"Жыл мезгілдері" ашық тәрбие сағаты

Cабақтың тақырыбы: Жыл мезгілдері. 

Сабақтың мақсаты:  Оқушылардың жыл мезгілдері туралы түсініктерін кеңейту,  табиғаттың  өзгеретіні  туралы  түсініктерін  қалыптастыруға 

жағдай  жасау. Табиғатқа  қамқорлықпен қарау қатынастарын тәрбиелеу. Сабақтың  көрнекілігі: жыл  мезгілі  суреттері, слайдтар, интерактивті тақта

Сабақтың  барысы:

І. Ұйымдастыру  бөлімі.Табиғат ол-анамыз, Табиғатқа баламыз.

II. Шаттық шеңбері «Сыйқырлы таяқ» (Балаларға қолдарындағы таяқтың сыйқыры бар екенін, армандарын айтса орындалатынын айтамыз. Олар өздерінің армандарын айтады)

III. Кіріспе сөз

Жылдың төрт мезгілі бар. Олар: күз, қыс, көктем, жаз. Әр мезгілдің өзіне тән белгілері бар. Күзде ағаштардың жапырақтары сарғайып жерге түседі. Күздің басы жылы болса, аяғы суытады. Бұл қыс мезгілінің басталатынын білдіреді. Көктемде қар еріп, дала көкорай шалғынға оранады. Жазда шуақты күндер басталып, бақта жидектер пісіп жетіледі.  Балалар мен сендерге жыл мезгілдері туралы жұмбақ өлең оқимын, ал сендер өлеңде қай жыл мезгілі суреттелгенін тауып алыңдар.

Шанамен зырлап желетін,

Шаңғы, коньки тебетін,

Аққала жасап ойнайтын,

Қай мезгіл деп ойлайсың?(Қыс)

(Слайдтан қыс мезгілінің суреті шығады, сурет арқылы әңгімелету)Балаларға қыс туралы сұрақтар қою.- Қыста қандай өзгерістер болады?- Қыс мезгілі ұнай ма?- Сендер қандай ойын ойнайсыңдар?-Қыс айларын кім біледі?Желтоқсан,қаңтар,ақпан.- Қыс туралы кім тақпақ біледі?(1 - 2 бала тақпақ айтады) - Жақсы, енді келесі жұмбақ - өлеңді тыңдаңдар.

Бұлтты айдай желдеткен,

Нөсерлеткен, селдеткен,

Шалшық кешіп ойнайтын,

Қай мезгіл деп ойлайсың? (Көктем)

(Слайдтан көктем мезгілінің суреті шығады, сурет арқылы әңгімелету)- Көктем мезгілінің айларын кім атап береді? Наурыз,сәуір,мамыр- Көктемде табиғатта қандай ерекшеліктер болады?- Көктемде қандай мерекелер бар?-

- Енді келесі өлеңді тыңдаймыз.

Қойының толы жеміске,

Көк майсалы егісте,

Көбелек қуып ойнайтын,

Қай мезгіл деп ойлайсың? (Жаз)

(Слайдтан жаз мезгілінің суреті шығады, сурет арқылы әңгімелету)- Жазда табиғатта қандай өзгерістер болады?- Жаз айларын кім біледі? Маусым,шілде,тамыз. \Балалардың жауаптары\

- Ал енді соңғы жұмбақ.

Жиып - теріп болатын,

Қамбаға астық толатын,

Қызыл қырман ойнайтын,

Қай мезгіл деп ойлайсың?(Күз)

(Слайдтан күз мезгілінің суреті шығады, сурет арқылы әңгімелету)

- Ал күз айларын кім біледі? Қыркүйек, қазан, қараша.

 - Күзде табиғатта қандай ерекшеліктер болады?

- Балалар сендер шаршап қалған шығарсыңдар, орнымыздан тұрып сергіту жаттығуын жасайық.(Музыкамен сергіту жаттығу)

IV. Жұмбақты шеш

Гүл-гүл жайнап жер беті,

Гүрілдейді сайда өзен.

Гүлжазира жарасқан

Гүлдерімен қай кезең? (көктем)

Күннің көзі шуақты,

Балалар жүр шомылып.

Көбелек қуып ойнайтын

Қай мезгіл деп ойлайсың? ( жаз)

Жиын-терін болатын,

Қамбаға астық толатын.

Жапырақтар сарғайып,

Жер бетіне түсетін

Қай мезгіл деп ойлайсың? (күз)

Шана зырғып желетін,

Шаңғы, коньки тебетін,

Аққала жасап ойнайтын,

Қай мезгіл деп ойлайсың? (қыс)

V. Суреттер сөйлейді

(Слайдттағы суретке қарап сөйлемдер құрастыру)

VI. Сергіту сәті

- Балалар сендер шаршап қалған шығарсыңдар, орнымыздан тұрып сергіту жаттығуын жасайық.(Музыкамен сергіту жаттығу)

VII. Ойын « Кім жылдам және кім тапқыр»

VIII. «Суретті крассворд»

IX. «Сәлемдеме» 

Қорытынды.Мадақтау. 
Өлеңімен аяқтау

Көктемгі кез- көрікті.

Жазғы мезгіл- жаңаша.

Күзде бәрі-әдемі.

Қыста бәрі- тамаша. 

Өткізілген тәрбие іс-шаралардың қорытындысы

Мектеп директоры: Кулсарина Л. А.

Директордың тәрбие ісі жөніндегі орынбасары: Шапиева Ж. Ш.