Журналистика

Неге дәл мен грантқа лайықтымын?
Көп оқушылар сияқты мен де грант иегері атанғым келеді. Грант иегері атану мен үшін
маңызды.
Биік мансап - биік жартас,
Ерінбей еңбектеп жылан да шығады,
Екпіндей ұшып қыран да шығады.
(Абай Құнанбаев)
Армансыз адам-қанатсыз құспен тең. Әр адамның жан дүниесіне тамыр жайған арманы
бар. Ол арман адаммен бірге өседі, өркендейді. Менің арманым – мені мақсатыма
жетелейді. Қай арманыма қолым жетіп, қай арман мені өмір бойы жетелейтінін
білмеймін, бірақ бар білетінім арманымның орындалуы өз қолымда. Ол үшін жақсы
окып, тек алға ұмтылуым керек деп ойлаймын. Ал сол армандарымның менің грантқа
түсуіме қандай әсері бар немесе оқу грантының иегері атану мен үшін неліктен
маңызды? Менің ойымша грант иегері атану менің өткім келетін белестердің алғашқы
баспалдығы. Ғабиден Мұстафин: «Арман деген көп белес, біріне шықсаң бірі бар» - деп
айтқандай менің шыққым келетін тұңғыш баспалдағым, білімімнің өркендеуіне жол
ашатын менің алғашқы бастауым ол – Еуразия Ұлттық университеті. Әр өзеннің өз
бастауы бар, және ол өзен алдындағы кеселдерге қарамастан үлкен жол жүріп
теңіздерге құяды. Дәл сол секілді менің бастауым –Еуразия Ұлттық университеті болса,
ал теңізім Қазақстан мемлекеті. Мен көп еңбек етіп, өзім секілді көп өзендермен бірге
мойымай, жасымай өз мемлекетіме адал қызмет еткім келеді.
Ал мен таңдаған мамандық қандай? Мамандық таңдау-тағдырыңды таңдау деген сөз.
Менің түскім келетін жаныма жақын сала – журналистика. Бұл мамандық мені ерекше
қызықтырғандықтан, шығармашылық емтиханға тыңғылықты дайындалу үстіндемін.
Шығармашылыққа дайындайтын курсқа да жазылып, күнделікті дайындалудамын.
Шығармашылықтағы жетістіктерім де өте көп. Соның бірі Мұқағали оқулары бойынша
Республикалық байқауға екі рет қатысып бас жүлде иелендім, жалпы мәнерлеп
оқығанды жаным сүйеді. Мұқағали оқуларынан бөлек Абай, Фариза, Жамбыл сынды
ақындардың өлеңдерін оқимын. Ақындық және шешендік өнер, актерлік шеберлік
секілді үйірмелерге өзімді шыңдау үшін қатыстым. Актриса ретінде де өзімді сынап
көрдім. Кастингтен өтіп, Action studioның фильмінде көріндім. Одан бөлек көптеген
шығармашылық жұмыстармен де айналысамын (эссе, шығарма, өлең). Домбыра
аспабы бойынша музыкалық мектепті бітірдім. Оркестрда ойнаймын, 6 жыл көлемінде
тәжірибем бар. Байқағандарыңыздай нағыз шығармашылықтың адамымын!
Сондықтан, мен арманыма бір табан жақынмын деп ойлаймын. Дегенмен, әлі көп
еңбек етуім керек, себебі мен салатын сара жол журналистика ғылымының жаңа
бастауы болатынына сенемін. Сол дара жолда менің тіреуім болатын тұлғалар
ата-анам және туған-туыстарым. Мен мына дүние есігін ашқанда, анам: «Аллам мені
мадақтап жатыр» деген екен. Қазақ халқы: «Ер бала өмірге келсе, Алла Тағаланың
әйелді қорғағысы келгені, ал қыз бала дүниеге келсе, мадақтағысы келгені» дейді. Сол
себепті де мені Алланың берген сыйы деп мәпелеп өсіріп, атам газеттен Эльнура деген
атақты журналистің мақаласын оқып, сондай тұлға болсын деген ниетпен «Эльнура»
деп атаған екен. Міне, сол күннен бастап анамның тілеуін тілейтін, үміт артатын
тұңғышы – мен. Сондықтан, мен анашымның үмітін ақтап, халықтың қалаулы ұлы
тұлғасы болып, Алланың анама ғана сыйға берген қызы емес, елге сыйлаған ұлы
тартуы екенімді дәлелдеуім қажет.
