

Жабағы деп жылқының бір түрін айтады.

Бақташы деп мал бағатын адамдарды айтамыз.

Ертегінің мазмұнына сәйкес сұрақтар.

– Жануарлар жылдың басы болуға неге таласты?

– Жылқы не айтты?

– Түйе не деді?

– Сиыр несімен мақтанды?

– Қой өзінің қандай пайдасы бар екенін айтты?

– Ит не деді?

– Тауық өзін қалай айтып жеткізді?

– Тышқан қандай қулық жасады?

– Түйе неге сенді?

– Жылды бірінші болып не көрді?

Сергіту сәті: (саусақтармен орындайды)

Саусақтарым, бір-бірімен амандасайық,

Саусақтардан гүл ашайық.

Саусақтарды ашып-жұмып,

А-ә, г-ғ, ү-ұ, н-ң, к-қ, о-ө дыбыстарын дұрыс айтайық.

(Ұ) Сурет бойынша Әліппе-дәптермен жұмыс:

– Суреттен не көріп тұрсыңдар?

– Суретте ертегінің қай сәті бейнеленген?

– Ертегіде не туралы айтылған?

– Жануарлар жылдың басы болуға неге таласты?

– Жылды бірінші болып не көрді?

Музыкалық

сүйемелдеу

Әліппе-дәптер

Көптілділік: жылқы – лошадь – horse, түйе – верблюд – camel,

сиыр – корова – cow,

ит – собака – dog, тышқан – мышь – mouse

(Ұ) Әліппе-дәптермен жұмыс:

1. Суреттегі жануарларды жыл аттары бойынша ретімен атап

үйренеміз.

2. Ертегіге қатысты кейіпкердің қылығына баға бер. Бастырып сыз,

боя.

(Т) Д/ойын: «Не қайда өмір сүреді?»

Суреттен көргендерін атап, олардың қайда өмір сүретінін айтады.

Сол жануар немесе құстарды қайда көргендерін, ол туралы

білетіндерін әңгімелейді.

Әліппе-дәптер

Ойын

IV. ҰОҚ

қорытындысы.

Рефлексия.

28–30 мин.

Педагог қорытынды жасайды.

– Қандай жанрмен таныстық?

– Ертегі қалай аталады? Сендерге ұнады ма?

– Ертегіде қандай кейіпкерлер кездесті?

– Түйе неге жыл басы бола алмады?

(Ө, Қ) Рефлексиялық бағалау – өз жұмысын бағалап қорыту.

Тәрбиеленушілер ҰОҚ-дегі өзінің жұмысына баға береді.

Ештеңе түсінбедім – қызыл түспен,

Түсіндім, бірақ түсіндіре алмаймын – сары түспен,

Бәрін түсіндім, басқаға түсіндіріп бере аламын – жасыл түспен.__