№8-зертханалық жұмыс
Байланыстың қанықпағандығына сапалық реакция

Реактивтер : этил спирті, концентрлі күкірт қышқылы, бром суы, калий перманганаты.

Химиялық ыдыстар мен зертханалық құрал - жабдықтар: сынауықтар, тұрғы, ұстатқыш, спиртшам, газ жүретін түтік, тығын.

Жұмыс барысы

Қауіпсіздік техникасы. Қыздырғыш құралдармен, қышқылдармен және сілтілермен жұмыс істеу ережесін сақтау.

1. Сынауыққа 1 мл этил спиртін құйып, 6-9 мл концентрлі күкірт қышқылын сақтықпен қосыңдар. Қоспаны қыздырғанда біркелкі қайнауы үшін қоспа құйылған сынауыққа алдын ала қыздырылған құмнан аздап салыңдар. Сынауықты газ жүретін түтігі бар тығынмен жауып, оны тұрғыға бекітіңдер және сынауықты абайлап қыздырыңдар. Не байқадыңдар?

2. Басқа сынауыққа 2-3 мл бром суын құйып, газ жүретін түтіктің ұшын сынауықтың түбіне дейін жеткізіп салыңдар. Бөлінген газды бром суы арқылы өткізіңдер. Не байқалды?

3. Үшінші сынауыққа 2-3 мл күкірт қышқылымен қышқылданған калий перманганатының сұйылтылған ерітіндісін құйыңдар. Бөлінген газды осы сұйықтық арқылы өткізіңдер. Не байқадыңдар?

4. Бөлінген газды жағыңдар. Этилен қандай жалынмен жанады? Неліктен?

Жасалған 1-4 тәжірибелердің реакция теңдеулерін жазыңдар.