Жауапкершілік пен шешімді тез әрі дұрыс қабылдай білудің мемлекеттік қызметте
маңызы зор. Бұл екі компонент журналистика кәсібилігін қалыптастырады. Сондай-ақ

кәсіпқойлық деңгейі журналистың біліктілігі мен білімін және оның көшбасшы болу және
топта жұмыс істеу қабілетін көрсетеді. Осы қасиеттердің барлығы маған тән деп
есептеймін. Сондықтан, мен еш ойланбастан Еуразия Ұлттық Университетінің
журналистика факультетіне оқуға түскім келеді. Мемлекеттік грантына лайық
болуымның басты себебі, мен мектепте үздік деңгейде оқыдым, әрі қарай да соған
ұмтылып оқып еңбектенгім келеді. Мен үшін грант алу – ең алдымен өз білімімді, оқу
үдерісіндегі белсенділігімді бағалаудың дәлелі, кәсіби қызметке жасалған қадам. Мен
Мемлекеттік грантын алуға лайықпын, өйткені менде көшбасшылық қасиеттердің
барлығы бар, бұл менің болашақ кәсіби қызметіме үлкен көмек болатыны сөзсіз.
Бүгінде мен 11 сынып оқушысымын. Мамандық таңдау барысында өзіме дұрыс және
лайықты мамандықты таңдадым деген сенімім күннен-күнге күшейіп келеді. Менің
болашағым оқуыма қаншалықты байыппен қарайтыныма байланысты екенін білемін.
Менің өміріме және оқудағы жетістіктеріме тікелей әсер ететін маңызды қасиеттерім
бар. Бұл жауапкершілік, мақсаттылық, іскерлік, жақсы ниет, өзіне деген талапшылдық,
өзара көмек пен ынтымақтастыққа бейімділік. Мемлекет грантын алу студенттік өмірде
одан әрі табысқа жетуге ынталандыру болып табылады. Мектептегі өмір қайнап жатыр,
мен тек оқу ғана емес, сонымен қатар сабақтан тыс жұмыстарды да ұнатамын, мен
әрқашан мектеп конференцияларында, жиналыстарда, мерекелерде өтетін барлық
іс-шараларға белсене қатысамын. Соңғы күндері грант алуға күш салудамын.
Мемлекеттің грантын алу ғылыми, шығармашылық және білім беру қызметін одан әрі
дамыту үшін ынталандыру болып табылады. Біздің заманымызда қаржылық қолдаусыз
оқу, кәсіби қызметті терең дамыту, жаңа арнайы әдебиеттерді алудан бастап, әртүрлі
өзін-өзі тәрбиелеу курстарына дейін жету мүмкін емес екенін бәрі біледі. Мадақтаудың
бұл түрі ең алдымен оқушының еңбегіне көңіл бөлу, құрметтеу болып табылады.
Бағаланған еңбек - әрқашан жақсы. Университетке түскеннен кейін мен қанша қиын
болса да «өте жақсы» деген бағаға оқуға шешім қабылдадым. Бірақ тамаша оқу
толыққанды студенттік өмірдің шегі емес. Өйткені, сіз өзіңізді көрсетуіңіз керек, әртүрлі
шараларға белсенді қатысуыңыз керек. Сондықтан, мен тамаша оқуды білім
ордасының қоғамдық өміріне қатысумен сәтті ұштастыруға тырысамын. Грант алу
менің жеткен жетістіктерім мен үздіксіз еңбегіме баға береді, артылған сенімге
жауапкершілікті арттырады. Грант ол болашаққа берілген таптырмас мүмкіндік деп
білемін.