Бөлім: Әліппе кезеңі

Педагогтің аты- жөні:

Күні: 07.11.24

Сынып: 1

Қатысушылар саны:8

Қатыспағандар саны:

Сабақтың тақырыбы

К дыбысы және әрпі

Күтілетін нәтиже

1.1.5.2 сөйлеу барысында дауыс ырғағын, екпін, әуен, қарқын, кідірісті сақтау, ойды ым-ишара, қимыл арқылы жеткізу;

1.2.1.2* оқу түрлерін (буындап оқу, тұтас оқу, мәнерлеп оқу, түсініп оқу) қолдану;

1.2.5.1* мұғалімнің қолдауымен мәтіннің, сюжетті суреттің мазмұны бойынша сұрақ қою, сұраққа жауап беру;

1.3.6.1 жазу жолын, жоларалықты, жолдың жоғарғы және төменгі сызықтарын сақтап, әріп элементтерін, әріптердің бір-бірімен байланысын көркем жазу

Сабақ барысы

Сабақтың кезеңі/уақыты

Педагогтің әрекеті

Оқушының әрекеті

Бағалау

Ресурстар

Сабақтың басы (1–7 мин)

(Ұ) Ұйымдастыру кезеңі:

1. Сәлемдесу.

2. Оқушыларды түгендеу.

Психологиялық ахуал орнату.

– Балалар, бір-біріміздің қолымыздан ұстап,

алақан арқылы жүректің жылуын сезініп үйренген қандай тамаша, қандай қуаныш!

Өсемiз бiз күлiп-ойнап, Он саусақтың саласындай. Өсемiз бiз күлiп-ойнап,

Бiр адамның баласындай.

Қолдау

Сабақтың ортасы (30 мин)

Сабақтың күтілетін нәтижесімен таныстыру:

Күтілетін нәтижені мұқият тыңдайды.

Қолдау

– Балалар, сендер бүгін сюжетті сурет бойынша әңгіме құрайсыңдар. Құраған әңгімелеріңнен сөйлемді, сөйлемнен жаңа үйретілетін дыбысы бар сөзді бөліп аласыңдар. Бөлініп алынған сөзге дыбыстық талдау жасайсыңдар. «К» дыбысының айтылу ерекшелігін білесіңдер. Оны дауысты, дауыссызға ажыратасыңдар.

«К к» дыбысының таңбасы – оның әрпімен танысасыңдар. «К к» әрпін көркем жазып үйренесіңдер.

(МК, Ұ) Дыбыстық талдау дағдыларын дамыту жұмысы.

1. Сурет бойынша әңгіме құрау.

2. Әңгімені сөйлемдерге талдау. Сөйлем санын анықтау.

3. Бір сөйлемді сөздерге талдау. Сөйлемдегі сөз санын анықтау.

4. Өтілетін жаңа дыбысы бар «кеме» сөзіне дыбыстық талдау жасау.

5. Сөзді буынға бөліп, жаңа дыбыстың орнын анықтау.

6. «К» дыбысының айтылу ерекшелігімен танысу.

7. «К» дыбысының таңбасы – оның әрпімен танысу.

8. Асықтан «к» әрпін жасау.

1. Оқушылар сюжетті сурет бойынша әңгіме құрайды: «Анау – кеме. Кеме үлкен. Кемемен адамдарды және жүк тасиды».

2. Әңгімені сөйлемдерге талдайды: Құраған әңгімелерің неше сөйлемнен тұрады? (3).

3. Осы сөйлемдердің ішіндегі бір сөйлемді (Анау – кеме) сөздерге талдайды: Бұл сөйлемде 2 сөз бар.

4. Өтілетін жаңа дыбысы бар «кеме» сөзіне дыбыстық талдау жасайды: алдымен «ке-ме» деп буынға бөледі.

5. «ке» бірінші буынындағы «к» дыбысын созып айтып, «к» дыбысын анық естиді.

6. «К» дыбысының айтылу ерекшелігімен танысады.

7. Асықтан «к» әрпінің сұлбасын жасайды.

Қолдауды қажет ететін оқушыларға көмек беру.

Оқушыларға әріпті жасауда қажет болған жағдайда көмек беру.

Суреттер, оқулық Сызба

Асық

(МК, Ұ) Дыбыстық жинақтау дағдысын дамыту жұмысы.

Оқылым.

