Қарақия ауданы бойынша білім бөлімінің

«ҚҰРЫҚ БАЛАЛАР ӨНЕР МЕКТЕБІ» ЖБҚ МКҚК

Ашық сабақ

Тақырыбы: «Классикалық Battement tendu»

Орындаған: Хореография мамандығының

мұғалімі Жақсылық А.Б.

Құрық 2022

Бекітемін:

Директордың оқу ісі

жөніндегі орынбасары

___________А.А.Тоқбаева

«__»___________2022 жыл

Пәннің аты: хореография

Сынып: 2 сынып

Оқытушы: Жақсылық А.Б.

Сабақтың күні:15.11

Тақырып: «Классикалық Battement tendu»

Мақсаты:

• Білімділік: оқушыларға бидің негізі классика екенін түсіндіріп, дәріптеу. Қимылдарды классикалық қалыптармен, ережелермен үйрету.

• Тәрбиелік: музыкаларды тыңдау арқылы, классикалық билерге қызығушылығын арттырып, өнерге тәрбиелеу.

• Дамытушылық: би өнеріне деген жаңа қабілетін ашу, жан-жақты дамуына ықпал ету. Өткен экзерсис қимылдарының тура орындалуына қол жеткізу және жаңа элементті теориалық әдіс-тәсілмен нақты үйрену.

Сабақ түрі: жаңа сабақ.

Сабақтың әдіс-тәсілдері: түсіндіру, әңгімелеу, көрсету, сұрақ-жауап.

Пайдаланған әдебиеттер:

1) “Основы классическова танца” Ваганова А.Я

2) Balletida.ru

Жоспар:

1.Ұйымдастыру кезеңі (10 мин)

2.Үй тапсырмасын тексеру (10 мин)

3.Жаңа тақырып (17 мин)

4.Қорытынды (3 мин)

Сабақтың жүру барысы:

1. Ұйымдастыру кезеңі: би формасы, шаштың жинақылығы, оқушының назарын сабаққа аудару, дене қыздыру жаттығулары.

2.Үй тапсырмасын тексеру: Станок жанында экзерсиз.

3. Жаңа сабақ:

Battement tendu – керіп, созылған қозғалыстар-аяқтың түгел тартылып, созылуын жаттықтырады; тізеде, аяқ алқымында және башпайларды, аяқтардың күшін дамытады.

Battement tendu шетке қарай. Музыкалық өлшем-4/4. Бастапқы қалып – станокқа қарай тұрған сәттегі аяқтардың I позициясы. «Бір және екі және» дегенде жұмыс істеп тұрған аяқ өкшені алға қарап шығарып, еденде табанмен II позицияға сырғып, еденнен біртіндеп өкшесін көтеріп, аяқтың ұшымен сырғи отырып, шеткі нүктеге жетеді және аяқтың толық созылып, тартылуына қол жеткізеді (тірек аяғының жағдайы сол күйінде қалады, дене салмағы тірек аяғына түседі, иықтар мен сандардың бірдейлігі сақталады). Екінші екі ширекке – «үш және төрт және» сөздерінде жағдай бекітіледі. Екінші тактінің «бір және екі және» деген сөздерінде жұмыс істеп тұрған аяқ сырғыған қозғалыспен I позицияға қайта оралады, сөйтіп, келесі екі ширек бойында жағдайды бекітіп отырады.

Даярлық тобында қозғалысты I позицияда жай жылдамдықпен үйреніп, орындауды ұсынады. 4/4 мөлшерінде әуелі екі такт, содан кейін қозғалысқа бір такт орындалады. Battement tenduді меңгергеннен кейін оны 2/4 мөлшерінде ширектер бойынша бір қалыпты орындап отырған жөн. Қозғалысты алға қарай өкше бастайды, артқа қарай аяқтың ұшы. Battement tenduді оқытудың барлық сатыларында неғұрлым күрделі комбинацияларды үйреніп, бекітеді. Осы қозғалыстағы жаттыққан дағдыларды бекіту тек классикалық билерде ғана емес, халықтық-сахналық би қозғалыстарында да көрініс табады. Battement tenduдің комбинациялары әртүрлі. Әрбір педагог оқу бағдарламаларын балалардың жас ерекшеліктерін, олардың үлгерімдерін есепке ала отырып, бұл қозғалыстарға нұсқалар енгізуі мүмкін. Басында battement tendu біржаттығудағы бір қалыпта сегіз қозғалыспен үйретіледі. Содан кейін бағыттарды алғы жаққа, артқы жаққа «айқыштап» үйлестіріп жасайды. Оқу жылының соңында балалар қозғалыстарды ширектер бойынша жиі жылдамдықпен орындай алады

1) алға 2) жанына 3) артқа

4. Сабақты бекіту:

Сабақты бекіту сұрақтары:

1) Үйренген классикалық жаттығуымыз қалай аталады?

2) Аяғымыз қандай қалыпта болуы керек?

5. Үйге тапсырма:

1) Станок жанындағы экзерсизді қайталау.

6. Бағалау.