«Кім білгір, кім жылдам, кім алғыр» интеллектуалдық білім сайысы 8 сынып

Сабақтың тақырыбы: «Кім білгір, кім жылдам, кім алғыр» сайысы

Сабақтың мақсаты: 1) Білімділігі: Математикалық білім қабілеттерін , алған білімдерін пысықтау; 2) Дамытушылығы: Мақал-мәтелдер, ребустар, қызықты логикалық есептер шешу арқылы оқушылардың логикалық ойлау қабілеттерін дамыту, математика пәніне деген қызығушылықтарын арттыру; 3) Тәрбиелілігі: Оқушыларды ұйымшылдыққа, шапшаңдыққа, ептілікке тәрбиелеу.

Сабақтың түрі: Танымдылық ойын сайыс сабақ

Сабақтың әдісі: сұрақ-жауап, топтық жұмыс.

Көрнекілігі: Қанатты сөздер, ребустар, сөзжұмбақтар;

Сабақтың жоспары: Ұйымдастыру кезеңі: Сәлемдесу, топтармен таныстыру, әділқазы алқасымен таныстыру, ойын шарттарымен таныстыру, қорытындылау.

Сабақтың барысы: І. Сәлемдесу.

ІІ. Бәйге кезеңі.

ІІІ. Мақал-мәтелдер сайысы.

ІV. «Миға шабуыл» сөзжұмбақты шешу.

V. «Бақытты кезең» сайысы.

І. Сәлемдесу. «Планиметрия» тобы:

Ұраны: Жарыс десе жанамыз, бүгінгі жарыста алғырлықпен аламыз.

«Стереометрия» тобы:

Ұраны: Қандай сынақ болсадағы беріспе, әрқашанда үміткерміз жеңіске.

ІІ. Бәйге кезеңі. Бұл кезеңде әр топқа 10 сұрақтан қойылады. 2 минут уақыт беріледі. Әр сұраққа дұрыс берілген жауап 1 ұпаймен есептеледі.

«Планиметрия» тобы:

1. Планиметрия терминінің мағынасы (жазықтықты өлшеу)

2. 100 жылдың басқа атауы (1 ғасыр)

3. Натурал санның мағынасы («табиғи сан»)

4. Ноль сөзінің аудармасы ( лат. Мисса-ешқандай,ештеңе емес)

5. Ең кіші үш таңбалы сан (100)

6. Трапецияның орта сызығы неге тең (табандарының қосындысының жартысына тең)

7. 5 санына кері сан (1/5)

8. Барлық қабырғалары тең параллеограмм (ромб)

9. Ежелгі грек ойшылы, ғұлама математик ( Пифагор)

10. Рационал сандар жиынын нелер құрайды? (бүтін сандар, оң ж/е теріс бөлшектер)

«Стереометрия» тобы:

1. Геометрия терминінің мағынасы (грек-«жер»,өлшеу)

2. Шеңбердің кез келген екі нүктесін қосатын кесінді (хорда)

3. Сыбайлас бұрыштардың қосындысы (180 ⁰ )

4. Ең алғашқы әйел математик ( С.Ковалевская)

5. Тең қабырғалы үшбұрыштың бұрыштары неше градустан (60⁰ )

6. Ең үлкен үш таңбалы сан (999)

7. Квадраттың функциясының графигі (парабола)

8. Тек қарама-қарсы екі қабырғасы параллель болатын төртбұрыш (трапеция)

9. Вектор деген не?(бағытталған кесінді)

10. Қандай сандар иррационал сандар деп аталады? ( шектеусіз периодсыз ондық бөлшектер)

ІІІ. Мақал-мәтелдер сайысы. Мақал-мәтелдің бір бөлігін бастап, екінші бөлігін оқушылар жалғастырады. Әр топқа 9 мақал-мәтел оқылады. Дұрыс берілген жауап 1 ұпаймен есептелінеді.

«Планиметрия» тобы:

1. Бір түйір дәнде, бәр тамшы тер бар.