1. Оқулықтың 56-бетінде берілген сөздер мен мәтінді (мақалды) мұғалімнің оқушылармен бірге буындап, тұтас оқуы.

2. «К» дыбысының сөз алдында, ортасында келетін орнын оқушылардың өздіктерінен табуына мүмкіндік жасау.

3. Сөз мағынасымен жұмысты берілген сөздермен ұйымдастыру. Сөздің соңына (кесе – кезек), сөз ортасына (ескек – екеу), сөз алдына (кеме – керек) тиісті дыбысты қосу арқылы оның мағынасы өзгеретінін түсіну.

4. Сөздікпен жұмыс ұйымдастыру.

5. Мақалды түсініп оқып, беретін мәнін айту.

1. Әр буындағы дыбыстарды тұтастырып, «бір дыбыс» сияқты қосып, яғни дауыссыздан дауыстыға қарай және дауыстымен үндестіріп оқиды.

2. Буындарды жеке тұтас сөздегі айтылуымен оқиды.

3. Әрбір дыбысты естіп, әріпті көріп, өздігінен саналы оқиды.

4. Мұғалімнің көмегімен «Менің алғашқы сөздігім» көмекші құралынан

«ескек», «керік», «кеме», «кешен» сөздерінің түсіндірмесін тауып оқиды.

Қолдауды қажет ететін оқушыларға көмек беру.

Қолпаштау

«Менің алғашқы сөздігім» көмекші құралы

Жұмыс дәптері Оқулық

Жазылым

1. Оқулықтағы «К» әрпінің таңбалануына назар аудару.

2. «К» әрпін тақтаға жазып көрсету.

3. «К» әрпін ауада жазып көрсету.

4. Жазу дәптерімен жұмысты ұйымдастыру.

1. Оқушылар жазу дәптеріндегі тапсырмаларды орындайды: сызықтарды бастырып жазу арқылы «К» әрпінің бас және кіші әрпін жазады. Үлгі бойынша сөздер мен сөйлемдерді жазады.

2. Әр сабақ соңында өз іс-әрекетіне (каллиграфиялық талапқа сай дұрыс және сауатты жазу) кері байланыс жасап, өзін-өзі бағалауы үшін әр беттің соңында берілген дөңгелек-шартты белгілерді бояйды: «жасыл» түс –

«Бәрекелді!», «көк» түс – «Жарайсың!»,

«қызыл» түс – «Ойлан!».

Мақтау

Қолдау көрсету

Сабақтың соңы (7 мин)

Бекіту және саралау

Ребусты шешпес бұрын оқушылардан мойны ең ұзын жануар туралы білетіндерін сұрау.

Саралау тапсырмасымен жұмыс ұйымдастыру:

1-деңгей:

Оқушылар өздеріне берілген саралау тапсырмаларын орындайды.

1-деңгейдегі оқушылар суреттердің және сөздің дыбыстық талдау сызбасы

арқылы жаңа сөзді табады: керік.

Саралау тапсырмалары

Дыбыстық сызбада жасырылған сөзді ребусты шешу арқылы тауып көр.

2. деңгей:

«К» дыбысының «керік» сөзіндегі орнын (ортасында, алдында, соңында) анықта.

2. деңгей:

«Керік» сөзімен сөйлем құра.

«Сөз тану» тыңдау материалымен жұмыс Мұғалімнің мақалдың мағынасын түсінуді QR-пен немесе үнтаспадан тыңдату арқылы ұйымдастыруы. Бүгінгі сабақтың тәрбиелік мәні ашылатындай мазмұнда сұрақтар қойып, жауап алу. Сабақты «Өз елің – алтын бесік» деген қорытынды пікірмен аяқтау.

2. деңгейдегі оқушылар «К» дыбысының

«керік» сөзіндегі орнын (ортасында, алдында, соңында) анықтайды.

2. деңгейдегі оқушылар «керік» сөзімен сөйлем құрайды.

1. Оқушылар «Өз елің – алтын бесік» мақалын тыңдайды.

2. Мақалдың мағынасын өз ойларымен түсіндіруге тырысады.

3. Өз туған елін, жерін сүюге үйренеді.

Оқушыларға қолдау көрсету.

Әліппе. Үнтаспа.

«Атамұра», 2020

Рефлексия

Сабақтың бағалау критерийіне сай

«Табыс баспалдағынан» өз орнын белгілейді және себебін түсіндіреді.

Өзін-өзі бағалайды.

Баспалдақ суреті