Артикуляциялық жаттығу №1.

«Сағат»

Жаттығуды сипаттау: жымиямыз, ауызды ашамыз. Жіңішке тілді кезекпен оң және сол езуге жеткізе қозғалтамыз.

Тіл өзін сәндеп болған соң, үйге қайтатын уақыт болды ма екен, сағатқа қарады.Кане біздің сағаттарымыз қалай жұмыс істеп тұр екен.

А ртикуляциялық жаттығу №2.

«Футбол»

1.Тіл далаға шықса балалар футбол ойнап жатыр екен, ол да ойнағысы келіп кетті. Біз де балалармен бірге футбол ойнаық.

Жаттығуды сипаттау: ауыз жабық, тілді қатты ұстап ұрттың іш жағынан тілді біресе оң ұртқа, біресе сол ұртқа тіреп допша жүгірту.

2.балалар ойнап болған соң, допты кім алысқа ұшырады, деп жарысқа көшті.

Жаттығуды сипаттау: ерінді түтікшеге қылып алдыға соз да, мақтаға үреміз. Ауаны мұрын арқылы жұтып, ауыз арқылы шығарамыз. Ұртың томпайып, үріліп кетпесін қадағалап отыр.

Артикуляциялық жаттығу №3.

«Әткеншек»

Тіл футбол ойнап болған соң, әткеншек тепкісі келді: «төмен-жоғары» Тілмен әткеншек тепкен көңілді ме?

Жаттығуды сипаттау: Жымиямыз, ауылды кең ашамыз «бір»-дегенде тілді төменгі тістің артына түсіреміз, «екі»-дегенде тілді жоғарғы тістің артына көтереміз. 4-5 рет қайталаймыз.

Артикуляциялық жаттығу №4.

«Қамыр илейміз»

Тіл үйіне келсе, үйде тәтті иіс шығып жатты: сөйтсе анасы үйде бәліш пісіріп жатыр екен. Тіл анасына көмектесуге кірісті. Біз де тілге көмектесейік. Жаттығуды сипаттау:Жымиямыз, ауызды ашамыз да, тілді тісімізбен тістеп-та-та-та... –дейміз, енді тілімізді ерінмен екі жағынан ұрғылаймыз-пя-пя-пя; тілді тістеп тұрып, тілді сыртқа шығарып, ішке кіргіземіз.

Артикуляциялық жаттығу №5.

«Құймақ»

Тіл анасына құймақдайындауға көмектесті. Кәнекей, Тілдің құймағының қандай болғанын көрсетейік.

Жаттығуды сипаттау: жымиямыз,ауызды ашамыз, жалпақ тілді төменгі ерінге қойып, ұстап тұрамыз.

Артикуляциялық жаттығу №6.

«Тәтті тосап»

Анам екеуміз құймақты қаймақпен және тәтті тосаппен жедік, тосап еріндерімізге жұғып қалды, кәне, ерніміздегі тосапты тілімізбен жалайық. Жаттығуды сипаттау: жымиямыз,ауызды ашамыз, жоғарғы ернімізді, сосын төменгі ернімізді, сосын айналдыра жалаймыз. 4-5 рет қайталаймыз.

Артикуляциялық жаттығу №7.

«Кесе»

Тіл тосаппен құймақты жеп болған соң, шай ішуге кірісті. Тілдің кесесі қандай әдемі! Қане, тілдің кесесін көрсетейік.

Жаттығуды сипаттау: жымиямыз,ауызды ашамыз, тілді сыртқа шығарып, мұрынға қарай көтереміз, шайымыз төгіліп қалмас үшін тілдің бүйірлерін де көтереміз.

Артикуляциялық жаттығу №8.

«Тісімізді тазалаймыз»

Әдемі кеседен шай ішіп болған соң, Тіл тісін тазалауға кірісті.

Жаттығуды сипаттау: жымиямыз,ауызды ашамыз, тілдің ұшымен төменгі тістің іш жағынан тазалаймыз (оңға, солға) 7-8 рет. тілдің ұшымен жоғарғы тістің іш жағынан тазалаймыз (оңға, солға) 7-8 рет.

Артикуляциялық жаттығу №9.

Саңырауқұлақ

Тіл келе жатып, ағаштың түбінде өсіп тұрған саңырауқұлақты көрді. Кәне, қандай саңырауқұлақты көргенін көрсетейік.

Жаттығуды сипаттау:жымиямыз, ауызды кең ашамыз, тілді таңдайға жапсырамыз.

Артикуляциялық жаттығу №10.

«Кесе»

Тіл тосаппен құймақты жеп болған соң, шай ішуге кірісті. Тілдің кесесі қандай әдемі! Қане, тілдің кесесін көрсетейік.

Жаттығуды сипаттау: жымиямыз,ауызды ашамыз, тілді сыртқа шығарып, мұрынға қарай көтереміз, шайымыз төгіліп қалмас үшін тілдің бүйірлерін де көтереміз.