Көңілді старт

Мақсаты:

Балалардың қимыл-қозғалыстарын жетілдіру, түрлі спорттық ойын түрлерін еркін ойнауға үйрету, спортқа қызығушылықтарын артты ру, салауатты өмір салтын қалыптастыру, ептілікке, төзімділікке, тшапшаңдыққа тәрбиелеу.

Жүргізуші: Спорт алаңына

Шақырамыз бәріңізді

Ойын жарыс кешіне

Қатысыңдар бәріңде

Әсем мүсін асқан ол

Жай оғындай от алау,

Әсемдікке бастар жол

Гимнастика екен ау.

Музыкамен гимнастика жасау

Жүргізуші: «Көңілді старт» атты жарысымызды бастаймыз.

Бүгінгі жарысқа қатысуға 2топ келіп тұр. Осы топтардың жарысын бағалайтын әділ қазылар алқасын сайлайық.

Әділ қазылар алқасына 3 адам сайланады.

1 команда «Бозжорға» командасы.

Команда капитаны:Дастанов Шоқан

2 команда «Қарлығаш» командасы.

Команда капитаны : Құсайын Санжар

Екі команда өздерін таныстырады.

1Команда:

Команда біздің «Бозжорға»

Келіңдер қане сайысқа

Кімдер епті, кім күшті

Озып шығар жарыста!

«Тұлпар» командасына «Бозжорға» командасынан жалынды салем!

2 команда:

«Бозжорға» командасына

Жоғары табыстар тілейміз

Бүгін шаршау болмасын

Достар бізді қолдасын!

Жүргізуші: Ұйымшылсың ба,

Жылдамсың ба?

Әлде болбыр, босаңсың ба?

Кел, сынасып көрелік,

Эстафеталық бұл ойында!

1-жарыс:

«Кім шапшаң» (жалаушаны межеге дейін жеткізу)

2-жарыс: «Кеглидің арасымен ирелеңдеп жүгіріп, өз командасына жету».

3-жарыс: « Доп үстіне отырып секіру»

Жүргізуші: (жұмбақ жасырады)

Шар секілді домалақ,

Тепсең кетеді домалап.

Өзін итте қаппайды.

Суға салсаң батпайды. (доп)

4-жарыс: «Допты домалату» (допты тез әрі ұқыпты домалату)

5-жарыс. «Жорғалау»

6-жарыс: «Су тасу» ( Ыдыстағы суды бос банкіге кружкімен тасу. Кім көп су жинайды?)

7- жарыс: «Мергендер» ( Кеглиге допты дәл тигізу )

8-жарыс: «Бақа-бақа, бақ-бақ» (қолдарын желкесіне қойып, тізені бүгіп секіру)

Жүргізуші:

Биіктен, алысқа,

Секіретін жарысқа.

Бақа келіп қатысты,

Бәрі қайран қалысты.

Жарыстың қорытындысы. Әділ-қазылардың шешімі бойынша «Бозжорға» тобы жеңімпаз деп танылып, балаларға алқа беріліп, мақтау қаазымен марапатталды.