Кітапханаға саяхат

/1 сынып оқушыларына арналған кітапханаға экскурсия/

Мақсаты: Оқушыларды кітапханамен таныстыру. Білімнің кітап арқылы берілетіндігін ұғындыру. Оқушылардың кітапқа деген қызығушылықтарын арттыру, оны күтіп ұстауға үйрету.

Дайындық кезеңі: Балаларға арналған кітаптарды стеллаждарға алфавит бойынша орналастыру (әріптерді түрлі-түсті, анық көрсету). Каталогтық жәшіктерді балалардың қолы жететін жерге орналастыру, қалың-жұқа, суретті-суретсіз, жануарлардың және табиғаттың суреттері бейнеленген кітаптарды таңдап алу, «Ертегілер әлемі» атты кітап көрмесін ұйымдастыру.

Кітапханашы: Сәлеметсіңдерме оқушылар! Мен сендерді қызықты саяхатқа шақыру үшін келдім.

Кітапханашы: Ал мен сендерді одан да қызықты, сендер әлі бармаған жерге саяхатқа шақырамын. Ол қай жер деп ойлайсыңдар? Мүмкін біреулерің білетін шығарсыңдар?

Оқушылар: Кітапхана.

Кітапханашы: Балалар кім біледі кітапхана деген не және ол не үшін керек?

Оқушылар: Кітапханада әртүрлі кітаптар, журналдар сақталады. Оларды алып қарауға және оқуға болады.

Кітапханашы:Балалар кітапхана деген не екенін есімізге түсірейікші. «Кітапхана» деген сөз «кітап» және «хана» деген екі сөздің қосындысынан тұрады, яғни кітап сақтаушы орын дегенді білдіреді.

1. Қабат-қабат қаптама,

Ақылың болса аттама.

/кітап/

2. Дос қылатын өзіңді,

Тосын-тосын әріпке.

Суреттері көзіңді,

Табындырар...

/әліппе/

3. Жылжытады алға бізді,

Жылжымайды бірақ өзі.

/сынып/

4. Бойлаған сайын тереңге,

Шығарсың биік белеңге.

/білім/

5. Жаны жоқ болса да,
Ақылды адам ісін істейді.
/Кітап/

6. Сандығым бар өзгеше,

Қолыма алып жүремін.

Ішін ашып ақтарып,

Өмір сырын білемін.

/Кітап/

7. Сай бойында сары алтын.
/Білім/

8. Теңіздей түбі терең,
Сүңгіген жетер әрең.

/Білім/

9. Ақыл-ойдың шырағы,

Зәулiм көктей шынары.

Биiгiне бойлаған,

Қанбайды адам құмары.

 (Бiлiм)

(Кітапханашы: Кімнің үйінде көп кітап бар? Кімде кітап сөрелері немесе кітап шкафтары бар? Кімде жеке кітап бөлмесі бар? Біздің кітапханамызда кітаптар ашық стеллаждарда орналасқан. Балалар біздің кітапханамызда қанша кітап бар деп ойлайсыңдар. (Балалардың жауабы).

Кітапханашы: Біздің кітапханамызда 23 мыңнан астам кітап бар. Сонда, қандай үлкен кітапханалар бар екенін көресіңдер. Онда мұнан да көп кітап бар. (Кітапханашы әртүрлі кітаптарды көрсетеді).

Қазір мен сендерге бір құпияның сырын ашамын. Кітапханадағы әрбір кітаптың өз құжаты болады.

Кітапханашы: Балалар ойлап қараңдаршы егер біздің кітап сөрелеріміз бос болса қалай болар еді? Біз кітаптарды әкелдік және бізге оларды орналастыру керек. Біз оны қалай істейміз? Кәне ойлаңдар кітаптар қандай болады?

Кітапханашы: Жарайсыңдар! Ал енді кітапхананың қолдану ережесімен танысайық:

• Кітапхана оқырмандарға уақытша қолдануға кітаптарды беруге міндетті;

• Кітапхананы оқушылар мен мектеп қызметкерлері қолдануға құқықты;

• Кітапхананы қолдану тегін;

• Кітаптарды үйге алып оқуға болады, ал оқырман залындағы әдебиеттер үйге берілмейді.

• Энциклопедиалар, сөздіктер, анықтамалар тек оқырман залында беріледі;

• Әр оқырманға жеке оқу формуляры беріледі;

• Оқырман формуляры кітаптарды қашан және қай мерзімде қайтару туралы жазылатын құжат ретінде сақталады;

• Оқырман кітапхана кітаптарын жоғалқан немесе жыртқан кезде олардың ақысын немесе дәл сондай кітап беруге тиіс;

• Үйге берілген оқулықтар шектеулі уақыт арасында қайтарылуы керек.

Оқырмандар міндетті:

• Кітапхананы қолдану ережесін сақтауға;

• Кітапханадан алған әдебиеттерді берілген мерзімде қайтаруға;

• Кітапханадан кітапханашының рұқсатынсыз кітап алып кетпеуге;

• Кітаптарды бүлдірмеуге, оларға жазбауға, беттерін жыртпауға;

• Кітапханаға үлкен портфельмен, сөмкемен, сырт киіммен және тамақпен кірмеуге.

Кітап қоғамдық меншік. Ол көп жылдар бойы қызмет ету керек. Сондықтан:

• Кітапты ұқыпты ұста.

• Кітап таза, әрі тысқалған болуы тиіс.

• Кітапты таза қолмен оқы.

• Тамақ ішіп отырып кітап оқыма.

• Кітаптың беттерін бүктеме.

• Кітаптың ортасына қалам, қарандаш, дәптер салма.

• Жыртылған кітаптыыыыы желімде.

• Кітапқа жазулар жазба.

• Кітапты шкафта немесе сөреде сақта.

• Алған кітапты уақытында тапсыр.

Кітапханашы: Балалар көрмеге қараңдаршы (кітапханашы балаларға арналған көрмені көрсетеді). Қалай ойлайсыңдар бұл көрме кімдерге арналған?

(Балалардың жауабы)

Кітапханашы: Қандай ақылды баласыңдар! Кітапханаға бірінші келіп тұрсыңдар, ал кітапты тез тауып алдыңдар. Сендер кітапханаға әлі көп келесіңдер. Егер кітап керек болса сендерге кітапхананың есігі әрдайым ашық. Сау болыңдар балалар!