2. Алтау ала болса, ауыздағы кетеді,

Төртеу түгел болса, төбедегі келеді.

3. Екі жақсы қос болмас, екі жаман дос болмас.

4. Бес бармақ жиылса, жұдырық болады.

5. Алдыңа бір қарасаң, артыңа он қара.

6. Досыңның мың болғанына мақтан, дұшпаның жалғыз болсада сақтан.

7. Алты аға бірігіп әке болмас, жеті жеңге бірігіп ана болмас.

8. Дос егіз болса, дұшпан сегіз.

9. Досыңды үш күн сынама, үш жыл сына.

«Стереометрия» тобы:

1. Бермегенге бесеу де көп, алғанға он болса да аз.

2. Ер бір рет өледі, қорқақ мың рет өледі.

3. Қырық кісі бір жақ, қыңыр кісі бір жақ.

4. Жалқаудың екі досы бар: бірі-ұйқы, бірі-күлкі.

5. Бір кісі қазған құдықтан, мың кісі су ішеді.

6. Білгенің бір тоғыз, білмегенің тоқсан тоғыз.

7. Екі құзғын таласса, бір қарғаға жем болар.

8. Жеті рет өлшеп, бір рет кес.

9. Жігітке жеті өнер де аз.

ІV. «Миға шабуыл» сөзжұмбақты шешу.

1. Барлық бұрыштары тең болатын параллелограмм.

2. Барлық қабырғалары тең параллелограмм.

3. Бұрыштың төбесінен шығып, оны қақ бөлетін сәуле.

4. Қарама-қарсы төбелерді қосатын кесінді.

5. Үшбұрыштың биіктіктерінің қиылысу нүктесі.

6. Үшбұрыштың төбесін сол төбеге қарсы жатқан қабырғаның ортасымен қосатын кесінді.

7. Дәлелдеусіз қабылданатын сөйлем.

8. Ақиқаттығы дәлелденетін сөйлем.

9. Тік бұрышты үшбұрыштың тік бұрышына қарсы жатқан қабырғасы.

10. Тік бұрышты үшбұрыштың тік бұрыш жасап тұрған қабырғалары.

11. Барлық қабырғалары тең тіктөртбұрыш .

12. Төртбұрыштың барлық қабырғаларының қосындысы.

13. Екі қабырғасы ғана параллель болатын төртбұрыш.

V. «Бақытты кезең» сайысы. Бұл кезеңде әр топқа математикалық терминдер беріледі. Оқушылар «П» әрпінен және «С» әрпінен басталатын математикалық терминдер атауын жазады.

«Планиметрия» тобы:

1. Геометрияның жазықтықтағы фигураларды зерттейтін бөлігі

( планиметрия)

2. Жазықтықтағы қиылыспайтын екі түзу (параллель)

3. Санның жүзден бір бөлігі (процент)

4. Фигураның барлық қабырғаларының қосындысы (периметр)

5. Қосу амалын өрнектейтін белгі (плюс)

6. Көпжақтың түрі ( пирамида)

«Стереометрия» тобы:

1. Бұрыштың шамасына байланысты түрі ( сүйір)

2. Қандай бұрыштардың қосындысы 180 ⁰ –қа тең?(сыбайлас)

3. Шектелген кесінді (сәуле)

4. N, Z, R,Q жиындары- бір сөзбен қалай аталады?( сандар жиыны)

5. Тәуліктің 1/24 бөлігі (сағат)

6. у= ах+в қандай функция? (сызықтық)

Қорытындылау. Сайыс соңында оқушыларға ребустар шешу ұсынылады. Нәтижесінде ұлы ғұламалардың қанатты сөздері шығады.

І топқа: «Математика барлық ғылымдардың патшасы».

ІІ топқа: «Ақыл-ойды тәртіпке келтіретін математика».

Әділқазы мүшелері ұпай сандарын есептеп, сайыс соңын қорытындылайды. Сайыс жеңімпаздары мен қатысушылары марапатталады.