Денсаулық – зор байлық.

Э.К.Джабыкбаева

Тараз қаласы,

№54 орта мектептің

шағын орталық тәрбиешісі.

Көңіл – күйдің де денсаулыққа әсері зор.

«Бірінші байлық – денсаулық» дейді

халқымыз. Адамның мінезі мен сан

рет құбылған көңіл-күйі де адамзат

денсаулығына әсер етеді екен.

Ғалымдардың зерттеуі бойынша жаман, көңілге кірбің түсіретін ойлар – мидың оң жақ жарты шарының маңдайалды бөлігін белсенді жұмыс істеткізеді, ал көңілге жағатын жақсы ойлар – сол жақ жарты шары маңдайалды бөлігінің бенсендлігін арттырады. Ақыры ағзадағы бұл реакциялар адамның иммундық жүйесіне әсер етеді. Адам бойындағы реніш, ашу қандай да бір ауру тудыруы мүмкін. Ренжулі адам өзін кім ренжіткенін есте сақтап, соны қайта-қайта есіне түсіруі қуатының әлсіреуіне әкелмек.сол себепті де ренішті бойында көпке дейін сақтайтын кекшіл жандар жиі ауырып, аз ғұмыр кешетін көрінеді. Қатыгездеу жандардың, әсіресе бауыры ауырады екен. Егер сіз реңішіңізді ішіңізде сақтай берсеңіз, ол өзінен-өзі жоғалып кетпейді, қайта үдей түседі. Сондықтан да адам, қуана білуі керек және бойындағы жақсы ойын дамыта түсуі қажет. Өйткені, жақсы ойын дамыта қуанышты сәттерге жетелейді.

«Өз тілім – өз жауым, демекші, кейде қалжыңдап айтылса да аузымыздан шыққан сөзге аса мән бермей жатамыз. Ал сол жеке өмірімізге, денсаулығымызға әсер етуі мүмкін. Өмірде оған дәлел болар жайттар да бар. Бірде, ащы суға үйір күйеуіне ыза болған әйелі ашумен «көргім келмейді осыны» деп бірнеше мәрте айтқан екен. Ақыры бірер жылдан кейін әлгі әйел көру қабілетінен айырылған.

Денсаулыққа жағымсыз ойлар мен аңдамай айтылған сөзден басқа үрей де әсер етеді. Сондай-ақ себепсіз уайымға салынып, өзіне сенімсіздік таңытқан адам гастритке шалдығатын көрінеді.

Адам бойындағы оптимизм қатерлі дерт пен өлім қаупін төмендетеді. Олар пессимист адамға қарағанда ауруынан тез айығады. Белсенді көңіл күй адам ғұмырын ұзартумен қатар, өзінің ауруға қарсылық қуатын күшейтеді екен.

Ғалымдардың зертеуінше адам жыл бойы жабырқап, торығып, күйзелісте жүретін болса, онда қан құрамындағы холестерин шамасы артады және адам тәнінің ауырсынуы түйсігі ұлғаяды.

Ғалымдардың тағы бір дерегі бойынша, егер адам өзінде бардың бәріне разы болса, мәселен, жанашыр жұбайының белгілі бір табысқа жеткеніне, тіпті өзінің тірі жүргеніне разы сезімде жүрсе, мұндай сезім иммунитеттік қуатты арттырып, қан қысымын төмендетіп, тұтас тәннің қалпына келу қарқынын тездетеді екен. Ендеше жүзіміз жарқырап, шаттықта ғұмыр кешейік.