Көңілді жаңа жыл

Жаңа жылдық ертеңгілік құрылымы

Балалар музыка әуенімен залға кіреді.

Жүргізуші:

Бүгін сізге жырдан алқа тағайын,
Шат күлкіге толы болсын маңайың.
Көргендер де көрмегенде арманда.
Жаңа жылың құтты болсын ағайын.

Ән: «Біз көңілді баламыз»

(Орындарына отырады)

Жүргізуші:Шыршаға таянып,сылдырмақты тауып алады.Балалар, қараңдаршы!Қандай әдемі сылдырмақ.Қане, сылдырлатып көрейік.

Музыка ырғағымен Қоян секіріп кіреді.

Қоян:
Ау, жарандар, қараңдар
Қар жауып тұр себелеп.
Көкке толды, жерге қонды
Сансыз аппақ көбелек.
Тым алыстан, Марстан
Келіп Аяз атамыз
Жылды тойлап,
Билеп-ойнап,
Көп қызыққа батамыз!

Сәлеметсіңдер ме балалар!Армысыздар қонақтар!Жаңа жыл мерекесі құтты болсын!Мен де сендермен бірге жаңа жылдық мерекені тойласам бола ма?

Жүргізуші:Әрине Қоянжан, бізбен бірге көңіл көтер.

Қоян:Иә, бірақ мен жалғыз келген жоқпын.Өзімнің достарымды да бірге ала келдім.Қане достарым, бидің сәнін келтірейік.

«Қояндар биі»

Жүргізуші:Балалар, ал енді біздің мерекемізге кімдер жетіспейді?Әрине, Аяз ата мен Ақшақар.

Жүргізуші сылдырмақпен сылдырлатады.

Қане, оларды шақырайық!

Музыка әуенімен Аяз ата мен Ақша қар келеді

Аяз ата: Амансың ба, ұлдарым!

Амансың ба, қыздарым!

Қандай жарқын жүздерің!

Қандай әсем жырларың!

Асулармен алысқан,

Асау жылмен жарысқан.

Аталарың сендерге

Шаршап келдім алыстан.

Жүргізуші:Аяз ата, олай болса демалып, біздің балаларымыздың тақпақтарын тыңдаңыз.

Ақшақар: - Аяз ата, балалардың әсем шырша шамдарын жағайықшы.

Ол үшін шыршаға үрлейік.(Үрлегенде – шамдары сөнеді) Қолымызбен шапалақтайық (Шамдары жанады) Ойын 2 рет қайталанады.

Шырша шамы жағылады

Жүргізуші:Бәрекелді,тамаша!Рахмет сіздерге!Аяз ата, ал біздің балаларымыздың өзіңізге арнаған әсем әндері бар.Соны бірге шырқайық.

Ән: «Аяз ата»

Ақша қар:Қане Ақшақарлар, шыр айналып би билейік.

«Ақшақарлар биі»

Аяз ата:Қандай тамаша ән, қандай тамаша би!жарайсыңдар балалар!Ал енді бәріміз бірге қызықты ойын ойнайық.

Жүргізуші: Қане, балаларАяз атамен бірге қар атысу ойынын ойнайық

Ойын: «Қармен атысу»

Жүргізуші:

Балалардың биші аяғы

Би дегенде тұра алмас

Алдарыңда би билесе

Қандай адам қуанбас.

Аяз Ата! Енді біздің балаларымыздың жұппен биін қабыл алыңыз!

«Жұппен би»

Жүргізуші:Аяз ата!Біздің балаларымыз бүгін тақпақ та айтты, би де билеп, ән салды.

Аяз ата:Иә, жарадыңдар балалар!Ал мынау керемет сыйлықтар өздеріңе.Қабыл алыңдар!

Сыйлықтар таратылады.

Аяз ата:Ал бізге басқа да балабақшаға бару керек.Тағы да жаңа жылдарың құтты болсын.

Ақшақар:Сау болыңдар балалар!

Қоян:Сау болыңдар балалар, сендерге рахмет!

Жүргізуші:Осымен біздің жаңа жыдық ертеңгілігіміз аяқталды.Жаңа жылымыз тағы да құтты болсын!Сау болыңыздар!