Паразитарлық аурулардың алдын алу

  Ішек-құрт ауруы паразитарлық ауруға жатады. Ең көп таралған – домалақ құрттар барлық ішек-құрттағының ішінде көбнесе аскаридалар (ұзындығы 20-25см аскаридоз ауруын шақырады) және острицалар (3-7мм) бұлар энтерибиоздың себебі болып табылады. Ағзаға түскен құрттар сол ағза есебінен өмір сүреді. Ондағы ақуыз, микроэлементтер мен дәрумендер арқылы қоректенеді. Осының салдарынан ағзада зат алмасу жұмысы бұзылып дәрумендер тапшылығы болып қан аздыққа алып келеді. Құрттардың негізгі қауіптілігі олар аллергия шақырып, иммунитетті төмендетеді.

       Ішек-құрт аурулары әсіресе өсіп келе жатқан бала ағзасында психикалық және физикалық бұзылуға әкеледі. Бойдың өсіуі төмендейді, есте сақтау қабілетін төмендетеді. Ішек-құрттары ішекте мекендеп, дәрумендерді сіңіру қызметін бұзады. Aдам ағзасында олардың жұмыртқаларының лас су, кір қолдар, лас ыдыс және тұрмыстық заттар арқылы түсуі нәтижесінде пайда болады.

Ішек құрт ауруының басты белгілері

• Баланың асқа тәбеті болмайды. Алайда бала тәттіқұмар болып, таңертең ауыз қуысынан жағымсыз иіс шығады және жүрегі айниды. 
• Бала үнемі құйрықтың төмен тартып ауырғанынан, қышитынынан мазасызданады. Мұндай келеңсіздіктер өзі пайда болып, бірден өзі басылады. 
• Көзінің асты қарайып, әлсіздік пайда болады. Ішек құрттар баланың орталық жүйке жүйесіне кері әсер тигізетіндіктен, үнемі мазасызданып, түнгі ұйқысы тынышсызданады. 
• Балаға суық тимесе де, түнімен жөтеліп шығады.

Ауруды анықтау және емдеу

Ішек құрттарды көзбен көру мүмкін емес. Оны тек анализ тапсырып қана анықтауға болады. Себебі олардан ағзаны тазарту үшін қандай түрімен күресу керегін білу қажет. 

Копрограмма. Бұл тәсіл қалыпты, алайда тиімсіз. Тек нәтижесі анық боу үшін зәр, нәжіс, қан тапсырып, анализдерін анақтаған дұрыс. Мұндай анализдерді педиатр-дәрігерлер 3 рет жасатады. 

Қан анализі. Жалпы анализге қан талдауы (аш қарынға тапсырылады) ішек құрттардың іште бар екенін көрсетеді. Ең бірінші орында эозинофилдер санына қарайды. Егер де осы көрсеткіш дұрыс шықпай, гемоглобиннің түсіп кетуі қосылса, онда тез арада ем қабылдау керек.

         Гельминтоздардың алдын алуда жеке бас гигиенасын сақтау, әсіресе балалардың сақтауы үлкен роль атқаратынын да естен шығармаған дұрыс.

Аурудың алдын қалай алуға болады?

- Жеке гигиена ережелерін сақтау: серуендеуден, дәретханадан кейін, тамақ алдында және т. б. қолды мұқият жуу
-Жеміс  жидектерді мұқият жуу, қайнатылмаған су ішпеу;

-Рұқсат етілген сауда орындарында ет және ет өнімдерін сатып алуды жүзеге асыру.

-Балық пен етті мұқият қуыру.

-Балаңыздың тырнағын тістелемеуін және жерден немесе еденнен алған заттарды аузына салмауын қадағалаңыз.

-Төсеніштерді, ішкі киімдерді уақытылы ауыстыру, өтекпен басу;

- Yйде жиі ылғалды тазалау жүргізу.

Аурудың көрсетілген белгілері пайда болған кезде, уақытында медициналық көмекке жүгіну қажет.