Кітап - рухан қазына

Кітап – рухани қазына

Кітап адамзат баласының рухани кемелденуіндегі баға жетпес байлығы. Білімнің биік белесіне шығаратын құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Д. Қонаев «Рухани жетілудің «техникаланған»түрлі амалдары болса да, біз ақылды кітаптан артық дүние әлі ойлап таппадық ау» деп кітаптың маңызы туралы ерекше айтқан екен. Қазақта қара сөздің зергері, ақын Абай Құнанбаев атамыздың жас кезінен қаладан ауылға қатынаған адамдардан кітап алып оқуды әдетке айналдырғанын да көп жазбалардан білеміз. Абайдың оқыған кітаптары арасында батыс, шығыстың ең озық әдебиеттері де болған. Кітаппен дос болғаны соншалық, оның бүкіл пәлсапалық еңбектері Ислами дүниетанымға негізделгенінен де хабардармыз. Шәкәрім Құдайбердіұлы да Стамбул кітапханаларына барып, кітап іздеп шарқ ұрған. Шәкәрімнің халық танитын, құрмет тұтатын дәрежеге жеткені де – кітаппен дос болғандығында. Мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес  БҒМ «Оқуға құштар мектеп» жобасын бекіткен болатын. Осы жобаға үлес қосу мақсатында сынып білім алушыларына каникул күндерін тиімді өткізу үшін бір кітап оқу тапсырмасы берілді. Білім алушылар каникул күндерінде кітаптарын таңдап оқып бастады. Оқылған кітаптарды талдау мақсатында сынып білім алушыларымен «Кітап – рухани қазына» тақырыбында сынып сағаты өткізілді. Сынып сағатында білім алушылар өздерінің оқыған кітаптары бойынша бейнежазба, таныстырылымдарын ұсынды. Таныстырылымда «Автор нені айтқысы келді?», «Оның баяндау мәнері қандай?», «Қай тұстарын көңілге тоқуға болады?», «Мен бұл кітаптан не түйдім?» сұрақтарына жауап берілді. Сонымен қатар мектеп кітапханашысы Ж. Акбаева кітап көрмесін ұйымдастырып, мектеп кітапханасының кітаптар қоры, білім алушыларға оқитын кітаптары туралы мәліметтер берді. Сынып сағаты соңында білім алушылардан, қатысушылардан кері байланыс алынып, осы жобаны дамытудың келесі қадамдары жоспарланды. «Білім таусылмайтын байлық» ал осы байлыққа жеткізетін құрал ол кітап. Қазіргі кезде жасөспірімдердің кітап оқуға құлшынысы аз десек, осындай іс-шаралардың олардың кітап оқуға құштарлығын арттыратын сөзсіз.

7 а сынып жетекшісі А. Курманбаева